Euskal enpresaren blog-a Zure enpresarentzat garrantzitsua den eguneroko informazioa

6 uztaila, 2017
Erle Robotics enpresako Victor Mayoral izendatua izan da 35 urtetik beherako ekintzaileen sarietarako, alegia, Berrikuntzaren eta Teknologiaren Oscar sarietarako.

Victor Mayoral Vilches (Gasteiz, 1989, Erle Robotics konpainia arabarraren matrizea den Suitzako Acutronic Robotics taldeko teknologiako arduraduna) Espainiako 10 hautagaien artean izendatua izan da Europako ‘Innovators Under 35’ sarietarako (alegia, Berrikuntzaren Oscar sarietarako) . MIT Technology Review ospetsuak banatzen ditu sari horiek eta Parisen emango da epaia irailean. Garaikur horien historian, hauxe izan da lehen aldia robotikaren sektoreko profesional bat izendatua izan dena Espainian.

Innovators Under 35’ da MIT Technology Review aldizkariak –munduko teknologi arloko argitalpen zaharrena eta Massachusettseko Teknologia Instititu (MIT) ohoratuaren jabetzakoa- banatzen duen bereizgarri ospetsuena.

Sari horien bidez aitorpena egiten zaio proiektu teknologiko bikain eta disruptiboenak dituzten gazteen talentuari. Aditu askok diote “Berrikuntzaren arloko Oscar sariak” direla. Sariketaren helburua da “ikusgarritasuna ematea talentu handiena duten gazteei, gazte horiek gai baitira teknologiaren mundua irauliko duten edo bizi-kalitatea eta etorkizuneko negozioak aldatuko dituzten ideiak gauzatzeko”.

Sarien bidez gazteen talentua saritzen da arlo teknologikoan (softwarea eta hardwarea), baina baita ere bio-teknologia, telekomunikazioak, energia edota osasungintza bezalako esparruetan. Izendatuek, eta nola ez sarituek, nazioarteko sona lortzen dute beren ibilbide profesionalean.

 

Víctor Mayoralen izendapena

Lehiaketak Europako edizioa martxan jarri zuenetik, 250 saritu baino gehiago egon dira, besteak beste, hauek: Daniel Ek, Spotify plataformaren fundatzaileetako bat; Sergey Brin, Google enpresaren fundatzaileetako bat; edota Timothée Botouzet, Woodoo egur mota berriaren sortzailea. Material hori trasluzidoa da, eta ez du surik hartzen. Hala, hormigoia bezain gogorra da, baina ingurumenari dagokionez askoz sostengarriagoa.

Espainiako hautagaien aurre-aukeraketan 300dik gora lagun zeuden. Antolakunde independenteek izendatzen dituzte multzo horretan sartzen direnak, eta tartean dago Víctor Mayoral (Gasteiz, 1989) telekomunikazio eta informatikako ingeniaria.

Mayoralek robotikaren eta adimen artifizialaren esparruetan garatu du bere karrera. Gaur egun, teknologiako arduraduna da Suitzako Acutronic Robotics taldean, zeina Arabako Erle Robotics enpresaren matrizea baita iaztik. Mayoralek berak zuzentzen du Erle Robotics, dronen eta bestelako osagai robotikoen garapenean espezializatutako konpainia. “Innovators Under 35 Spain” sariketak izan dituen 7 edizioetan, lehen aldiz sartu da robotikaren sektoreko profesional bat Europa mailako saria jasotzeko izendatuen artean.

Epaimahaiak adierazi duenez, Victor Mayoral izendatuen zerrendan dago, berak bultzatu duelako Hardware Robot Operating System (H-ROS) proiektua eta bera izan delako ekimeneko lider teknologikoa. Ipar Amerikako Pentagonoko agentzia batek kofinantzatzen du proiektu hori, eta helburutzat du software eta hardware azpiegitura estandarizatu bat garatzea, robot berrerabilgarri eta birkonfiguragarrientzako osagaiak sortzeko.

Epaimahaiak dio euskal ingeniariak proiektatu eta zuzendutako sistema horrek iraultza ekarriko duela robotikara, roboten sorkuntza sinplifikatuko duten hardware interfaze estandarren bitartez, gainera, garapen fasea laburtuko du, eta aukera emango du fabrikatzaile desberdinen osagaien elkar jardunerako eta elkar trukerako (orain arte ez zena posible).
+info: www.erlerobotics.com

wake up! resumen CAS
Ekintzailetza 31 uztaila, 2020
Beste albiste batzuk ekintzaileentzat. Asteko laburpena. Uztailaren 27tik 31rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

kevo technologies
Oiartzungo KEVO Technologies enpresa teknologia proiektu onena izendatua izan da Bind 4.0-ren 4. edizioan

Kevo Technologies, Prozesuen Automatizazio robotikorako elkarrizketazko interfaze adimendunak...Leer más

ekinduz ehu upv
Ekintzailetza 29 uztaila, 2020
Marta Aparicio, Medikuntzako ikaslea, Ekinduz 2020 saria

121 ikaslek parte hartu dute UPV/EHUko 'ekintzailetzaren tribialaren' ezohiko edizio...Leer más

athletic club
Ekintzailetza 28 uztaila, 2020
Smart Solutions for Smart Destinations Challenge

Turismoko Mundu Erakundeak, Athletic Clubek eta Bizkaiko Foru Aldundiak startup-en lehiaketa...Leer más

wake up eus
Ekintzailetza 24 uztaila, 2020
Beste albiste batzuk ekintzaileentzat. Asteko laburpena. Uztailaren 20tik 24rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?