Euskal enpresaren blog-a Zure enpresarentzat garrantzitsua den eguneroko informazioa

11 urtarrila, 2018
Momentum Project ekimenak enpresa sozialaren giltzarriak aztertu ditu

Argitalpen batek 47 proiektu ekintzaile jaso ditu, horietatik bost Euskadikoak.
Merkatu-gaiak banatzeko bizikleta.
Txita txxostenean aipatzen den enpresa sozialetako bat da.

 

Argitalpen batek 47 proiektu ekintzaile jaso ditu, horietatik bost Euskadikoak

Enpresa sozialak ez dira irabazi asmorik gabeko antolakundeak, ekimen filantropikoak edota ESK sailak. Un recorrido por 47 empresas sociales, inspiración y aprendizaje liburuak dioenez, izaera propioa duten enpresa proiektuak dira, eta enpresa munduko estrategiak baliatzen dituzte erronka sozialentzako konponbide berriak bilatzeko. ESADEko Berrikuntza Sozialeko Institutuak eta BBVAk eginiko azterlan horrek oinarritzat hartu ditu Momentum Project laguntza-programan parte hartu duten proiektuak, proiektu horietatik ekintzailetza sozialaren ezaugarri garrantzitsuenak ondorioztatzeko.

 

Ekintzailetza sozialaren kontzeptua errotu egin da azken urteotan. Gero eta ugariagoak diren ekimen berri horien helburu nagusia ez da irabazi ekonomikoak maximizatzea, baizik eta inpaktu positiboa sortzea inguruan, hala maila sozialean, nola ingurumenean edo bietan. Horrelako enpresek negozio eredu bereziak behar dituzte, hau da, epe luzera sostengarritasun ekonomikoa dutenak eta balio sozialaren sorkuntza lehenesten dutenak.

 

Laguntza-programan parte hartu duten 47 ekimenak aztertu ondoren, Momentum Project-eko lantaldeak ekintzailetza sozialeko eredu horri lotutako hainbat ezaugarri komun identifikatu ditu. Lehenengoa lider ekintzailearen figura da, hau da, lortu nahi duen aldaketaren ikuspegi argia duen pertsonarena. Bigarren zutabea da enpresa-tresnetan oinarritutako eredua, zeinetan merkatuko produktu edo zerbitzu bat baita sostengarritasunaren oinarria. Azkenik, horrelako enpresa sozialek laguntza-ekosistema bat izan ohi dute, sarean lan egiteko sektore publikoarekin, inbertitzaileekin, beste enpresa batzuekin, azelerazio programekin edo GKEekin.

 

Horrelako enpresen oztopo garrantzitsuenetako bat da ez dutela finantzaketarik, batez ere hazteko orduan. Konpainia tradizionalek ez bezala, enpresa sozialek ez dute halako errentagarritasunik, hori ez delako beren helburu nagusia. Hala, sarritan ez dute izaten inbertitzeko behar den funts propiorik. Arazo horri aurre egiteko, askok bide alternatiboak aukeratzen dituzte, hala nola crowdfunding-a edo mikro-finantzaketa kolektiboa, haztegi eta azelerazio programak edota inpaktuzko inbertsioa. Hirugarren formula hori dezente zabaldu da azken urteotan, eta honela funtzionatzen du: finantzatzaileek inbertsioak egiten dituzte proiektuan paper aktiboa hartzearen truke. Inbertitzaile horien helburua ez da beren irabaziak maximizatzea, baizik eta enpresaren inpaktu soziala handitzea.

 

Argitalpenak bere baitan jasotzen ditu Euskadiko bost enpresa sozialen kasuak, ekintzailetza eredu horrekin bat datozenak. Lehena Irisbond konpainia donostiarra da, zeinak software bat garatu baitu begien mugimenduarekin ordenagailua kontrolatzeko. Pazienteen elkarteekin lankidetzan garatutako teknologia horrek aukera ematen die ezgaitasun larriak dituzten pertsonei munduarekin komunikatzeko.

 

Txostenak halaber aipatzen du Bajoelagua Factory, finantzaketa lortzeko urpean ondutako ardoen salmentan oinarritzen den enpresa. Produktu hori merkaturatuz lortzen dituen irabaziak baliatzen ditu itsasoko bizitza birsortzeko eta dibulgazio-lanetarako. Inithealth enpresa soziala osasunaren kudeaketa pertsonalizaturako zerbitzu plataforma bat da, eta tinta kartutxoak eta tonerrak birziklatzeko Bioservice kooperatibak lana ematen die ezgaitasuna duten pertsonei. Azkenik, argitalpenean aipatzen da baita ere Txita enpresa, zeinak bizikletaz banatzen baititu merkatu-gaiak eta bizikleta-taxi zerbitzua ematen baitu Donostian.

Berrikuntza 6 maiatza, 2021
SPRI Taldeko zuzendariak hasiera eman die ETEentzako laguntza-planak aurkezteko eskualde mailako jardunaldiei

  SPRI Taldeko zuzendari nagusi Aitor Urzelaik ostegun honetan eman die hasiera Ekonomi...Leer más

Berrikuntza 5 maiatza, 2021
Eusko Jaurlaritzak Basque Green Deal aurkeztu du, Bidezko Garapen Jasangarriaren Ereduan aurrera egiteko ekimena

  Europako Itun Berdea edo European Green Deal, Europar Batasunak 2019ko abenduan proposatu...Leer más

centro innovación abierta Álava Araba Gasteiz Vitoria
Berrikuntza 4 maiatza, 2021
Arabak Berrikuntza Irekiko Zentro bat izango du enpresa-berrikuntza bultzatzeko

Aurtengo udan inauguratuko da Arabako Foru Aldundiak abian jarri duen Berrikuntza Irekiko eta...Leer más

Agroplaza
Berrikuntza 3 maiatza, 2021
Pezestudio: “Agroplazaren helburua hiriko bizitzaren aldeko hirigintza sortzea da”

Pezestudio arkitekturaren bidez inguruak sozial eta ekologikoki aldatu nahi duten arkitektoen...Leer más

Berrikuntza 29 apirila, 2021
Pertsonak ardatz dituen diseinua enpresetara eramateko laguntza-programa ezagutaraziko du Mondragon Unibertsitateak

  Mondragon Unibertsitateak online egingo den doako jardunaldi bat antolatu du enpresa eta...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?