Euskal enpresaren blog-a Zure enpresarentzat garrantzitsua den eguneroko informazioa

9 maiatza, 2017
Iberdrolak beste parke eoliko bat eraikiko du Estatu Batuetan

Instalazio horretan sortutako energia Apple Energy-ri salduko zaio

Ignacio Galán, Iberdrola konpainiaren zuzendaria

Instalazio horretan sortutako energia Apple Energy-ri salduko zaio

 

Iberdrola elektrizitate-konpainiak, Estatu Batuetan duen energia berriztagarrien arloko Avangrid Renewables filialaren bitartez, kontratua sinatu du Apple Energy-rekin –Apple multinazionalaren energia arloko dibisioarekin–, euskal konpainiak Estatu Batuetako Oregon estatuan eraikiko duen Montague parke eolikoan sortutako energiaren epe luzeko salmenta bermatzeko.

 

Instalazio eolikoa 2018tik 2020ra bitartean eraikiko da Gilliam konderrian, eta 200 megawatteko guztizko potentzia izango du. Parkea abian jartzeko 300 milioi dolarreko inbertsioa aurreikusi da.

 

Iberdrola Estatu Batuetako parke eoliko berriaren jabea eta operadorea izango da, eta datozen 20 urteotan bertan sortutako elektrizitatea Apple konpainia kaliforniarrari hornituko dio.

 

Euskal elektrizitate-konpainiak ohar baten bidez jakinarazi duenez, Montaguek daukan kokapen estrategikoak, inguruetan Iberdrolaren zenbait parke eoliko dituela, sinergiak ahalbidetuko ditu instalazioaren ustiapenean.

 

Iberdrolaren proiektu berri hau Estatu Batuetako beste multinazional batzuekin batera garatutakoen ildo bertsuko da, hala nola, Amazon-i energia hornitzen dion Ipar Karolinako Amazon Wind Farm US East deritzon parke eolikoa, edota Nike-ri energia bermatzen dioten Leaning Jupiter eta Jupiter Canyon instalazioak, Oregonen eta Washingtonen kokatutakoak, hurrenez hurren.

 

Iberdrola energia-konpainiak Estatu Batuetan dihardu 2015. urteaz geroztik, bertan daukan energia berriztagarrien arloko filialaren bitartez. Oharrean adierazi duenez, energia garbiaren sorkuntzaren alde egin duen apustuari esker, herrialde hartako bigarren operadore eolikoa bilakatu da, 6.000 megawatt inguruko potentzia eoliko instalatua duelarik.

Veigalan y Azterlan desarrollan una solución inteligente para crear materiales metálicos más resistentes y ligeros para fabricar frenos de coche
Enpresa Eraldaketa 11 maiatza, 2020
Geograma: “Geo-kokapenak erraztasunak ematen ditu erabakiak hartzeko eta negozio-prozesuak optimizatzeko”

  Arabako enpresa hau topografia industrialeko, piezen kontrol dimentsionaleko eta...Leer más

Enpresa Eraldaketa 10 otsaila, 2020
Aldakin IDEKOrekin lotu da I+Ga bultzatzeko

Euskal zentro teknologikoak eta soluzio robotikoetan espezializatutako taldeak bien arteko...Leer más

Enpresa Eraldaketa 5 otsaila, 2020
Bio-ontziak, elikagaigintza eta ehungintza ekologikoagoak izan daitezen

GAIKER zentro teknologikoa azpiproduktuetatik edo hondakinetatik abiatuta ontzi berriak ekoiztea...Leer más

Enpresa Eraldaketa 14 urtarrila, 2020
Ingeteamek egoitza estreinatu du Abu Dhabin

Euskal enpresak eguzki-energia fotovoltaikoaren sektorean duen posizionamendua indartuko du Arabiar...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?