Euskal enpresaren blog-a Zure enpresarentzat garrantzitsua den eguneroko informazioa

29 iraila, 2016
Tubacexek Thailandiaren alde apustu egin du

Euskal konpainiak joint venture bat sortzea adostu du enpresa japoniar batekin
Tubacexek hodiak ekoitzi eta saltzen ditu

Euskal konpainiak joint venture bat sortzea adostu du enpresa japoniar batekin

 

Soldadurarik gabeko altzairuzko hodien fabrikazioan espezializatuta dagoen Tubacex konpainia arabarrak Thailandian joint venture bat sortzea adostu du Japoniako Awaji enpresarekin.

 

Eragiketak, euskal taldearen filial italiar baten bitartez gauzatutako 3,3 milioi dolarreko kapital-zabalkuntza ekarriko du, eta Tubacexi Thailandian sartzen laguntzeaz gain, konpainia honek Asian daukan presentzia sendotuko du.

 

Akordioan aurreikusi denez, Tubacex sozietate berriko kapital sozialaren % 60az jabetuko da, eta japoniarrak gainerako % 40a kontrolatuko du. Proiektua altzairu herdoilgaitzezko tamaina txikiko osagai berezien fabrikazioan espezializatuko da, konpainia arabarraren fitting arloko egungo eskaintza osatuz.

 

“Sektorearen krisiak fitting segmentua kolpatu du nagusiki, baina horri erantzunez, gure instalazioen espezializazio-plana abiatu eta Thailandiako erosketa estrategikoa gauzatu dugu, dibertsifikazioan eta balio-katearen posizioaren zein amaierako erabiltzailearenganako hurbilketaren hobekuntzan ezarriak ditugun helburuak lortzeko asmoz”, ziurtatu du Jesús Esmorís Tubacexeko CEOak ohar baten bidez.

 

Oharraren arabera, Tubacex Awaji Thailand izena hartuko duen sozietate berriak hiru urtetan 20 eta 25 milioi euro tarteko fakturazioa lortzea espero da.

 

Arabako enpresa liderra da altzairu herdoilgaitzezko produktu tubularren fabrikazioan. Ekoizpen-lantegiak ditu Espainian, Austrian, Txinan, Italian, Estatu Batuetan eta Indian, eta bere presentzia komertziala 38 herrialdetara hedatuta dago.

 

 

Tubacex taldearen aurkezpen bideoa

Veigalan y Azterlan desarrollan una solución inteligente para crear materiales metálicos más resistentes y ligeros para fabricar frenos de coche
Enpresa Eraldaketa 11 maiatza, 2020
Geograma: “Geo-kokapenak erraztasunak ematen ditu erabakiak hartzeko eta negozio-prozesuak optimizatzeko”

  Arabako enpresa hau topografia industrialeko, piezen kontrol dimentsionaleko eta...Leer más

Enpresa Eraldaketa 10 otsaila, 2020
Aldakin IDEKOrekin lotu da I+Ga bultzatzeko

Euskal zentro teknologikoak eta soluzio robotikoetan espezializatutako taldeak bien arteko...Leer más

Enpresa Eraldaketa 5 otsaila, 2020
Bio-ontziak, elikagaigintza eta ehungintza ekologikoagoak izan daitezen

GAIKER zentro teknologikoa azpiproduktuetatik edo hondakinetatik abiatuta ontzi berriak ekoiztea...Leer más

Enpresa Eraldaketa 14 urtarrila, 2020
Ingeteamek egoitza estreinatu du Abu Dhabin

Euskal enpresak eguzki-energia fotovoltaikoaren sektorean duen posizionamendua indartuko du Arabiar...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?