Euskal enpresaren blog-a Zure enpresarentzat garrantzitsua den eguneroko informazioa

23 martxoa, 2017
Sidenorrek eta Outokumpu finlandiarrak bat egin dute altzairuzko barrak saltzeko

Sidenor-ek beroan ijeztu eta azalgabetutako barra biribilak ekoiztu eta banatuko ditu

Euskal enpresak produktua europar merkatuan komertzializatzeko akordio bat itxi du konpainia eskandinaviarrarekin

 

Sidenor euskal fabrikatzaileak eta Outokumpu konpainia finlandiarrak akordio bat sinatu dute mekanizazio errazeko altzairu herdoilgaitzezko barrak elkarren artean europar merkatuan komertzializatu ahal izateko.

 

Zehazkiago esanda, bi konpainiek Prodec deritzen makinagarritasun handiko altzairuzko barren salmenta adostu dute. Makinagarritasuna delako propietate horrek materialek teknika desberdinen bitartez mekanizatu edo mozteko eskaintzen duten erraztasuna zehazten du.

 

Mekanizatzeko erraztasun handiagoa eskaintzeaz gain, Prodec altzairu herdoilgaitzak barren arteko eta tenperatura desberdinen arteko uniformetasun handiagoa lortzen laguntzen du.

 

Akordio berri honi esker, euskal konpainiak beroan ijeztu eta azalgabetutako barra biribilak ekoiztu eta banatuko ditu, konpainia finlandiarrak fabrikatutako Prodec totoxetatik abiatuta. Baterako jardun honen bitartez, bi enpresek 6 eta 350 milimetro bitarteko gama osoari dagozkion barra biribilak merkaturatu ahal izango dituzte.

 

“Oso pozik gaude elkarketa hau ezagutzera emateaz. Oro har, gama osoa eskaini ahal izango diegu Europako bezeroei. Produktu honekiko interes handia sumatu dugu banatzaile eta mekanizatzaileengan”, ziurtatu dute bi konpainietako bozeramaileek ohar baten bitartez.

 

Euskal enpresaren esanetan, makinagarritasun handiko Prodec altzairu herdoilgaitzek mekanizatzeko abiadurarik handienak eskaintzen dizkiote industriari. Horren harira, euskal konpainiak esan du, material mota hori erabiliz gero, mekanizazio-eragiketak optimizatu eta % 50ko aurrezkiak ere lor daitezkeela. Gainera, abiadura handiko mekanizazioak ertzetako deformazioak saihesten eta azalaren akabera eta tolerantzia hobea lortzen laguntzen du.

Enpresa Eraldaketa 11 maiatza, 2020
Geograma: “Geo-kokapenak erraztasunak ematen ditu erabakiak hartzeko eta negozio-prozesuak optimizatzeko”

  Arabako enpresa hau topografia industrialeko, piezen kontrol dimentsionaleko eta...Leer más

Enpresa Eraldaketa 10 otsaila, 2020
Aldakin IDEKOrekin lotu da I+Ga bultzatzeko

Euskal zentro teknologikoak eta soluzio robotikoetan espezializatutako taldeak bien arteko...Leer más

Enpresa Eraldaketa 5 otsaila, 2020
Bio-ontziak, elikagaigintza eta ehungintza ekologikoagoak izan daitezen

GAIKER zentro teknologikoa azpiproduktuetatik edo hondakinetatik abiatuta ontzi berriak ekoiztea...Leer más

Enpresa Eraldaketa 14 urtarrila, 2020
Ingeteamek egoitza estreinatu du Abu Dhabin

Euskal enpresak eguzki-energia fotovoltaikoaren sektorean duen posizionamendua indartuko du Arabiar...Leer más

Enpresa Eraldaketa 9 urtarrila, 2020
Ikusmen artifiziala, kalitate-ikuskapena optimizatzeko

Vicomtech-ek Ekin enpresak fabrikatzen dituen brotxen ikuskapen-prozesua automatizatzeko sistema...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?