Euskal enpresaren blog-a Zure enpresarentzat garrantzitsua den eguneroko informazioa
9 martxoa, 2017

Gamesa tinko, Indiako merkatuaren aldeko apustuan

Euskal konpainiak 278 megawatt hornituko ditu guztira zazpi proiektu eolikotarako

 

Energia berriztagarrietan espezializatuta dagoen Gamesa konpainiak Indian duen presentzia indartzen jarraituko du, 278 megawatteko horniketa egingo baitu zazpi proiektu eolikotarako. Euskal enpresak 139 aerosorgailu banatuko ditu guztira instalazio horietarako.

 

Sinatutako akordioetan aurreikusi denez, proiektu eoliko guztietako turbinen horniketaz, instalazioaz eta abian jartzeaz arduratuko da. Gainera, proiektu horietako hirutan, Zamudion finkatuta dagoen taldeak parkearen giltza-eskurako eraikuntza eta honi dagozkion ingeniaritza zibileko lan guztiak egingo ditu.

 

Guztira, Gamesak G114-2.0 modeloko 99 turbina (198 megawatt) eta G97-2.0 MW modeloko 40 turbina (80 megawatt) hornituko ditu.

 

Konpainiak ohar baten bidez argitu duenez, zazpi proiektuak aurtengo martxotik urrira bitartean abian jartzea aurreikusi da.

 

Gamesak 2009an hasi zuen Indiako industria-jarduna, eta gaur egun, herrialde horrek konpainiaren salmenta guztien ia % 30 xurgatzen du. Euskal enpresak palak ekoizteko lantegi bat inauguratu zuen otsailean Andhra Pradesh estatuan, baina honez gain, antzeko beste lantegi bat dauka Gujarat estatuan eta nacelleak ekoizteko lantegi bat eta konponketa-zentro bat Tamil Nadu estatuan.

 

Euskal konpainiak 3.500 megawatt baino gehiago instalatuak ditu Indian 2009az geroztik, eta 3.200 megawatten eragiketaz eta mantentze-lanez arduratzen da.

Enpresa Eraldaketa 10 otsaila, 2020
Aldakin IDEKOrekin lotu da I+Ga bultzatzeko

Euskal zentro teknologikoak eta soluzio robotikoetan espezializatutako taldeak bien arteko...Leer más

Enpresa Eraldaketa 5 otsaila, 2020
Bio-ontziak, elikagaigintza eta ehungintza ekologikoagoak izan daitezen

GAIKER zentro teknologikoa azpiproduktuetatik edo hondakinetatik abiatuta ontzi berriak ekoiztea...Leer más

Enpresa Eraldaketa 14 urtarrila, 2020
Ingeteamek egoitza estreinatu du Abu Dhabin

Euskal enpresak eguzki-energia fotovoltaikoaren sektorean duen posizionamendua indartuko du Arabiar...Leer más

Enpresa Eraldaketa 9 urtarrila, 2020
Ikusmen artifiziala, kalitate-ikuskapena optimizatzeko

Vicomtech-ek Ekin enpresak fabrikatzen dituen brotxen ikuskapen-prozesua automatizatzeko sistema...Leer más

Enpresa Eraldaketa 8 urtarrila, 2020
Industria arloko ekonomia zirkularrari emandako bultzada

Euskal enpresa eta zentro teknologikoak, teknologia digitalen aplikazioaren bitartez...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?