Euskal enpresaren blog-a Zure enpresarentzat garrantzitsua den eguneroko informazioa

3 iraila, 2015
Iñaki Aranburu IK4 aliantza teknologikoko presidente izendatu dute

Iñaki Otaño (IK4-LORTEK) presidenteorde berria izango da
Iñaki Aranburu

IK4-IKERLAN zentro teknologikoaren egungo presidente Iñaki Aranburuk lekukoa hartu dio Jesus Maria Iriondori IK4 aliantza teknologikoa zuzentzeko arduran. Karguan bete beharreko aldia osatu ondoren, Iriondok IK4rekiko lankidetzan jarraituko du IK4-Teknikerreko presidente kargutik.

Euskal aliantza teknologikoko zuzendaritza organoen berritze honetan, Iñaki Otaño (IK4-LORTEK) presidenteorde izendatu berri dute. Jose Miguel Erdozainek Zuzendaritza Nagusian jarraituko du.

IK4ko presidente berriak IK4-IKERLANen hasi zuen bere ibilbide profesionala. Bertan, hamost urte egin zituen guztira, eta eta urte horietako urte batzuetan Kontseilu Errektoreko kide izan zen. Ondoren, Produktu Garapeneko zuzendari izan zen Goizpen kooperatiban, eta bertan Olaker deritzon I+G unitatea abiarazi zuen. Lau urte geroago, ibilbide profesionala Oronan jarraitu zuen. Konpainia honetan, berrikuntza teknologikoaren alorra garatu zuen, Orona eic izeneko I+G unitatearen sorreraz.

Euskadiko bederatzi zentro teknologikok (AZTERLAN, CEIT, CIDETEC, GAIKER, IDEKO, IKERLAN, LORTEK, TEKNIKER eta VICOMTECH) osatutako IK4 aliantza teknologikoan 1.300 profesionalek lan egiten dute. Urtean 102 milioi euroko diru-sarrerak dituenez gero, Europa osoko 10 korporazio teknologiko pribaturik garrantzitsuenen artean kokatu da.

Azken urteotan, IK4k ikerketa aplikatuaren arloan duen erreferentzialtasun-posizioa indartu du, hein handi batean enpresek egiten dioten zuzeneko kontratazioari esker. Enpresa pribatuak IK4ren diru-sarreretan duen portzentajea % 60tik gorakoa da.

Euskal aliantza teknologikoak Europatik datozen I+G+b arloko diru-sarrerak ondorengo hiru urteotan % 50 gehitzearen alde apustu egin du, eta horren haritik, urtean Europatik datozkion 12 milioiko diru-sarreren ordez, 18 milioi biltzea espero du, hots, guztizko diru-sarreren % 15 inguru. Honek 130 milioi euro inguruko aurreikuspena osatzen du Horizon 2020 programari aurreikusi zaion zazpi urteko iraunaldian.

IK4 aliantza

Tres entidades vascas participan en un proyecto para mejorar componentes críticos en turbinas eólicas
Haritive, el proyecto para la fabricación avanzada de piezas grandes y de alto valor con materiales de elevado coste
Berrikuntza Teknologikoa 24 ekaina, 2020
Haritivek aurrerapenak lortu ditu kostu eta tamaina handiko piezak sortzeko fabrikazio aurreratuko teknologian

Hiru urteko lanaren ondoren, Haritive proiektua amaitu da, eta aurrerapen handia lortu du...Leer más

Ikerlan prueba en Florencia un nuevo sistema para gestionar el ‘big data’ hacia la movilidad urbana inteligente
Plasnor reorienta su producción al fabricar planchas transparentes de metacrilato para mamparas
Berrikuntza Teknologikoa 1 ekaina, 2020
Plasnorrek bere ekoizpena berrantolatu du, manparetara bideratuta dauden metakrilatozko xafla gardenak egiteko

Legazpin egoitza duen Plasnor enpresa gipuzkoarrak merkatu berri bat aurkitu du. Orain arte,...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?