Euskal enpresaren blog-a Zure enpresarentzat garrantzitsua den eguneroko informazioa

23 maiatza, 2017
“B-Venture” ekimenak zabaldu du startupak finantzatzeko izen-emate epea

B–Venture ekimena Bilbon izango da berriro urrian, finantzaketa behar duten “Proiektu Berritzaileak azeleratzeko”, eta laguntza emango die beren heltze eta martxan jartze prozesuetan.

Ekimen hori El Correo egunkariak sustatzen du hainbat erakunderen laguntzarekin –Eusko Jaurlaritzako Ekonomi Garapen eta Azpiegitura Saila, Bizkaiko Foru Aldundia eta Bilboko Udala-, eta helburutzat du Ipar zonaldeko ekintzailetza arloko erreferentziazko espazio bihurtzea eta talentu ekintzailea atzematea. Era berean, asmoa du gure ingurunea ekintzailetzarako espazio egoki bihurtzeko, espazio horretara bil daitezen eragile sozial guztiak.


B-Venture ekimenak hiru giltzarri ditu:

1: Prestakuntza emateko eta proiektuak azeleratzeko programa bat.

2: Proiektuak inbertitzaileei aurkezteko ekitaldi bat, eta ondorengo finantzaketa errondak.

3: Hitzaldiz, tailerrez, eta networking eta B2B saioz osatutako egitaraua.

Horri guztiari esker, ekitaldiak dinamizazio ekonomikoa sustatuko du sektorean, enpresa-sare berritzailea bultzatuz, finantzaketa ahalbidetuz eta aukera interesgarriak sortuz ekintzaileen, enpresen, inbertitzaileen eta erakundeen artean.

 

Bestalde, startupek hiru arrazoi dituzte laguntza eta azelerazio ibilbide horretan izena emateko.

PRESTAKUNTZA

B-Venture ekimenak gaikuntza programan parte hartzeko aukera eskaintzen die aukeratuak izan diren “Early Stage” proiektuei.

FINANTZAKETA

Aukeratutako proiektuak inbertitzaileen aurrean aurkeztuko dira “One to One” saioetan, eta txostenak ere entregatuko zaizkie.

LAGUNTZA

12 hilabetez laguntza emango zaie parte-hartzaileei beren negozio-eredua martxan jartzeko eta negozio-egoitzan kokatzeko.

 

Prestakuntza eta azelerazio programa

20 proiektu aukeratuko dira, irizpide hauetan oinarriturik: proposamenaren izaera berritzailea, bideragarritasuna, eskalagarritasuna eta balizko inbertitzaileentzat izan dezakeen interesa.

Gainera, ekitaldi presentziala denez, bertara bilduko dira inbertitzaileak, azeleragailuak eta, besteak beste, arrisku kapitaleko enpresak. Hitzaldi eta tailerretan parte hartuko dute beren ikuspegia azaltzeko eta Estatuko zein nazioarteko panorama ekintzailean izandako esperientziak erakusteko, arreta berezia jarriz Latinoamerikako merkatuari.

Sartu hitzordua zure agendan: B-Venture 2017ko urriaren 17 eta 18an egingo da!

Proiektuak inskribatzeko epea zabalik egongo da ekainaren 10era arte:
www.b-venture.com/participar

wake up eus
Ekintzailetza 10 uztaila, 2020
Beste albiste batzuk ekintzaileentzat. Asteko laburpena. Uztailaren 6tik 10rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

Pablo Ocaña the glocal network
Ekintzailetza 9 uztaila, 2020
Adimen kolektiboa; XXI. Mendeko erronka erakundeentzat

“Komunitatea" ia mundu guztiak ulertzen duen terminoa da eta gero eta garrantzitsuagoa da edozein...Leer más

crowdfunding bizkaia
Ekintzailetza 8 uztaila, 2020
Igo zure proiektua, finkatu lortu nahi duzun zenbatekoa eta hasi finantziazio-erronda. Oso erraza!

Baduzu proiekturik buruan, baina ez dakizu nola finantzatu? Crowdfunding Bizkaia aurkezten...Leer más

eic aceleradora europea
wake up eus
Ekintzailetza 3 uztaila, 2020
Beste albiste batzuk ekintzaileentzat. Asteko laburpena. Ekainaren 29tik, Uztailaren 3rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?