Euskal enpresaren blog-a Zure enpresarentzat garrantzitsua den eguneroko informazioa

28 uztaila, 2017
Espainia, garapen bidean dagoen herrialdea crowdfunding-ari dagokionez

Estatuan gero eta gehiago dira finantzaketa alternatiboaren arloan lan egiten duten enpresak, halere Espainia Estatu Batuetako eta Erresuma Batuko kopuruetatik oso urrun dago. Zenbait ekintzailek finantzaketa alternatiboko konpainien babesean ekiten diote beren enpresa arloko bideari. Espainian badaude hainbat adibide, baina ez da gomendatzen lehen aukera gisa. 

Cambridge Unibertsitateak finantzaketa alternatiboari buruzko txosten bat egin du, non esaten baitu Espainiak bide luzea duela egiteko sektore horretan:

2015eko azterlan horren arabera, finantzaketa alternatiboak 50 milioi euro sortu zituen. Iaz, crowdfunding finantzaketa mota horrek 100 milioi euroak gainditu zituen lehen aldiz Espainian (113 milioiraino iritsi baitzen), “Universo Crowdfunding” aholkularitzak eginiko azterlan baten arabera. Mailegu plataformen esanetan, kopuru “esanguratsua” da, handia izateaz gain, “erakusten duelako datozen urteetan indartsu hazten jarraituko duela”.

Datu horiek Erresuma Batukoekin alderatuz gero, aldea nabarmena da, Erresuma Batuko kopurua 4.300 milioi eurotik gorakoa baita. Gauza bera gertatzen da Estatu Batuekin, non 19.000 milioi inguru finantzatzen baitira crowdfunding-aren bitartez. Europa mailan, Frantzia, Suedia, Holanda edo Estonia ohituago daude finantzaketa mota horrekin, eta maizago jotzen dute sektore horretara.

 

19 sozietate Estatuan

Gaur egun, finantzaketa parte-hartzaileko 19 plataforma (FPP) daude Estatuan, Balore Merkatuaren Batzorde Nazionaleko erregistroen arabera. Horrelako tresnak sortzeko araudia 2015eko apirilean sartu zen indarrean, eta urte hartan bertan onartu zen Burtsa Soziala, aipatu araudiak onartu zuen lehena. Horrelako plataforma bat abian jartzeko, gutxienez 60.000 euroko kapital soziala behar da. Bestalde, sozietateek erantzukizun zibil profesionaleko aseguru bat, abal bat edo antzeko garantiaren bat eduki behar dute –urtean gutxienez 300.000 euroko estaldura duena kalteen erreklamazioetarako, eta 400.000 eurokoa, guztira, erreklamazio guztietarako-, horren bidez aurre egiteko gerta daitekeen edozein negligentziari. Hainbat motatako FPPak daude. Alde nagusia da batzuetan enpresek kapital bezala jasotzen dutela inbertsioa eta beste batzuetan, aldiz, mailegu kolektiboak ematen zaizkiela.

 

Mikro-finantzaketa motak

Mikro-finantzaketaren irudi klasikoa da funtsak behar dituen proiektu txiki bat edo ideia sozial bat, zeinak jendearengana jotzen baitu behar duen dirua lortzeko. Baina badira crowdfunding modalitate gehiago. Eta ideia horrek hainbat bertsio ditu, denak ere partikularren ekarpenetan oinarritzen direnak; adibidez, plataforma batzuek dirua biltzen dute inbertsioetarako edo maileguetarako, banku tradizionalen antzera. Azken bi horiek –lehenengoak ez bezala- Balore Merkatuaren Batzorde Nazionalaren (CNMV) baimena behar dute 2015eko maiatzaz geroztik.

Einicia.es izan da negozio horretan sartu den azken startupetako bat. Duela urtebete gehiago zentratzen zen ongintzan eta irabazi asmorik gabeko ekimenetan, adibidez, umezurztegi bat eraiki zuen Sierra Leonan. Baina aurtengo otsailean zabaldu egin du bere jarduera, eta crowdfunding mota guztiak eskaintzen hasi da. “Gaur egungo finantza sistemak ez du inongo interesik bi milioi euro baino gutxiagoko inbertsioak babesteko. Ikusi genuen bazegoela premia hori, eta horregatik erabaki genuen enpresa handitzea” azaldu du María Garcíak, www.Enicia.es enpresako proiektuen zuzendariak.

