Euskal enpresaren blog-a Zure enpresarentzat garrantzitsua den eguneroko informazioa

22 martxoa, 2015
Arantxa Tapia sailburuak India eta Singapurrerako misio komertzial eta instituzional bati ekingo dio

imagen_internacionalizacion_placa modelo oficinas2a

Ekonomi Garapen eta Lehiakortasun Saileko euskal ordezkaritzak eta SPRIk Asia hego-ekialdeko merkatuaren potentzialtasunak aztertuko dituzte.

Misio horren barruan, SPRI Taldearen (enpresen garapenerako euskal agentziaren) Singapurreko bulego berria inauguratuko da.

Sailburua tokiko agintariekin eta herrialde haietan kokatutako euskal enpresekin elkartuko da.


Arantxa Tapiak, Ekonomi Garapen eta Lehiakortasun sailburuak, India eta Singapurrerako misio komertzial eta instituzional bati ekingo dio bihar (astelehena), Asia hego-ekialdeko merkatuaren potentzialtasunak aztertzeko eta harremanak egiteko herrialde haietan kokatutako euskal enpresekin. Gainera, misio horren barruan, SPRI Taldeak (Eusko Jaurlaritzako Ekonomiaren Garapen eta Lehiakortasun Sailaren menpeko enpresen garapenerako agentziak) Singapurren ireki duen bulego berria inauguratuko da martxoaren 27an. Inaugurazio ekitaldi horrekin amaituko da misio komertzial eta instituzional hau.

Bidaia honetan sailburuak lagun izango ditu Juan Ignacio García de Motiloa, Industria sailburuordea, Ainhoa Ondarzabal, Nazioartekotze Saileko zuzendaria eta Alexander Arriola, SPRI Taldeko zuzendari nagusia. Sailburuak astelehen goizean hasiko du bere lan-agenda, Mumbain elkartuko baita Indian arrakasta izan duten hainbat euskal enpresarekin: Gamesa, Rinder eta Mahindra CIE. Gauean Devendra Fadnavis-ekin, Maharastra probintziako ministro nagusiarekin bilduko da. Topaketa horretan, Arantxa Tapiak euskal enpresek Indian eta Maharastra probintzian eginiko proiektu esanguratsuenak aurkeztuko ditu.

Hilaren 24an (asteartea) beste bilera batzuk egingo ditu Maharastra probintziako Finantza ministroarekin eta Mahindra CIE Taldeko nahiz Crompton Greaves enpresako zuzendaritza-karguekin. Azken horrek smart grids sektorean lan egiten du eta sektore hori oso interesgarria da Euskadirentzat.

Asteazkenetik aurrera misio komertzial eta instituzional honen bigarren zatia Singapurren garatuko da, non sailburua Hwee Hua Tan Indiako Finantza ministro ohiarekin elkartuko baita eta bilera bat egingo baitu SMITech, Singapurreko Ikerketa Institutuko zuzendaritza-karguekin. Singapurreko Ikerketa Institutuak teknologi eta berrikuntza arloko ekarpen handiak egin dizkio Singapurreko manufaktura industriari. Bestalde, Arantxa Tapia sailburuak hitzordu bat izango du National Research Foundation-ekin eta beste bat IE Singaporem gobernu agentziarekin, zeinak Singapurreko kanpo ekonomia zuzentzen baitu.

Ostiralean amaituko da bidaia Iswaran Barne ministro ordearekin egingo duen bilerarekin, eta bileraren ondoren SPRI Taldeak Singapurren ireki duen bulego berria inauguratuko da, zeinaren bidez enpresen garapenerako euskal agentziaren kanpo sare zabala indartuko baita. SPRIk dagoeneko presentzia du 70 herrialde baino gehiagotan eta bulego propioak ditu 15 herrialdetan.

Ángela Ming da solutions
Asia eta ozeania 23 maiatza, 2020
‘Ming Da Consulting’: Txinan konfiantza, merkataritza akordioak eta aliantzak sortzeko zubia

Deustuko Unibertsitatearen 'Innogune' eraikinak, Donostian, balio erantsi handiko ekimen...Leer más

La planta en China de Mondragon Assembly enviará a Euskadi máquinas para fabricar mascarillas y evitar la dependencia de las importaciones
Asia eta ozeania 31 martxoa, 2020
Mikel Yang: “Txinan ezarritako euskal empresa ia guztiek haien jarduerari ekin diote berriro”

Esparru publikoan zein pribatuan erakundeak kudeatzen dituzten pertsona askoren begiradak Txinara...Leer más

Asia eta ozeania 27 urtarrila, 2020
Japoniako ordezkaritza batek txalotu egin du talentua bultzatzeko Euskadiko programa

Mie eskualdeko kargu politikoek bilera bat egin dute Nazioartekotzeko Euskal...Leer más

Asia eta ozeania 25 azaroa, 2019
Makina-erremintako euskal enpresak Indiara abiatu dira Eusko Jaurlaritzaren eskutik

Asiako herrialdeak sektoreari eskaintzen dizkion negozio-aukerak esploratuko dituzte SPRI Taldeari...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?