Euskal enpresaren blog-a Zure enpresarentzat garrantzitsua den eguneroko informazioa

20 uztaila, 2017
Siemens Gamesak kontratu berri bat sinatu du Turkian

2010etik Siemens Gamesak 550 megawatt baino gehiago instalatu ditu Turkian

Konpainiak 118 megawatt eta 36 aerosorgailu hornituko dizkie herrialde horretako bi parke eolikori

 

Siemens Gamesa konpainia eolikoak kontratu bat itxi du Sancak Enerji inbertsiogile turkiarrarekin, Konya eskualdean kokatutako bi parke eolikori 118 megawatteko guztizko horniketa egiteko.

 

Zehazkiago esanda, konpainiak G132-3.3 MW modeloko 20 aerosorgailu hornituko dizkio Baglar-eko parke eolikoari (66MW) eta modelo bereko 16 turbina Ardicli-ko parkeari (52 MW). Bata eta bestea Turkiako Konya eskualdean kokatuta daude. Kontratuaren arabera, Siemens Gamesa bi instalazioen datozen hamar urteotako eragiketa eta mantentze-lanez ere arduratuko da.

 

Konpainiak ohar baten bidez jakinarazi duenez, turbinen entrega 2018ko bigarren hiruhilekoan hasiko da, eta parke eolikoak 2019an abian egotea espero da.

 

36 aerosorgailuetako nacelleak Siemens Gamesak Soriako Agreda herrian duen lantegian muntatuko dira.  Palak eta dorreak Izmir-en (Turkia) fabrikatuko dira, bertako hornitzaile baten laguntzaz.

 

Oharrak gaineratu duenez, G132-3.3MW turbinak bere segmentuko energia-kosturik onena du eta energia-ekoizpenik handiena bermatzen du haize ertainetarako eta ertain-baxuetarako. Dorreek lau altuera dituztela, aerosorgailu hau eskualde eta haize-maila bakoitzaren eskakizunetara moldatzen da.

 

Konpainia 2010ean hasi zen jardunean Turkia aldean. Harez geroztik, Siemens Gamesak 550 megawatt baino gehiago instalatu ditu herrialde horretan.

 

 

 

Siemens Gamesa enpresaren aurkezpen bideoa

Enpresa Eraldaketa 11 maiatza, 2020
Geograma: “Geo-kokapenak erraztasunak ematen ditu erabakiak hartzeko eta negozio-prozesuak optimizatzeko”

  Arabako enpresa hau topografia industrialeko, piezen kontrol dimentsionaleko eta...Leer más

Enpresa Eraldaketa 10 otsaila, 2020
Aldakin IDEKOrekin lotu da I+Ga bultzatzeko

Euskal zentro teknologikoak eta soluzio robotikoetan espezializatutako taldeak bien arteko...Leer más

Enpresa Eraldaketa 5 otsaila, 2020
Bio-ontziak, elikagaigintza eta ehungintza ekologikoagoak izan daitezen

GAIKER zentro teknologikoa azpiproduktuetatik edo hondakinetatik abiatuta ontzi berriak ekoiztea...Leer más

Enpresa Eraldaketa 14 urtarrila, 2020
Ingeteamek egoitza estreinatu du Abu Dhabin

Euskal enpresak eguzki-energia fotovoltaikoaren sektorean duen posizionamendua indartuko du Arabiar...Leer más

Enpresa Eraldaketa 9 urtarrila, 2020
Ikusmen artifiziala, kalitate-ikuskapena optimizatzeko

Vicomtech-ek Ekin enpresak fabrikatzen dituen brotxen ikuskapen-prozesua automatizatzeko sistema...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?