Euskal enpresaren blog-a Zure enpresarentzat garrantzitsua den eguneroko informazioa

10 azaroa, 2016
Fagor Industrialek Indiako bazkidearekiko enpresa-akordioa berritu du

Iberjindal-eko langile bat Lucenako lantegian

Euskal kooperatibak 2008an abiatu zuen Jindal Stainless enpresarekiko joint-venturea

 

Mondragon Korporazioari atxikitako Fagor Industrial kooperatiba gipuzkoarrak lau urte luzatu du, altzairu herdoilgaitzaren arloko Indiako fabrikatzailerik handienetakotzat jotzen den Jindal Stainless konpainia metalurgikoarekiko enpresa-akordioa.

 

Oñatin finkatutako enpresak zabaldu duen ohar baten arabera, 2008an abiatutako joint-venture hitzarmena luzatzea “kalitatea, bikaintasuna eta arrakastaren” sinonimoa da eta bi erakundeen arteko enpresa-elkartzea tinkatzen du.

 

Hasierako akordioari esker, Iberjindal izeneko ebakitze eta leuntze instalazioa ezarri eta garatu ahal izan da Kordobako Lucena herrian. Bi enpresen artean sortutako lantegi honek Jindal Stainless-ek hornitutako materialaz lan egiten du, eta bertan ekoitzitako produktua euskal kooperatiba eta nazioarteko beste 8 lantegi partaide dituen Onnera Group taldera igortzen da.

 

Iberjindal baterako sozietateak Europako merkatuan finkatzea lortu du, eta aurreikuspenen arabera, 2016an % 40tik gorako hazkundea izango du fakturazio-bolumenari dagokionez, aurreko urteko emaitzen aldean.

 

Akordioaren berritzea Fagor Industrialek eta Jindal Stainless-ek nazioarteko hedapenari eusteko hartu duten konpromisoari jarraiki erabaki da. Euskal enpresaren iritziz, aliantza honek Onnera Group-en hazkundea bultzatu du, 2015eko ekitaldian 217 milioi euro lortu dituelarik, euskal kooperatibak emandako datuen arabera.

 

 

Fagor Industrialen aurkezpen bideoa

Enpresa Eraldaketa 11 maiatza, 2020
Geograma: “Geo-kokapenak erraztasunak ematen ditu erabakiak hartzeko eta negozio-prozesuak optimizatzeko”

  Arabako enpresa hau topografia industrialeko, piezen kontrol dimentsionaleko eta...Leer más

Enpresa Eraldaketa 10 otsaila, 2020
Aldakin IDEKOrekin lotu da I+Ga bultzatzeko

Euskal zentro teknologikoak eta soluzio robotikoetan espezializatutako taldeak bien arteko...Leer más

Enpresa Eraldaketa 5 otsaila, 2020
Bio-ontziak, elikagaigintza eta ehungintza ekologikoagoak izan daitezen

GAIKER zentro teknologikoa azpiproduktuetatik edo hondakinetatik abiatuta ontzi berriak ekoiztea...Leer más

Enpresa Eraldaketa 14 urtarrila, 2020
Ingeteamek egoitza estreinatu du Abu Dhabin

Euskal enpresak eguzki-energia fotovoltaikoaren sektorean duen posizionamendua indartuko du Arabiar...Leer más

Enpresa Eraldaketa 9 urtarrila, 2020
Ikusmen artifiziala, kalitate-ikuskapena optimizatzeko

Vicomtech-ek Ekin enpresak fabrikatzen dituen brotxen ikuskapen-prozesua automatizatzeko sistema...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?