Euskal enpresaren blog-a Zure enpresarentzat garrantzitsua den eguneroko informazioa

2 abendua, 2015
CIC nanoGUNEk diagnostikatzeko tresnak garatuko ditu industria biomedikorako

CIC nanoGUNE-k nanoingeniaritzako ikerketa-talde berri bat aurkeztu du
CIC nanoGUNE-ko nanoingeniaritzako ikerketa-taldea

Nanoteknologiaren arloan diharduen CIC nanoGUNE ikerketa kooperatiboko zentroak industria biomedikorako diagnostiko-tresna berriak garatzeaz arduratuko den nanoingeniaritzako ikerketa-talde berri bat aurkeztu du.

Aste honetan bertan aurkeztutako taldea Andreas Seifert Ikerbasqueko ikertzaileak zuzenduko du, eta oinarrizko nanozientzia nahiz mikrosistema biomedikoetan aplikatutako ingeniaritza konbinatuko ditu.

Talde berriaren helburua zientzia fisikoen eta aplikazio industrial eta klinikoen arteko zubiak eraikitzea da, eta nanoteknologiaren laguntzaz, balio erantsia gaineratu ahal izango die mikrosistema mediko eta gailu mesoskopiko berritzaileei.

“Bazkide klinikoen lankidetzaz, diagnostiko-tresna berriak garatu behar ditugu, bereziki gaixotasun kardiobaskularrak, minbizia eta gaixotasun neurodegeneratiboak bezalako hedapen handieneko gaixotasunetarako”, adierazi du Andreas Seifert-ek.

Ikertzaileak 15 urterik gorako esperientzia du optika eta ingeniaritza biomedikoan, eta sentsore inplantagarrien sistemetan, monitorizatutako zunda multimodal berritzaileetan eta inbasio txiki-txikiko kirurgiarako diagnostiko-tresnetan lan egin du. CIC nanoGUNEn zuzentzen duen taldeak esparru honetan ikertzen jarraituko du, aukera diagnostiko eta terapeutiko berriak zabaltzeko asmoz.

“Nanoteknologian oinarritutako mikrosistema berritzaile hauek aukera diagnostiko berriak irekiko dituzte; adibidez, ohiko jardunean arrisku kardiobaskular handia duten pazienteen epe luzeko eta etengabeko monitorizazioa, minbiziaren detekzio goiztiarra biopsia nekagarriak egin beharrik gabe, edota gorputzeko konduktu estuetako ehunen bereizketa”, gaineratu du Seifert-ek.

Nanoingeniaritzako taldea metrologia optikoko azken belaunaldiko laborategi bat eta materia solido eta bigunerako fabrikazio-zerbitzuak prestatzen ari da. Garatuko dituzten gailu eta método berrien berrikuntzak neurri nanometrikoetako (milímetro-milioiren bateko) egitura txiki-txikien inguruko mikroteknologia eta nanoteknologia izango ditu oinarri.

Tres entidades vascas participan en un proyecto para mejorar componentes críticos en turbinas eólicas
Haritive, el proyecto para la fabricación avanzada de piezas grandes y de alto valor con materiales de elevado coste
Berrikuntza Teknologikoa 24 ekaina, 2020
Haritivek aurrerapenak lortu ditu kostu eta tamaina handiko piezak sortzeko fabrikazio aurreratuko teknologian

Hiru urteko lanaren ondoren, Haritive proiektua amaitu da, eta aurrerapen handia lortu du...Leer más

Ikerlan prueba en Florencia un nuevo sistema para gestionar el ‘big data’ hacia la movilidad urbana inteligente
Plasnor reorienta su producción al fabricar planchas transparentes de metacrilato para mamparas
Berrikuntza Teknologikoa 1 ekaina, 2020
Plasnorrek bere ekoizpena berrantolatu du, manparetara bideratuta dauden metakrilatozko xafla gardenak egiteko

Legazpin egoitza duen Plasnor enpresa gipuzkoarrak merkatu berri bat aurkitu du. Orain arte,...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?