Euskal enpresaren blog-a Zure enpresarentzat garrantzitsua den eguneroko informazioa

21 uztaila, 2015
Korrosioaren eta higaduraren aurkako erresistentzia duten estaldurak diseinatu dituzte biomedikuntzan erabiltzeko

Eibarko zentroak tantalo nitruroz egindako estaldura biobateragarriak garatu ditu

IK4-TEKNIKER euskal zentro teknologikoak korrosioaren eta higaduraren aurkako erresistentzia handia duten estaldura tekniko aurreratuak diseinatu ditu, hortz-inplanteetan eta belauneko nahiz aldakako protesietan erabiltzeko.

Gaur egun, erabilera medikoko inplanteetan erabiltzen diren titaniozko aleazio biomedikoek korrosioarekiko erresistentzia handia dutela frogatu dute, baina irristatzeetan eta beste material batzuekiko igurzketan, titanioak higadura handia izan ohi du.

Fenomeno honen ondorioz, behar baino lehenago protesietan akatsak eragin ditzaketen higadura-partikulak ager daitezke, eta testuinguru honetan, erresistentzia handiko estaldurak lortzea giltzarrizkoa da protesien bizitza erabilgarria luzatu ahal izateko.

Honela, Eibarko zentroak tantalo nitruroz (TaN) egindako estaldura biobateragarriak garatu ditu, korrosioari eta higadurari aurre egiteko modukoak eta PVD (urrun-faseko lagatze fisikoa) teknologiaren bitartez laga daitezkeenak.

Tantalo nitrurozko estaldurek goitik behera murrizten dituzte igurzketa eta (korrosioaren ondoriozko) higadura mekanikoa eta kimikoa. Murrizketa hori % 98koa da titaniozko substratuaren aldean.

Gainera, ikertzaileek, DLC (Diamond Like Carbon) klaseko estaldurak eta plasma bidezko elektro-oxidazioa (PEO) delako teknologian oinarritutako gainazal-tratamenduak diseinatu dituzte.

“Teknologia hauen erabilpenaren bitartez, korrosioaren eta higaduraren aurkako erresistentzia duten estaldurak lortu dira”, ziurtatu du ikerketa koordinatu zuen Amaia Igartuak.

Garatutako materialak bioteknologia, biomedikuntza eta osasuna bezalako sektoreetan aplika daitezke, baita aeronautika eta automobilgintza sektoreetan ere, besteak beste.

IK4-Teknikerren aurkezpena

Las universidades vascas dan un impulso al talento de Euskadi en inteligencia artificial
Berrikuntza Teknologikoa 21 maiatza, 2020
Euskal unibertsitateek Euskadiko adimen artifizialaren inguruko talentuari bultzada emango diote

Euskadik aurrerapauso garrantzitsu bat emango du aurten adimen artifizialaren (AA) arloan....Leer más

Coroma para el desarrollo de una nueva generación de robots industriales inteligentes
Berrikuntza Teknologikoa 20 maiatza, 2020
Adimen artifizialez garatutako roboten belaunaldi berriak fabrikazio-prozesuak aldatu ditu ontzigintzan, aeronautikan eta energian

Ideko, fabrikazioaren arloan espezializatutako zentro teknologikoa eta BRTAko kidea, azkenengo hiru...Leer más

Tecnalia e Ibermática desarrollan un sistema pionero para rastrear contactos de Covid-19 garantizando la privacidad
Sener
Berrikuntza Teknologikoa 14 maiatza, 2020
Jupiterri misio zientifikoa laguntzeko euskal tresna

Misio aeroespazialetan, satelitearen interferentzia magnetikoek, askotan, esperimentu zientifikoak...Leer más

La tecnología de realidad virtual de Virtualware será utilizada en las simulaciones de centrales nucleares de General Electric Hitachi

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?