Euskal enpresaren blog-a Zure enpresarentzat garrantzitsua den eguneroko informazioa
23 urria, 2017

Ehelburuak bete ditu eta 332 milioi euro lortu ditu I+G+b finantzateko europako Horizon(te) 2020 programatik

Gehitu egin da enpresen, bereziki ETEen, parte-hartzea. 2014, 2015 eta 2016 deialdietan Euskadik 331,63 milioi euro lortu ditu, eta bete egin du Horizon(te) 2020rako parte-hartze helburua, hirurteko honetarako ezarria.

221 euskal erakundek parte hartu dute I+G+b-ko 530 proiektutan, eta horietako %37n (199 proiektutan) buru izan da Euskadi. Lorturiko finantzaketaren %84 espezializazio-estrategia adimendunaren lehentasunetan (fabrikazio aurreratua, energia eta biozientziak/osasuna) ─Euskadi 2020 Zientzia, Teknologia eta Berrikuntza Planean jasorik daudenetan─ batzen da.

 

Zamudio, 2017ko urriaren 20a. 2014 eta 2016 artean, guztira 221 euskal erakundek parte hartu dute I+G+b-ko 530 proiektutan, 331,63 milioi euroko finantzaketa lortuz Europako Horizon(te) 2020 programatik. Emaitza horiekin bete egin dira denboraldi honetarako ezarritako asmo handiko helburuak, Europako Euskal I+G+b-ren Koaderno Estrategikoan jasoak, Koaderno honek ikerketa eta berrikuntza nazioartekotzeko euskal estrategia markatzen duelarik. Horrela agertzen da Eusko Jaurlaritzak eta Innobasque-Berrikuntzaren Euskal Agentziak egin duten Horizon(te) 2020n Euskal Parte-hartzearen Txostenean. Horizon(te) 2020 programak nahi du: Europak zientzia bikaina izatea; Europako berrindustrializaziorako funtsezko teknologiak garatzea, hots, KETKey Enabling Technologies (IKT, nanoteknologia, material aurreratuak, bioteknologia eta espazioa); eta Europako gizarteak iker dezala aurrean dituen erronka handiei buruz: osasuna, zahartzea, elikadura, energia, garraioa, klima eta lehengaiak, gizarte inklusiboak eta segurtasuna.

 

Azken hirurtekoan finantzaturiko proiektu hauetako %37tan euskal erakunde bat izan da buru. Datu garrantzitsua da hori, proiektu konplexuak baitira, erakunde askoren parte-hartzea dutenak, izaera eta sektore askotakoak eta Europako Batasunaren barruko eta kanpoko hainbat herrialdetakoak.

 

Halaber, txostenak dio enpresen eta bereziki ETEen parte-hartzea indartu egin dela denboraldi honetan: 144 euskal enpresak (horietatik 113 ETEak direlarik) 137,24 milioi euroko balioa duen finantzaketa lortu dute. Horietatik 31 enpresa oso berritzailek 13,15 milioi euroko finantzaketa lortu dute ETE tresnari esker, eta horri esker azeleratzen ari dira beren produktuak eta zerbitzuak merkatura iristea.

 

Parte harturiko 221 erakundeetatik, talde teknologikoek lortu dituzte itzulkin handienak programa honetan (guztiaren %42), eta ondoren enpresek (%41), zientzia-taldeek (39,16%), osasun-taldeek (%1) eta gainerako erakundeek (%13,21). Bestalde, parte hartu duten erakunde guztien %52 aurrez Europako esparru-programatan parte hartu gabea zen.

 

Jarraian, 2016rarte HORIZON 2020n partaidetza nabarmena duten 20 euskal erakundeen zerrenda agertzen da, lortutako finantziazioaren arabera.

 

Euskadik bere buruari jarri dion helburuetako bat da euskal espezializazio-estrategia adimendunarekin (RIS3 Euskadi) bat datorren ikerketa garatzea, lehentasun gisa fabrikazio aurreratua, energia eta biozientziak/osasuna identifikatzen dituelarik estrategia horrek. Honela, 2014-2016 denboraldian, Euskadik lorturiko finantzaketaren %84 eremu horietan ardazten da, eta nagusitasun esanguratsua dago fabrikazio aurreratu eta energia proiektuetan.

 

Txostenak EAEk Horizon(te) 2020 programan izandako parte hartzea monitorizatzen du, eta adierazten du Alemania, Italia, Erresuma Batu, Frantzia, Belgika, Holanda eta Espainiarekin ezarri duela Euskadik elkarlan edo lankidetza kopururik handiena. Gainera, lurralde horiek dira itzulkin handiena lortzen dutenak Horizon(te) 2020tik.

 

Bestalde, 1.934 milioi euro lortu ditu Espainiak programa honetatik, eta finantzaketa handiena lortu duen EBko laugarren herrialdea da, Alemania, Erresuma Batua eta Frantziaren atzetik. Katalunia, Madril eta Euskadi dira Europatik funts gehien jasotzen dituzten autonomia-erkidegoak H2020ren bidez, eta Euskadi da parte-hartze horretan buru garraio iraunkor, nanozientzia, material aurreratu, bioteknologia eta fabrikazio aurreratuaren arloetan.

 

Euskadi 2020 Zientzia, Teknologia eta Berrikuntza Planak ezartzen du 2020. urtea bukatzerako Euskadik 805 milioi euro lortu behar dituela Horizon(te) 2020tik, eta hori Europako 2.100 I+G+b proiektutan parte hartu izanari esker.

decidata-19 covid-19
Bio osasuna 2 apirila, 2020
Panel DeciDATA-19: Datu Hobeak, Erabaki Hobeak euskal ospitaleen sistemarako.

Nola ari da eragiten COVID-19 euskal ospitaleen sisteman? ...Zein ospitale ari...Leer más

Grandes empresas y pymes vascas se movilizan para apoyar al sector sanitario ante el Covid-19
Bio osasuna 31 martxoa, 2020
Euskal enpresa handiak eta ETEak osasun-sektoreari laguntzeko mobilizatu dira, Covid-19 gaitzaren aurka

Azken hiru asteetan, Euskadiko enpresa eta profesionalen sarea mobilizatu egin da,...Leer más

A-&B Laboratorios-ek esponentzialki biderkatu du hidrogelen ekoizpena

Konpainia arabarrak gel desinfektatzailez hornitzen ditu ospitaleak, egoitzak eta kolektibo...Leer más

La CE aumenta la financiación de proyectos de innovación e investigación sobre coronavirus a través del Horizon 2020
Bio osasuna 30 martxoa, 2020
Europako Batzordeak koronavirusari buruzko berrikuntza eta ikerketa proiektuen finantzaketa handitu du Horizon 2020ren bidez

Europako Batzordeak Horizon 2020 programa eguneratu du koronabirusarekin lotutako ikerketa eta...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?