19 abuztua, 2017

Jakintzaren Kudeaketa zure ekintzaile negozioan : 5 urrats sinple

Erakunde guztietan, bai txikietan eta bai handietan, ezagutza indibidualak eta kolektiboak bateratu behar dira. Jakintza proaktiboki partekatu behar da bere sinergien emaitza positiboak lerrokatzeko eta biderkatzeko, eta ekintza horri izen bat eman zaio berriki: Jakintzaren Kudeaketa.

IKT edo Informazio eta Komunikazio Teknologiek ikaragarri erraztu dute Jakintzaren transmisioa, baina, beste alde batetik, baliteke xurgatu dezakegun datu eta eduki kopurua gehiegi saturatu izana eta, beraz, lortu nahiko genukeen eraginkortasuna galarazi izana. Hala, gero eta garrantzitsuagoa da informazio guztia kondentsatzea eta modu zehatzean, antolatuan eta zuzenean bideratzea, erakunde barneko kide guztiek behar bezala jarraitu eta ulertu dezaten informazio hori.

Ekintzaileok, gainera, badugu beste erronka bat, Jakintzaren Kudeaketa eta Negozioaren Kudeaketa bateratu behar ditugulako. Ondorioz, gogoeta egin eta geure ideiak ordenatu behar ditugu gai desberdinei buruz: negozio eredua, antolakuntzaren kultura, lankide izango ditugun pertsonekin izango dugun harreman mota (enplegatuak, bazkideak, kolaboratzaileak edo hornitzaileak), hobekuntza politika, berrikuntzarako pizgarriak… eta, gainera, gauza izan behar dugu gure taldeko pertsona bakoitzak dituen ideiak eta Jakintza erauzteko, aprobetxatzeko eta taldean integratzeko.

Jakintzaren Kudeaketak berritzeko, aldatzeko eta hobetzeko balio behar du. Mundua aldatzen ari da eta negozioak ere munduarekin batera aldatu behar du. Horregatik, oso garrantzitsua da lantaldeko pertsona guztiek negozioaren misioa eta ikuspegia ezagutzea eta partekatzea. Hortik aurrera, jaso ahalik eta informazio gehien, eskertu ekarpen guztiak eta aprobetxatu zure ekintzaile geneak ideiarik interesgarrienak aplikatzeko, berrikuntza beti dagoelako ongi partekatutako jakintzaren eta arrakasta lehiatsuaren arteko erdibidean.

Jakintzaren Kudeaketa plan sinple bat 5 urratsetan egin daiteke:

•  1. Pertsonen jakintza motak identifikatzea: tazitua eta esplizitua.
  Jakintza tazitua da pertsona orok berez duena, hots, berezko gaitasun eta trebetasunak, esperientziaren bidez lortutakoak eta baita ere sena.
  Jakintza esplizitua da transmititu eta beste pertsona batzuekin partekatu daitekeena.

• 2. Bitarteko digital bat aukeratzea informazioa biltegiratzeko eta partekatzeko.
  IKTei esker era ordenatuan gorde eta partekatu ditzakegu gure lantaldeko pertsona guztien ezagutza esplizituak. Ez da  “beste munduko” plataforma teknologikorik behar edo sekulako inbertsiorik egin behar; 2.0 izeneko tresna informatiko ugari daude eta dohainik lortu daiteke hori guztia. (Google Docs, DropBox, SliderShare…)

• 3. Jakintza gaiak definitzea.
  Komeni da zein gairen inguruko informazioa eta esperientziak partekatuko diren zehaztea. Espazio kolaboratiboa zabalik utz daiteke beste gai batzuetarako ere, baldin eta gai horiek esparru profesionalarekin lotuta badaude.

• 4. Parte-hartze egutegia planifikatzea.
  Garrantzitsua da ekarpenak egutegi batean jartzea, adibidez aste, hamabostaldi edo hilabete bakoitzean denbora zehatz bat ematea, jakintza-fluxua etengabekoa izan dadin eta ohitura bihurtu dadin.

• 5. Ekarpenak, iritziak eta iradokizunak Ulertzea eta Kontuan hartzea.
  Guztiak izan daitezke interesgarriak, orain ez bada aurrerago. Brainstorming batean bezala, ideia batek proiektu baten norabidea aldatu dezake (loturarik gabea iruditzen bazaigu ere) edo jarduera bat hobetu dezake eta detektatutako premia edo arazo bat konpondu.

Horrekin batera, tarteka hitzordu informalen bat antolatu daiteke informazioa ahozko komunikazioarekin osatzeko, ahoz eta idatziz esandakoak batzuetan bide desberdinetatik joaten baitira. Gogoan izan beti eskerrak eman behar direla egindako ahaleginagatik eta saiatu MOTIBAZIOA sortzen!

“Motibazio hitza latinezko motivus hitzetik dator, hots, «mugimenduaren arrazoia» esan nahi du. Honela definitu daiteke motibazioa: premia bat asetzeko bitarteko jakin baten aldera pertsona batengan aurkitzen den seinale edo enfasia, pertsona horrek bitarteko edo ekintza hori lanean jartzeko edo bertan behera uzteko behar duen bultzada sortzen edo handitzen duena. Motibazioa barne egoera bat da, portaera aktibatzen, zuzentzen eta mantentzen duena”.

http://pruebas.spri.eus/eu/berrikuntza

Ekintzailetza 31 uztaila, 2020

Beste albiste batzuk ekintzaileentzat. Asteko laburpena. Uztailaren 27tik 31rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

Partekatu

×

• Partekatu

Ekintzailetza

Oiartzungo KEVO Technologies enpresa teknologia proiektu onena izendatua izan da Bind 4.0-ren 4. edizioan

Kevo Technologies, Prozesuen Automatizazio robotikorako elkarrizketazko interfaze adimendunak...Leer más

Partekatu

×

• Partekatu

Ekintzailetza 29 uztaila, 2020

Marta Aparicio, Medikuntzako ikaslea, Ekinduz 2020 saria

121 ikaslek parte hartu dute UPV/EHUko 'ekintzailetzaren tribialaren' ezohiko edizio...Leer más

Partekatu

×

• Partekatu

Ekintzailetza 28 uztaila, 2020

Smart Solutions for Smart Destinations Challenge

Turismoko Mundu Erakundeak, Athletic Clubek eta Bizkaiko Foru Aldundiak startup-en lehiaketa...Leer más

Partekatu

×

• Partekatu

Ekintzailetza 24 uztaila, 2020

Beste albiste batzuk ekintzaileentzat. Asteko laburpena. Uztailaren 20tik 24rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

Partekatu

×

• Partekatu

Joan blog-era