Euskal enpresaren blog-a Zure enpresarentzat garrantzitsua den eguneroko informazioa

11 urria, 2017
Txekia, Eslovakia eta Poloniako SPRIko zuzendariek bisitak egingo dituzte beren herrialdeetan interesatuta dauden euskal enpresetara

Euskadira datoz azaro hasieran, bertatik bertara azaltzeko nola hobetu, handitu edo martxan jarri enpresen presentzia Europa Erdialdean
SPRI Taldeko eta euskal empresako stand bat Txekiar Errepublikan.

Euskadira datoz azaro hasieran, bertatik bertara azaltzeko nola hobetu, handitu edo martxan jarri enpresen presentzia Europa Erdialdean.

 

SPRI Taldearen (Enpresen Garapenerako Euskal Agentziaren) Txekia eta Eslovakiako bulegoko zuzendari Tomas Buchtele eta Poloniako bulegoko zuzendari Gemma Aizpitarte azaroaren hasieran etorriko dira Euskadira, pertsonalki bisitatzeko herrialde haietan beren presentzia hobetu, handitu edo abiatu nahi duten euskal enpresak. SPRIren ordezkariak azaroaren 6tik 8ra etorriko dira Euskadira, eta bilerak egingo dituzte interesatuta daudenekin, enpresan bertan edo SPRIren bulegoetan.

 

Txekiar Errepublikak %3,5eko batez besteko hazkundea izan du azken hiru urteotan, eta %4ko langabezia-tasa du. Txekiako industriak du pisu handiena Europar Batasuneko BPGn, %38koa hain zuzen. Bakarrik eraldaketa industriak, eraikuntza sektorea kontuan hartu gabe, Txekiako BPGren %25 ordezkatzen du (EBko batez bestekoa %15ekoa da).

 

Merkatu garrantzitsua da euskal enpresentzat hainbat arrazoirengatik, hona hemen batzuk: amaierako ekipoak diseinatzen eta fabrikatzen ditu (makina-erreminta, ekipo ondasunak, autoak, autobusak, trolebusak, traktoreak, tranbiak, lokomotorak eta hegazkinak), hainbat sektore industrialen balio-kate osoa barne hartzen du, merkatu dinamikoa da, eta zenbait sektoretan ez dago saturatuta. Horrez gain, Europako plataforma nagusia da Alemania, Japonia, Korea eta Txinako multinazionalentzat, eta Europako auto fabrikatzaile garrantzitsuenetako bat da (1,3 milioi unitate 2016an). Iraganean hertsiki lotuta egon denez Eslovakiarekin, herrialde biek merkatu bakar gisa funtzionatzen dute sarritan, eta biak kontuan hartuta, 48 euskal enpresak dituzte ezarpenak merkatu horretan.

 

Eslovakiak %3,5 inguruko hazkundea izan du azken bi urteotan, bere langabezia-tasa %9,6koa da eta Europako zor publiko txikienetako bat du (BPGaren %51,9koa). Aldi berean, Europako ekonomia liberalizatuenetako bat da, eta zerga-sistema abantailatsua du. Eslovakia da EBko bigarren herrialde industrializatuena: industriak BPGren %36,4 ordezkatzen du, eta eraldaketa industriak –eraikuntza kanpoan utzita-, %27,2ko portzentajea du. Autoen per capita ekoizpen handiena duen munduko lehen herrialdea da, izan ere automozioak Eslovakiako BPGren %43 ordezkatzen du, Europako portzentaje handiena alegia.

 

Poloniak, berriz, %7ko langabezia-tasa du eta iaz %3,8ko hazkunde ekonomikoa izan zuen. Polonia da azpiegiturak eta programa nazionalak garatzeko Europar Batasuneko funtsen onuradun handiena.

 

Aukera bikainak eskaintzen ditu atzerriko zuzeneko inbertsiorako, lege bereziak egin baititu inbertsioa atzemateko eta EBko herrialdeen ereduarekin pixkanaka bat egiteko. Herrialde seguru eta erakargarria da eta kokapen paregabea du; 2,5 orduko distantziara dago hegazkinez Europako hiri nagusietatik, eta harreman zuzena du Europa Ekialdeko eta Erdialdeko merkatuekin. Horrek esan nahi du 250 milioi kontsumitzailerengana irits daitekeela 1.000 km-ko erradioan. Industri jarduerari dagokionez, Euskadik baino kostu txikiagoak ditu, %30 txikiagoak gutxi gorabehera.

 

 

Ceit lidera un proyecto internacional para reducir el riesgo de la industria aeronáutica
Boletin Oportunidades Basque Trade Septiembre 2020
Europa 11 iraila, 2020
Merkatuak kanpoan eskaintzen dituen Aukerak. Sektoreak eta herrialdeak.

SPRI Taldearen enpresen nazioartekotzerako euskal agentziak, Basque Trade & Investment-ek,...Leer más

Additout crea un sistema basado en inteligencia artificial para la principal universidad de Dublín
Europa 7 iraila, 2020
Additout enpresak adimen artifizialean oinarritutako sistema bat sortu du Dublingo unibertsitate garrantzitsuenerako

Additout euskal enpresak UCD Dublingo unibertsitate nagusia osatzen duten pertsonei arreta emateko...Leer más

Europa 24 uztaila, 2020
371 euskal erakundek Europako berrikuntza funtsaren ia 700 milioi euroko dirulaguntzak eskuratu dituzte

  Euskadi da nanoteknologia eta bioteknologia arloetan Horizontea 2020 programaren...Leer más

Alfalosid
Europa 17 uztaila, 2020
Lantekek bere ezarpena indartu du Europan, Austriako, Greziako eta Zipreko banatzaile berriekin

Lantek multinazional euskalduna CAD-CAM/MES/ERP soluzioen garapenean eta merkaturatzean liderra...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?