Bankuek paper garrantzitsua dute dirua mailegatzeko ekosistema horretan. Mikro-maileguetan gailentzeko borrokan sartu beharrean, banku-patronalak erabaki du adostasun batera iristea plataforma berri horiekin, nahiz eta Espainiako Banka Elkarteak (AEB) argudiatzen duen horrelako plataforma berriek ez dituztela deposituak atzematen eta ez dutela esperientziarik arriskuaren kudeaketan. Crowdfunding plataformak osagarri bat dira bankuentzat, eta gainera bezeroak asetzera motibatzen dituzte mekanismo berriak erabiliz, adibidez digitalak. Finantza arloko zenbait konpainia gero eta interesatuago daude horrelako metodo esperimentaletan, beste ikuspegi bat dutenetan.

 

Ekintzaileentzako tresna

Krisialdia eta kreditu gabezia kolpe gogorrak izan ziren finantzaketa alternatiboaren hastapenetan, eta zalantzak sortu zituen proiektuak martxan jartzeko inbertsioak behar zituztenen artean. Mesfidantza hori desagertu egin da pixkanaka, eta horrela iritsi dira startupak sektore horretara. Finantzaketa errondek txoko bat sortu dute enpresa berrientzat. Bankuek eta inbertsio fondoek estaltzen ez zuten txoko bat. Beste tresna bat da, ekintzaileek hautatu dezaten, bi zentzuetan.

Cambridge Unibertsitatearen txostenak hainbat argibide eman ditu azaltzeko zergatik kosta zaion sektoreari martxan jartzea Espainian. Araudi aldaketak, plataformek jasandako porrotak eta kanpainetako edo maileguetako iruzurrak dira sektorearen hazkundean eragin negatiboena duten hiru faktoreak.

 

Argibide gehiagorako:

Enpresen Finantzaketa Sustatzeko Legea:
https://www.boe.es/boe/dias/2015/04/28/pdfs/BOE-A-2015-4607.pdf

Finantzaketa Parte-hartzaileko Plataformak:
https://www.cnmv.es/portal/consultas/Plataforma/Financiacion-Participativa-Listado.aspx

Gai honekin zerikusia duten eta UP-Euskadin argitaratuta dauden beste eduki batzuk:
https://www.spri.eus/bilaketa/?fwp_spbuscar=crowdfunding

Ángela Ming da solutions
Ekintzailetza 23 maiatza, 2020
‘Ming Da Consulting’: Txinan konfiantza, merkataritza akordioak eta aliantzak sortzeko zubia

Deustuko Unibertsitatearen 'Innogune' eraikinak, Donostian, balio erantsi handiko ekimen...Leer más

bic gipuzkoa
“Startup bioteknologiko baten egituraketa juridikoan funtsezkoak diren alderdiak”

BIC Gipuzkoa, Gipuzkoako Foru Aldundiaren laguntzari esker, “Startup bioteknologiko baten...Leer más

wake up! resumen CAS
Ekintzailetza 22 maiatza, 2020
Beste albiste batzuk ekintzaileentzat. Asteko laburpena. Maiatzaren 18tik, 22rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

leinn mondragon unibertsitatea
Ekintzailetza 21 maiatza, 2020
MONDRAGON TEAM ACADEMY-k startup sorkuntza prozesua jarri du abian Eywa eta Aipower-ekin

Startup-ak sortzeko prozesu berria Adimen Artifiziala eta Errealitate Birtualaren teknologietan...Leer más

puerto deportivo getxo
Ekintzailetza 19 maiatza, 2020
Nautika- eta kirol-ekintzailetzako zentro berri bat Kirol-Portuan

Udalak, Ekonomia Sustatzeko politikaren barruan eta Getxo jarduera ekonomikorako aukera-hiri gisa...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?