Euskal enpresaren blog-a Zure enpresarentzat garrantzitsua den eguneroko informazioa

6 ekaina, 2017
Siemens Gamesak offshore parke eoliko bat garatuko du Alemanian

Konpainiak 112 megawatt eta 16 aerosorgailu hornituko dizkio guztira EnBW elektrizitate-konpainia alemaniarrari

Konpainiak 112 megawatt eta 16 aerosorgailu hornituko dizkio guztira EnBW elektrizitate-konpainia alemaniarrari

 

Siemens Gamesa konpainia eolikoak aerosorgailuen horniketa eta sarearekiko konexioa barne hartuko dituen soluzio osoa garatuko du EnBW elektrizitate-konpainia alemaniarrak Ipar Itsasoan, Alemaniako Borkum irlatik 30 kilometro iparraldera kokatua duen Albatros itsas-parke eolikorako.

 

Zehazkiago esanda, Zamudioko enpresak 112 megawatt eta SWT-7.0-154 modeloko 16 aerosorgailu hornituko ditu guztira. Horrez gain, parkaren bost urteko eragiketa eta mantentze-lanez arduratuko da.

 

Instalazioa Hohe See-ko 497 megawatteko offshore parke eolikoarekin batera garatuko da. EnBW konpainiaren proiektu hau ere, Albatros parkea bezalaxe, Borkum irlatik 30 kilometro iparraldera kokatuta dago.

 

Lanak 2018ko udaberrian hasiko dira eta 2019rako instalazioa jardunean egotea espero da. “Proiektu honen bidez, offshore arloan dugun esperientzia zabala erakusteko aukera izango dugu, ingeniaritza-zerbitzuetatik hasi eta eragiketa eta mantentze-lanetaraino, sarearekiko konexioa ere barne hartuz”, adierazi du Michael Hannibal Siemens Gamesako Offshore arloko CEOak.

 

Hauxe da konpainiak iragari duen lehenengo offshore proiektua, Gamesak eta Siemens Wind Power-ek apirilaren 3an gauzatutako bat-egitearen ondoren. 90 herrialde baino gehiagotara hedatuta dagoen enpresa berriak industria-gaitasuna dauka merkatu eoliko nagusietan, eta 75 gigawatteko potentzia instalatua.

 

Siemens Gamesa konpainiaren aurkezpen bideoa

Veigalan y Azterlan desarrollan una solución inteligente para crear materiales metálicos más resistentes y ligeros para fabricar frenos de coche
Enpresa Eraldaketa 11 maiatza, 2020
Geograma: “Geo-kokapenak erraztasunak ematen ditu erabakiak hartzeko eta negozio-prozesuak optimizatzeko”

  Arabako enpresa hau topografia industrialeko, piezen kontrol dimentsionaleko eta...Leer más

Enpresa Eraldaketa 10 otsaila, 2020
Aldakin IDEKOrekin lotu da I+Ga bultzatzeko

Euskal zentro teknologikoak eta soluzio robotikoetan espezializatutako taldeak bien arteko...Leer más

Enpresa Eraldaketa 5 otsaila, 2020
Bio-ontziak, elikagaigintza eta ehungintza ekologikoagoak izan daitezen

GAIKER zentro teknologikoa azpiproduktuetatik edo hondakinetatik abiatuta ontzi berriak ekoiztea...Leer más

Enpresa Eraldaketa 14 urtarrila, 2020
Ingeteamek egoitza estreinatu du Abu Dhabin

Euskal enpresak eguzki-energia fotovoltaikoaren sektorean duen posizionamendua indartuko du Arabiar...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?