Euskal enpresaren blog-a Zure enpresarentzat garrantzitsua den eguneroko informazioa

15 Marzo, 2017
Gembira Tech beraizik zuzendurik dago kirolaren munduko Big Data-ren nitxo handira

Enpresa bizkaitarrak sortu zuen Runnea plataforma

BIC-Ezkerraldea zentroan kokatutako Gembira Tech enpresa data mining eta big dataren kudeaketan espezializatuta dago, kirol arloko eCommerce sektorean. 2013an ikusi zuten aukera handiak ireki zitezkeela kirol arloko informazioa denbora errealean jaso eta aztertuz, eta beren produktu izarra abiarazi zuten, Runnea.com ataria, kirola egiteko zapatilen konparatzailea.

 

“Mundu osoko datuak biltzen ditugu masiboki running zapatilei buruz, eta aholkularitza zerbitzu pertsonalizatua ere eskaintzen dugu: adituen iritziak, argazkiak, bideoak…” azaldu du Jorge García Betanzosek, Gembira Tech enpresako fundatzaileetako batek; “gainera, prezioak masiboki arakatzen ditugu, erabiltzaileak bilaketak egin ditzan neurri, modelo edo koloreen arabera”. Runnea plataforma hazten joan da, eta gaur egun erreferentea da running arloan, mundu osoko gaztelania hiztunen artean, 500.000 erabiltzaile eta hilean 1’5 milioi orrialde bistaratu dauzkalarik.

 

Lehen proiektu horretatik abiatuta, enpresak teknologia berbera estrapolatu du kirolarekin lotutako beste nitxo batzuetara eta konparatzaileak sortu ditu beste arlo batzuetan: paddle, ariketa egiteko eskumuturrekoak eta sneakers zapatilak. Orain proiektu berri bat sortzen ari dira: onlineko entrenamendu akademia bat. “50.000 korrikalaritik gorako datu basea daukagu” azaldu du Jorge Garcíak, “eta, nahiz eta asko diren onlineko entrenamendu-ereduak, gure ustez ez dago ongi funtzionatzen duen eredurik. Horregatik, zerbitzu pertsonalizatua sortu dugu erabiltzaile bakoitzarentzat, prezio tarte lehiakor baten barruan”. Gembira Tech enpresak apirilean kaleratu nahi du proiektu berria, entrenatzaile pertsonalaren zerbitzua eskainiz; entrenatzaile horrek ariketa-planak eta nutrizio-argibideak emango ditu pertsona bakoitzaren premia eta helburuen arabera.

 

Enpresa bizkaitarrak badu beste ildo estrategiko bat: aholkularitza eskaintzen die marka eta dendei, bildutako datu kopuru handia interpretatuz. “Prezioak masiboki arakatu ondoren informazio asko eskuratzen dugu, eta hori erabiliz, plataforma bat sortzen ari gara dendek erabakiak har ditzaten denbora errealean eta guk emandako informazioarekin: esaterako, beste denda batzuen prezioak, lehiaren egoera edo modelo bakoitzaren stock kopurua” azaldu du Gembira Tech enpresako fundatzaileak, “egunean 50.000 prezio baino gehiago arakatzen ditugu eta historikoak biltegiratzen ditugu. Hala, informazio baliagarri asko daukagu marka edo dendentzat”.

 

Hala ere, konpainiaren alderdi garrantzitsuena amaierako erabiltzaileari zuzenduta dago, eta zenbakiek erakusten dute hori: 2016an 2 milioi eurotik gorako salmentak sortu zituzten. Negozio-eredua salmentagatiko komisioan oinarritzen da batez ere, baina kirol marka handi askok laguntza eskatzen diote konpainiari beren bilduma berriak ezagutzera emateko publizitatearen bitartez.

Berrikuntza Teknologikoa 2 uztaila, 2021
Arteman, finalista Espainiako CEX sariketan landa-sektorerako eCommerce plataforma batekin

  Arteman Komunikazioak , Deba Bailarako Industrialdea, S.A.k (Sprilur-ek, Gipuzkoako Foru...Leer más

Berrikuntza Teknologikoa 18 maiatza, 2021
Grupo Gestionet: “Berrikuntza premia bat da, ez luxu bat”

Juan de Miguel-ek, Grupo Gestionet-eko CEO, gamifikazio arloko euskal konpainia aitzindariaren...Leer más

Serbia Empresas vascas
Berrikuntza Teknologikoa 28 apirila, 2021
QUALITY INNOVATION AWARD (QIA) ekitaldia: Sei euskal enpresak berrikuntzari aintzatespena jaso dute

Advanced Services in Mobility-ASIMOB,Euskal Trenbide Sarea eta Alias Robotics 'Award saria' jaso...Leer más

Berrikuntza Teknologikoa 31 abuztua, 2020
Solid Machine Vision: “Ikusmen artifiziala 4.0 Industriaren zutabeetako bat da”

Ikusmen artifizialeko tresnak -piezak kontrolatzera nahiz prozesuak gainbegiratzera bideratzen...Leer más

Tres entidades vascas participan en un proyecto para mejorar componentes críticos en turbinas eólicas

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?