Euskal enpresaren blog-a Zure enpresarentzat garrantzitsua den eguneroko informazioa

7 iraila, 2015
Ikerketa batek nerbio-sistema periferikoaren birsorkuntza-ahalmena argitu du

Ikerketan parte hartu duten ikertzaileak

CIC bioGUNE biozientzietako ikerketa-zentro kooperatiboa buru duen proiektu zientifiko batek, nerbio-sistema periferikoan lesioren bat izan ondoren, neuronak inguratzen dituen mielina izeneko substantzia birsortzeaz arduratzen den mekanismoa argitu du.

Era berean, University College London (UCL) delakoaren koordinaziopean egindako ikerketa honek frogatu duenez, nerbio-sistema zentraleko organoetan –garuna eta bizkarrezur-muina– mielina sortzen duten zelulek ez dute birsortze-ahalmen hori.

Mielina, nerbio-bulkadak transmitzen dituzten neuronen inguruko substantzia estalgarria da, proteinaz eta lipidoz –liproproteinaz– osatutakoa. Liproproteina hau, neuronetan sortutako bulkada elektrikoak gorputz-atal desberdinetara azkartasunez eta eraginkortasunez eta intentsitate-galerarik gabe igortzea ahalbidetzen duen isolatzailea da.

Mielinan lesioren bat gertatuz gero, bulkada elektrikoak atzeratu eta are gelditu egiten dira, eta esklerosi anizkoitza bezalako gaixotasun neurodegeneratinoak gerta daitezke.

CIC bioGUNE zentroari atxikitako Ashwin Woodhoo Ikerbasqueko ikertzailea eta Kristján Jessen UCLko zientzialaria buru dituen ikerketa honek argi utzi du, nerbio-sistema periferikoko zelulek lesioetan kaltetutako mielina deuseztu eta birsortze-prozesua abiatzeko gaitasuna dutela.

The Journal of Cell Biology aldizkarian argitaratu berri den proiektu honen ondorioen arabera, nerbio-sistema periferikoan dauden zelulek, Schwann-en zelulak deritzenek, nerbio-lesio batean kaltetutako mielina autofagiaz deusezteko ahalmena dute. Zeharo erregulatuta dagoen prozesu zelular honen bitartez, erabili ezinik geratu den subtantzia degradatu eta birziklatu egiten da.

Substantzia hori deusezten lagundu ondoren, zelula horiek birsorkuntza neuronala  bultzatzeko antolatzen dira.

Mielinaren galerak gaixotasun desmielinatzaileak deritzenak eragin ohi ditu. Hauetako batzuk, esklerosi anizkoitza adibidez, nerbio-sistema zentralean gertatzen dira. Ezezagunagoak diren beste batzuk, ahultasun muskularra eta paralisia eragiten dituen Guillain-Barré-ren sindromea deritzon asaldura autoinmunea kasu, nerbio-sistema periferikoan gertatzen dira.

“Ikerketa honi esker, hobeto ulertu ahal izango ditugu nerbio-sistema periferikoko gaixotasun desmielinatzaile desberdinak. Mielinaren galera, neuropatia desberdinetan ematen den faktore unibertsala da. Lanaren emaitzak gaixotasun hauei buruzko ezagutzan aplikatu ahal izango dira”,  adierazi du Woodhoo-k.

Las universidades vascas dan un impulso al talento de Euskadi en inteligencia artificial
Berrikuntza Teknologikoa 21 maiatza, 2020
Euskal unibertsitateek Euskadiko adimen artifizialaren inguruko talentuari bultzada emango diote

Euskadik aurrerapauso garrantzitsu bat emango du aurten adimen artifizialaren (AA) arloan....Leer más

Coroma para el desarrollo de una nueva generación de robots industriales inteligentes
Berrikuntza Teknologikoa 20 maiatza, 2020
Adimen artifizialez garatutako roboten belaunaldi berriak fabrikazio-prozesuak aldatu ditu ontzigintzan, aeronautikan eta energian

Ideko, fabrikazioaren arloan espezializatutako zentro teknologikoa eta BRTAko kidea, azkenengo hiru...Leer más

Tecnalia e Ibermática desarrollan un sistema pionero para rastrear contactos de Covid-19 garantizando la privacidad
Sener
Berrikuntza Teknologikoa 14 maiatza, 2020
Jupiterri misio zientifikoa laguntzeko euskal tresna

Misio aeroespazialetan, satelitearen interferentzia magnetikoek, askotan, esperimentu zientifikoak...Leer más

La tecnología de realidad virtual de Virtualware será utilizada en las simulaciones de centrales nucleares de General Electric Hitachi

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?