Euskal enpresaren blog-a Zure enpresarentzat garrantzitsua den eguneroko informazioa

3 abuztua, 2017
Bilboko Udalak eta Kutxabankek hitzarmena sinatu dute, enpresa-proiektu berrien finantzaketa errazteko

  • Ekimenak honako helburu hauek dauzka: hirian mikroenpresen sorrera sustatzea, autoenplegua bultzatzea eta dagoeneko martxan diren negozioak finkatzea.
  • BIG Bilbao ekintzailetzarako zentroko erabiltzaileak finantzaketa eskuratzeko bide horren onuradun izan ahalko dira.
  • Finantza-erakundeak espezialista bat jarriko du ekintzaileen eskura, aurkeztutako proposamenak bideratzeko.

 

BIG Bilbao ekintzailetzarako udal-zentroaren laguntzaz negozio-proiektu berriak abiaraziko dituztenek lehentasuna izango dute ekimenen finantzaketan, Bilboko Udalak, Bilbao Ekintzaren bitartez, eta Kutxabankek izenpetu duten hitzarmenari esker. Hitzarmen horren bitartez, mikroenpresa berrien sorrera sustatuko da hirian, autoenplegua bultzatuko da eta dagoeneko martxan diren negozioak finkatu eta hedatuko dira.

 

BIG Bilbao zentroak, besteak beste, finantzaketa eskuratzeko laguntza eskaintzen die ekintzaileei. Sinatu duten hitzarmena jarduketa-ildo horren barruan kokatzen da, hain zuzen; eta helburu du Bilbao Ekintzak babesten eta jarraitzen dituen proiektuak sortu eta garatzea sustatzea. Iaz, Bilbao Ekintzak lagundutako enpresa -ekimenek 1.360.000 euroko kanpoko finantzaketa lortu zuten.

 

Kutxabanken finantzaketa eskuratzeko, enpresa-proposamenek enpresa-plan bat eta Bilbao Ekintzaren teknikariek eginiko aldeko bideragarritasun-txosten bat eduki beharko dituzte. Finantza-erakundeak espezialista bat izendatuko du, BIG Bilbaoren erabiltzaileek aurkezten dituzten proposamenak bideratzeko. Lankidetza-hitzarmenak urtebeteko indarraldia dauka, eta urtebeteko aldietan luzatu daiteke.

 

BIG Bilbao Bilboko Udalaren ekintzailetza-zentro berritzailea da; Colón de Larreategi kaleko 3.zenbakian dago. Zentro horretan, hiritar ekintzaile ei zuzendutako baliabide eta ekimen guztiak bildu dira, eta bere misioa da Bizkaiko hiriburua negozio berriak sortzea erraztu eta sustatuko duen inguru bihurtzea. Ekintzailetzaren alorreko erreferentziazko espazio hori bada ekintzaileen arteko networkinga egiteko leku eta topagune bat ere, enpresa-proiektuen arteko sinergiak sustatzen ditu eta. BIG Bilbao ekin nahi dutenentzako sarbide nagusia da, eta informazio- eta orientabide-nodo gisa dihardu ekintzailetza-prozesu guztian zehar.

 

Bestalde, Kutxabank finantza-erakundea ETEn esparruaren buruan dago, eta Bizkaiko garapenaz arduratzen da. Horretarako, aurrerapenean laguntzen du finantza-produktu eta -zerbitzu ugari eskainita, bezeroek espero dutenaren eta behar dutenaren ildotik.

wake up! resumen CAS
Ekintzailetza 31 uztaila, 2020
Beste albiste batzuk ekintzaileentzat. Asteko laburpena. Uztailaren 27tik 31rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

kevo technologies
Oiartzungo KEVO Technologies enpresa teknologia proiektu onena izendatua izan da Bind 4.0-ren 4. edizioan

Kevo Technologies, Prozesuen Automatizazio robotikorako elkarrizketazko interfaze adimendunak...Leer más

ekinduz ehu upv
Ekintzailetza 29 uztaila, 2020
Marta Aparicio, Medikuntzako ikaslea, Ekinduz 2020 saria

121 ikaslek parte hartu dute UPV/EHUko 'ekintzailetzaren tribialaren' ezohiko edizio...Leer más

athletic club
Ekintzailetza 28 uztaila, 2020
Smart Solutions for Smart Destinations Challenge

Turismoko Mundu Erakundeak, Athletic Clubek eta Bizkaiko Foru Aldundiak startup-en lehiaketa...Leer más

wake up eus
Ekintzailetza 24 uztaila, 2020
Beste albiste batzuk ekintzaileentzat. Asteko laburpena. Uztailaren 20tik 24rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?