Euskal enpresaren blog-a Zure enpresarentzat garrantzitsua den eguneroko informazioa

25 apirila, 2015
Zure negoziaren jomuga publikoak ongi identifikatzen hasteko

Ekintzaileoi asko kostatzen zaigu behar bezala definitzea gure jomuga merkatua, hau da, zaila egiten zaigu zehaztea zer nolako bezero potentzialei zuzendu nahi dizkiegun gure marketin eta komunikazio ahaleginak. Horregatik, norbaitek horri buruz galdetzen badigu normalean hauxe erantzuten dugu: “Edonori!… Edozein izan daiteke nire etorkizuneko bezeroa… enpresak, profesionalak, instituzioak, erakundeak, publiko orokorra…”

 

Baliteke negozio ekintzaileren batek “edonori” saltzea bere produktu edo zerbitzuak, baina hala ere oso garrantzitsua da “target” bat definitzea, eta termino anglosaxoi horrek esanahi zehatz bat du marketinaren esparruan, alegia, zein jomuga publikori zuzendu behar diogun gure arreta eta ahalegina.

 

Bezeroak atzematera bideratutako ekintza orok estrategia baten barnean integratuta egon behar du eta estrategia orok gogoeta eta azterketa sakonen ondorio izan behar du. Enpresa lehiakorrek baliabide ugari bideratzen dituzte “Merkatu azterketak” egitera. Azterketa horiek ikerketa kualitatibo eta kuantitatiboko prozesuak dira, denbora batez garatzen direnak, bezero izan daitezkeen pertsonen, enpresen, erakundeen edo instituzioen premiak, portaerak, nahiak eta eskaerak aztertzeko.

 

Hala ere, baliabideak beti dira mugatuak: denbora, dirua, materialak, energiak, kolaboratzaileak… Ez ditugu xahutu behar eta horregatik, itsu-itsuan tiro egin nahi ez badugu, ezinbestekoa da gure dianak ongi identifikatzea. Bestalde, ahalik eta informazio gehien bildu behar da erabaki egokiak hartzeko eta gure punteria fintzeko.

 

Ekintzaileok zorionez Internet erabil dezakegu, non guk uste baino askoz ere informazio gehiago baitago, baina datu horiek denak aukeratzen eta ongi interpretatzen ere ikasi behar dugu.

 

Hasteko, hauxe da gure lehen iradokizuna: “Benchmarking”-a praktikan jartzea. Bigarren anglizismo hau erabiltzen da etengabeko prozesu sistematiko bat izendatzeko, zeinaren bidez zure jarduera “alderatuko” baituzu mundu osoko beste enpresa eta profesional batzuekin, zure txokotik atera gabe. Bisitatu zure sektoreko nazioarteko konpainia handien webguneak, edo zure inguruko enpresenak eta, jakina, baita ere jakin behar duzu zertan dabiltzan zure antzeko negozioak aurrera atera nahian dabiltzanak: konpainia handiek dohainik ematen dizute orientazioa, haiek erakusten baitute merkatuko haize onek norantz jotzen duten. Lehiatzaileek, berriz, informazio baliotsua emango dizute jakiteko zeintzuk diren lehiarako zure faktore bereizleak (lehiarengandik bereizten gaituen orok abantaila bihurtu behar du balizko bezeroentzat).

 

Bilatu behar dituzun oinarrizko informazioak merkatua bera osatzen duten elementuak dira:

· Eskaera (kontsumitzaileak, bezeroak)

· Eskaintza (produktoreak, merkatariak, lehia)

· Banaketa (bitartekariak, handizkariak, txikizkariak)

· Bitartekaria (orientatzailea, preskribatzailea, aholkularia)

· Ingurunea (legala, soziala, teknologikoa, demografikoa, kulturala, e.a.)

 

Interneten gainera ia arlo guztiei buruzko datu estatistiko eguneratuak ematen dituzten argitalpenak daude: sektore ekonomikoak, kontsumoari, produkzioari, erosketei, salmentei, portaerei, joerei, eta abarri buruzko txostenak… Zergatik ez aprobetxatu?

 

Ipini epemuga bat behar duzun informazio guztia biltzeko, bestela urteak emango dituzu horretan! Gero, ordenatu eta ez geratu agerikoarekin bakarrik; saia zaitez lerro artean irakurtzen. Ziurrenik, ideia garrantzitsuak otuko zaizkizu jomuga merkatua ongi definitzeko.

 

Beste artikulu batean Internet baliatuko dugu gure jomuga publikoa sailkatzeko, beraiekin komunikatzeko eta leialtzeko eta CRM (Customer Relationship Manager) tresnak eta oinarrizko teknika batzuk erabiliz zure “punteriari” ahalik eta probetxu gehien ateratzeko.

Fondo Repsol
Ekintzailetza 22 urtarrila, 2021
Fundación Repsolen Ekintzaileentzako Fondoen X. Deialdia

Fundación Repsolek Ekintzaileen Fondoaren X. deialdiari hasiera eman dio. Azelerazio-programa...Leer más

Hobeen
Hobeen enpresak aurrera pausoak eman ditu energia aurrezteko softwarearen garapenean eta merkaturatzean

Nafarroako Unibertsitatearen Fast Track berrikuntza-programan sortua eta Lanzadera enpresen...Leer más

Up Euskadi Wake Up!
Wake up! Albiste ekintzaile batzuk sarean. Asteko laburpena: Urtarrilaren 18tik, 22rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

CorowayHome
Ekintzailetza 20 urtarrila, 2021
Corowai enpresa arabarra Green Product Award 2021 sarietako finalista da DIY etxolari esker

Corowai enpresa arabarra, zuhaitzetan jartzeko “Do it yourself” etxolak diseinatzen eta...Leer más

Juan Ignacio Llorente Orbea
Ekintzailetza 18 urtarrila, 2021
GOMUTAK: Patologia mentalak dituzten eta gizarte-bazterkeria arriskuan dauden pertsonen bizi-kalitatea hobetzea

Ekimen honen helburu nagusia da bere eguneroko bizitzan patología mentala eramateko zailtasunak...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?