Euskal enpresaren blog-a Zure enpresarentzat garrantzitsua den eguneroko informazioa
25 urtarrila, 2018

Jonatan Amenedo, Dative Partners: “Balioa sortzen dugu enpresen datu ezkutuen bidez”

Jonatan Amenedo, Dative Partners enpresako zuzendari nagusia

Dative Partners startupak proiektu bat abiarazi du Euskaltelekin Bind 4.0 ekimenaren barruan

Dative Partners enpresa bizkaitar bat da, telekomunikazio, retail eta industria sektoreetako big datan eta datuen analitikan espezializatua dagoena, eta Bind 4.0 azeleragailuaren bigarren edizioko 27 aukeratuetako bat izan da. Dative Partners 4.0 industriako proiektu bat garatzen ari da Euskaltelekin Eusko Jaurlaritzak eta Euskadiko puntako 27 konpainiak bultzatutako programa horren barruan.

 

Zer egiten du Dative Partners enpresak?

 

Balioa sortzen dugu enpresek ezkutuan dituzten datuen bidez, meatze batean urre bila lan egitea bezalakoa da. Askotan, konpainien balioa ezkutuan gelditzen da datuen atzean. Guk arazoa detektatzen dugu eta konponbidea aurkitzen dugu datuak aztertuz.

 

Zer eskaintzen diezue enpresei?

 

Bi negozio-eredu dauzkagu. Retail sektorean badugu enpresei produktuak monitorizatzeko aukera ematen dien tresna bat. Adibidez, demagun kontserba enpresa batek jakin nahi duela bere produktua zein supermerkatutan dagoen, zein preziotan saltzen den, zein preziotan saltzen duten lehiakideek eta nola lotzen den hori guztia bere merkatu neurketekin. Gu gai gara denbora errealean monitorizatzeko bezeroak merkatuan dauzkan produktuen egoera zehatza, “insight as a service” modura eskainiz. Zerbitzuei dagokienez, zerbitzu arinen aholkularitzako paketeak saltzen ditugu. 6 aste igarotzen ditugu konpainian, eta denbora horretan enpresan eragina duten alderdien diagnostikoa egiten dugu, beren datuak aztertzen ditugu eta prototipoak proposatzen dizkiegu arazoa konpontzeko. Gure aholkularitzan profil desberdinetako aholkulariak dauzkagu -negozio-aholkulari bat, informatikari bat eta big data arloko ingeniari bat-enpresaren arazo espezifikoa konpontzeko, 6-8 astetan produktu bideragarriak sortuz.

 

Zer da datuen analitikako beste konpainia batzuengandik bereizten zaituztena?

 

Negozio aholkulariak gara, eta datuetan oinarritutako konponbideak eskaintzen ditugu. Normalean, big data eta analitika arloetako enpresak informatikaren mundutik sortutakoak dira; gu, berriz, negozioaren mundutik gatoz, eta teknologia bitarteko gisa erabiltzen dugu negozioaren arazoak konpontzeko. Beraz, ikuspegia da bereizten gaituena.

 

Zergatik sortu zenuten Dative Partners?

 

Enpresa joan den urteko irailean sortu zen ofizialki, nahiz eta bageneramatzan sei hilabete proiektua ontzen. 5 urtetik gora generamatzan Europa osoan lanean, batez ere telekomunikazioen sektorean. Eta denbora horretan ikusi genuen telekomunikazio enpresetan egiten ari ziren big datako analisiak aplikagarriak zirela beste sektore askotan, retail edo industria sektoreetan adibidez.

 

 

Zertan datza Bind 4.0 ekimenaren barruan Euskaltelekin martxan daukazuen proiektua?

 

Proiektu horrek datuak monetizatzeko estrategia bat sortuko du, Euskaltelen bezero diren enpresek aukera izan dezaten balioa sortzeko beren datuak erabiliz. Hainbat tresna garatuko ditugu digitalizazioaren bidea urratu nahi duten enpresek prozesua garatu dezaten denbora oso laburrean. Teknologia hori Euskalteli emango diogu, beraz, inor konpainiara hurbiltzen bada esanez, adibidez, “gure ibilgailu flota monitorizatu nahi dugu”, Euskaltelek aste gutxitan emango dio zerbitzu hori, konponbide azkar batekin. Bind 4.0 ekimenaren bitartez lortu nahi duguna da Euskaltel, konektagarritasun hornitzaile izateaz gain, datuen zerbitzu-hornitzaile ere izan dadila.

Basque Industry 4.0 4 apirila, 2020
Eragile ekonomikoek positiboki hartu dute Deep Dive – 4.0 teknologietan murgiltzeko jardunaldien aurkezpena

Joan den apirilaren 1ean, Basque Digital Innovation Hub erakundeak 4.0 teknologietan murgiltzeko...Leer más

Jaso y Tecnalia convierten grúas industriales en robots
Basque Industry 4.0 31 martxoa, 2020
Garabi industrialak robot bihurtu dituzte Jasok eta Tecnaliak

Garapen berriak aukera ugari ematen ditu eskuzko prozesuak eta doitasun-prozesuak automatizatzeko,...Leer más

Basque Industry 4.0 30 martxoa, 2020
CFO Data Analytics, adimen areagotua finantza arloko erabaki onenak hartzeko

  Lanit aholkularitzak merkaturatu duen datuen analisirako aplikazioa integragarria da ERP...Leer más

Datuak atzeman eta analizatzea prozesuak hobetzeko

  Nutec Procal konpainiak IoT, datuen analitika eta adimen artifiziala konbinatzen dituen...Leer más

Basque Industry 4.0 29 martxoa, 2020
Robotikaren aplikazio malguak – 4.0 konponbideak

Artikulu honetan, BDIHek eskaintzen dituen 4.0 soluzioak aurkezten ditugu, robotika-nodoko kideen...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?