Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Argitalpenak 13 ekaina, 2024 Basque Trade & Investment Nazioartekotzea

BasqueTraderen Nazioarteko Merkataritzaren Behatokiak aurreratu duenez, munduko merkataritza % 2,5 hobetuko da 2024an

Nazioarteko Merkataritzaren Behatokiak zehatz-mehatz aztertzen ditu euskal esportazioen xede-merkatu nagusiak eta horiek azken seihilekoan izan duten bilakaera.

Nazioarteko merkataritza moteldu egin zen 2023an, ekonomia garatuen eskaera jaitsi egin zelako eta tentsio geopolitikoek, gatazka belikoek eta Panamako Kanalaren eta Suezko Kanalaren bidezko itsas ibilbideen etenaldiek eraginda.

Egoera hori sakon aztertzeko eta merkataritza globaleko aurtengo jarduna aurreikusteko, Basque Trade & Investmentek (BasqueTrade), SPRI Taldeko euskal enpresak nazioartekotzeko agentziak, Nazioarteko Merkataritzaren Behatokiaren lehen edizioa argitaratu du.

Egoera hori oinarri hartuta, 2024rako nazioarteko merkataritzaren egoera hobea aurreikusten du Behatokiak, ingurumen-ondasunen eskaria gorakadak eta ikuspegi ekonomiko onenek bultzatuta.

 

Nazioarteko merkataritzaren berrikuntzak

Merkataritza libreko eta lehentasun ekonomikoko akordioak negoziatzea eta sinatzea bultzatu zuen merkataritza-blokeen arteko lehiaren ondorioak aztertzen ditu Behatokiak 2023an, potentzia nagusiek beren hornidura-kateak dibertsifikatzeko duten helburuari erantzunez, kanpo-mendekotasunak murrizteko.

Horrela, 2023an,, Europar Batasunak (EB) akordioak sinatu zituen Argentina, Uruguai eta Txilerekin lehengaiak hornitzeko, eta aurrera egin zuen Estatu Batuekin negoziazioetan, oinarrizko mineralen esparruan.

Potentzia ekonomikoek protekzionismorako joera global argi batean ezarri dituzten merkataritza-oztopoak ere aztertzen dira. EBren kasuan, hainbat neurri hartu ziren, hala nola “karbono-ihesa” saihestu nahi duen Mugako Karbonoa Doitzeko Mekanismoa (CBAM), edo Txipen Europako Legea, atzerriko erdieroaleen ekoizpenean EBrekiko mendekotasuna murrizteko sortua.

Horri gatazka belikoak gehitu behar zaizkio, hala nola Ukrainako gerra, Israelen eta Gazaren arteko gerra eta Itsaso Gorriko krisia, merkataritzan eragina izaten ari baitira.

 

Eskualde-ikuspegia

Nazioarteko Merkataritzaren Behatokiak zehatz-mehatz aztertzen ditu euskal esportazioen xede-merkatu nagusiak eta horiek azken seihilekoan izan duten bilakaera.

Europan, EBren eta Txinaren arteko merkataritza-harremanak eta erdieroaleen eta lehengaien sektoreko merkataritza-murrizketek eragin zuzena izan dute produktu horien merkataritzan. Horrez gain,  EBk Errusiako hidrokarburoak zigortu ditu, eta hornitzaile horren ordez Libia, Nigeria edo Irak jarri ditu.

Amerikan, Estatu Batuek nearshoringaren aldeko apustua egin dute, eta, aldi berean, Txinarekiko merkataritza-tentsioak areagotzen dira. Latinoamerikan nabarmentzekoa da Brasilek EB-Mercosur akordio komertziala formalizatzeko negoziazioei ekin diela berriro, nahiz eta ingurumen- eta nekazaritza-gaietan desadostasunak izan, akordioa berrestea zailtzen ari baitira.

Bestalde, Txinak Asia-Ozeano Barea blokearekin harremanak sendotu nahi ditu, bere hornidura-kateak are gehiago integratzeko eta Australiaren edo Hego Korearen posizionamendua zailtzeko Txina-AEB gatazkan. India, berriz, berrindustrializazio-prozesu bat bultzatzen ari da, mikrotxipen industria garatzen laguntzeko.

Deskargatu behatoki osoa hemen

Lotutako albisteak

Francia Informe Aero 17 uztaila, 2024 Basque Trade & Investment
Frantziako merkatu aeroespazialak suspertzeko eta jarduera handitzeko zantzuak ditu
Irakurri gehiago
Hidrógeno Verde 4 uztaila, 2024 Basque Trade & Investment
Txile, hidrogeno berdearen ekoizpen globalerako ingurune egokia
Irakurri gehiago
Canadá Informe 28 ekaina, 2024 Basque Trade & Investment
Kanadako sektore aeroespaziala hazkunde-bidera itzuli da eta indarra berreskuratu du
Irakurri gehiago
CANADÁ Informe 6 ekaina, 2024 Basque Trade & Investment
Industria aeroespaziala eta energia berriztagarriak, Euskadirentzat aukera gehien duten Kanadako sektoreen artean
Irakurri gehiago
Observatorio Informal 23 maiatza, 2024 Basque Trade & Investment
Basque Trade-ren Nazioarteko Behatokiak 2024rako munduko hazkunde ekonomiko egonkorra aurreikusten du, %2,4 ingurukoa
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak