Euskal enpresaren blog-a Zure enpresarentzat garrantzitsua den eguneroko informazioa

13 martxoa, 2017
Basque EEN partzuergoak jardunaldi bat antolatu du Bruselan fabrikazio aurreratuarentzako Europako laguntzei buruz

Eureka programa 40 herrialde biltzen dituen ekimen kooperatibo bat da eta I+G+B-ko proiektuak babesten ditu

 

Basque EEN Partzuergoak (SPRI Taldeak zuzendutako erakunde bat, helburutzat daukana Europa enpresei hurbiltzea eta euskal ETEek laguntza-funtsen zati bat eskuratzea) Infoday jardunaldi bat antolatu du AFM makina erreminta klusterrarekin eta Mondragon Korporazioarekin batera, Europako Eureka programak I+G+B-rako ematen dituen laguntzei buruz, eta bereziki, fabrikazio aurreratuaren sektorekoei buruz. Ekitaldia Bruselan izango da martxoaren 30ean.

 

Eureka I+G+B kooperatiboari laguntzeko gobernu arteko ekimen bat da, non 40 herrialdek parte hartzen duten. Eureka clusters direlakoak, berriz, epe luzeko ekimen estrategiko batzuk dira, Europako lehiakortasunerako giltzarriak diren teknologiak garatzen dituztenak I+G+B-ko proiektuak babestuz. Ikusirik fabrikazio aurreratuak Europako ekonomian daukan garrantzia eta pisua, programa berri bat abiarazi da sektore horretan, industriak zuzendutako I+G+B-ko proiektuak babesteko enpresa, teknologi zentro eta unibertsitateen arteko nazioarteko lankidetzaren bidez.

 

Kluster horren barruan deialdi bateratu bat ireki da Txekiar Errepublikaren, Frantziaren, Hungariaren, Hegoafrikaren, Hego Korearen, Suediaren eta Turkiaren artean fabrikazio aurreratuko proposamenak egiteko. Bestalde, Alemania, Austria, Belgika eta Maltako enpresek ere parte hartu ahal izango dute.

 

Martxoaren 30erako antolatutako topaketetan hainbat herrialdetako enpresak, unibertsitateak, teknologi zentroak eta ikerketa institutuak bilduko dira, eta aukera izango dute alde biko bilerak egiteko eta, bide horretatik, lankidetza teknologikoko akordioak hitzartzeko fabrikazio aurreratuaren arloko azken berrikuntzekin lotuta, eta bazkideak bilatzeko Eureka proiektuak garatzeko. Zabalik dago interesatuek izena emateko epea.

 

Garaia Guneko jardunaldia

EEN lanean ari da, halaber, beste jardunaldi bat antolatzen martxoaren 15ean Arrasateko Garaia Gunean, non fabrikazio aurreratuari buruzko laguntzak aurkeztuko diren. Ekitaldi horren helburua da informazioa ematea Smart ekimenaren (Eureka nazioarteko lankidetza programaren barruan sortu den fabrikazio aurreratuko teknologien arloko ekimenaren) misioari eta estrategiari buruz. Dagoeneko zabalik dago interesatuek izena emateko epea. Jardunaldia beraizik zuzenduta dago ekimen honen helburuekin eta ibilbide orri teknologikoarekin bat egin nahi duten enpresei, enpresa elkarteei, teknologi zentroei, unibertsitateei eta I+G arloan aktiboki lan egiten duten erakundeei. Jardunaldia amaitutakoan, eta aldez aurretik eskatuz gero, alde biko bilerak antolatu ahal izango dira interesatuen eta Smart proiektuko lantaldearen artean, eta baita ere enpresa parte-hartzaileekin. Hori guztia CDTIren (Estatuko berrikuntza agentzia) laguntzarekin egingo da, proiektuetarako garapen-ildoak identifikatzeko prozesuan aurrera egiteko.

 

 

Haritive, el proyecto para la fabricación avanzada de piezas grandes y de alto valor con materiales de elevado coste
Berrikuntza Teknologikoa 24 ekaina, 2020
Haritivek aurrerapenak lortu ditu kostu eta tamaina handiko piezak sortzeko fabrikazio aurreratuko teknologian

Hiru urteko lanaren ondoren, Haritive proiektua amaitu da, eta aurrerapen handia lortu du...Leer más

Ikerlan prueba en Florencia un nuevo sistema para gestionar el ‘big data’ hacia la movilidad urbana inteligente
Plasnor reorienta su producción al fabricar planchas transparentes de metacrilato para mamparas
Berrikuntza Teknologikoa 1 ekaina, 2020
Plasnorrek bere ekoizpena berrantolatu du, manparetara bideratuta dauden metakrilatozko xafla gardenak egiteko

Legazpin egoitza duen Plasnor enpresa gipuzkoarrak merkatu berri bat aurkitu du. Orain arte,...Leer más

Berrikuntza Teknologikoa 25 maiatza, 2020
Dronek konponbide berriak ekarri dituzte 4.0 Industriara

  Drone by Drone konpainia nabigatzaile birtual bat garatzen ari da Tecnalia-rekin batera,...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?