Euskal enpresaren blog-a Zure enpresarentzat garrantzitsua den eguneroko informazioa

26 urria, 2016
III. Bilbao Youth Employment Forum: azaroaren 16an Bilbon

“Aldaketa geugandik hasten da: taldeak garatu, 2030 Agendarekin konprometitutako antolakundeak eraiki”… 

Azaroaren 16an “Bilbao Youth Employment Forum” ekitaldiaren edizio berri bat egingo da Bilboko Bizkaia Aretoan, helburu bikoitzarekin:

 

Batetik, bertatik bertara aurkeztuko da LANEren Lan Duinerako Ekimen Globala, Nazio Batuek GSHen zabalkunderako diseinatutako estrategiaren barruan integratua dagoena.

Topaketaren antolatzaileek espazio berri bat sortu nahi dute nazioarteko organismoetako ordezkari garrantzitsuenentzat, ikuspegi horretatik abiatuta jakin dezagun zeintzuk diren lan duina eta denontzako hezkuntza lortzeko erronka handienak GSHen esparruan. Topaketan parte hartuko dute Espainiako gobernuko ordezkariek eta gure inguruko esfera sozio-ekonomikoko beste eragile batzuek, beren babesa emateko 2030 Agendari.

 

Bestalde, eta erreferentzia marko hori abiapuntutzat hartuta, helburua da indarra ematea ideia honi: “aldaketa geugandik hasten da”.

Antolakundeak funtsezkoak dira garapenerako, horregatik, metodologia komun bat lortzeko lan egingo dugu, metodologia horren bidez taldeak garatzeko eta 2030 Agendarekin konprometitutako antolakundeak eraikitzeko.

 


BYEFi buruz:

Ekimena foro parte-hartzaile bezala sortu zen, ezagutza berria sortzeko eta konponbide bideragarriak bilatzeko etorkizuneko enpleguaren eta auto-enpleguaren arloan, gazteei begira bereziki.

Foroaren lehen ediziora (2014an egin zena) hainbat esparrutako ordezkariak azaldu ziren –administrazio publikokoak, enpresetakoak, sindikatuetakoak, unibertsitateetakoak, gazte antolakundeetakoak, gazteak…–, eta eztabaidarako eta gogoetarako espazio horretan aritu ziren denak hizpide harturik Etorkizuneko Gizarteetan enplegua bultzatzeko aktibatu behar diren faktore nagusiak. Gazte-enpleguak era askotako oztopoak ditu, enplegua sortzea eragile askoren ekintzen ondorioa delako.

Bigarren edizioan gazteen enplegagarritasuna ahalbidetzen eta eragozten duten faktoreak aztertu ziren. Oinarritzat hartu zen pertsonaren eta enpresaren artean sortzen den harremana. Aztergai izan ziren ingurune hurbilaren eta globalaren ezaugarri nagusiak, antolakuntza arloan gertatu behar diren aldaketak, eta nola jokatu dezaketen pertsonek horien aurrean, abiapuntutzat harturik “Garapen Sostengarrirako Helburuen markoan jasotako Enplegagarritasuna” agiria.

 

 

BYEF2016 ekitaldirako aurre-inskripzioa egiteko jo esteka honetara:
https://docs.google.com/forms/d/e/1FAIpQLSda7fTfBlBok-LaOzAb-6xNJ7yIbSqL1FhGNDiBciPHeNxLLw/viewform

 

Behin-behineko egitaraua
http://www.youthemploymentdecade.org/wp-content/uploads/2015/10/DRAFTProgramaweb.pdf

wake up! resumen CAS
Ekintzailetza 31 uztaila, 2020
Beste albiste batzuk ekintzaileentzat. Asteko laburpena. Uztailaren 27tik 31rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

kevo technologies
Oiartzungo KEVO Technologies enpresa teknologia proiektu onena izendatua izan da Bind 4.0-ren 4. edizioan

Kevo Technologies, Prozesuen Automatizazio robotikorako elkarrizketazko interfaze adimendunak...Leer más

ekinduz ehu upv
Ekintzailetza 29 uztaila, 2020
Marta Aparicio, Medikuntzako ikaslea, Ekinduz 2020 saria

121 ikaslek parte hartu dute UPV/EHUko 'ekintzailetzaren tribialaren' ezohiko edizio...Leer más

athletic club
Ekintzailetza 28 uztaila, 2020
Smart Solutions for Smart Destinations Challenge

Turismoko Mundu Erakundeak, Athletic Clubek eta Bizkaiko Foru Aldundiak startup-en lehiaketa...Leer más

wake up eus
Ekintzailetza 24 uztaila, 2020
Beste albiste batzuk ekintzaileentzat. Asteko laburpena. Uztailaren 20tik 24rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?