Euskal enpresaren blog-a Zure enpresarentzat garrantzitsua den eguneroko informazioa

22 ekaina, 2016
Ingeteamek eguzki-energiaren sektorean hazi nahi du

Konpainiak Bonfiglioli Riduttori enpresa italiarraren negozio fotovoltaikoa xurgatu duela iragarri du
Eragiketa honi esker, Ingeteamek proiektu fotovoltaikoen zorro garrantzitsu baterako sarbidea lortuko du

Konpainiak Bonfiglioli Riduttori enpresa italiarraren negozio fotovoltaikoa xurgatu duela iragarri du

Potentziako elektronikan diharduen Ingeteam euskal konpainiak akordio bat itxi du Bonfiglioli Riduttori enpresa italiarraren negozio fotovoltaikoa xurgatu, eragiketa-jarduera zabaldu eta eguzki-energiaren esparruan duen nazioarteko posizionamendua tinkatzeko asmoz.

Eragiketa honi esker, Ingeteamek Bonfiglioli-ren proiektu fotovoltaikoen zorrorako sarbidea lortuko du, eragiketa eta mantenimendu zerbitzuetako negozioa handituz eta enpresa italiarraren 3 GWko potentzia instalatua gehituz, ohar baten bidez jakinarazi duenez.

Gainera, akordio honen eskutik, Zamudioko Teknologia Parkean finkatutako konpainia bizkaitarrak, enpresa italiarra errotuta dagoen India eta AEB bezalako merkatuetara hedatzeko aukera izango du.

“Integrazio estrategiko honek Estatu Batuetan eta Indian daukagun presentzia goitik behera indartzen lagunduko digu, bi merkatu horiek giltzarrizkoak baitira Ingeteamentzat sektore fotovoltaikoari dagokionez”, David Solé Ingeteameko energia-dibisioko zuzendariaren esanetan.

Gaur egun, Ingeteamek eguzki-energiaren arloko soluzioak manufakturatu eta etxebizitzetarako, saltokietarako eta sarearekiko konexioetarako inbertsore fotovoltaikoak eskaintzen ditu.

Gainera, 16 urtetik gorako esperientzia du sektore fotovoltaikoan, esparru honetan 5 GWko potentziaren horniketa egin duelarik.

Konpainia italiarrak, aldiz, eguzki-instalazioen sarerako konexioetarako inbertsore zentralen diseinua, fabrikazioa eta horniketa egin eta etengabeko laguntza eskaintzen du instalazioen bizitza-ziklo osoan.

Bonfigliolik, 3 GW inguruko oinarri instalatuaz, 13 ekoizpen-lantegi eta 3.700 langile ditu 17 herrialdetan.

 

Ingeteam-eko Eguzki energia fotovoltaikoa 

 

Veigalan y Azterlan desarrollan una solución inteligente para crear materiales metálicos más resistentes y ligeros para fabricar frenos de coche
Enpresa Eraldaketa 11 maiatza, 2020
Geograma: “Geo-kokapenak erraztasunak ematen ditu erabakiak hartzeko eta negozio-prozesuak optimizatzeko”

  Arabako enpresa hau topografia industrialeko, piezen kontrol dimentsionaleko eta...Leer más

Enpresa Eraldaketa 10 otsaila, 2020
Aldakin IDEKOrekin lotu da I+Ga bultzatzeko

Euskal zentro teknologikoak eta soluzio robotikoetan espezializatutako taldeak bien arteko...Leer más

Enpresa Eraldaketa 5 otsaila, 2020
Bio-ontziak, elikagaigintza eta ehungintza ekologikoagoak izan daitezen

GAIKER zentro teknologikoa azpiproduktuetatik edo hondakinetatik abiatuta ontzi berriak ekoiztea...Leer más

Enpresa Eraldaketa 14 urtarrila, 2020
Ingeteamek egoitza estreinatu du Abu Dhabin

Euskal enpresak eguzki-energia fotovoltaikoaren sektorean duen posizionamendua indartuko du Arabiar...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?