AA ETA PUBLIZITATE DIGITALA
Adimen Artifiziala markek beren publizitate digitala kudeatzeko duten modua eraldatzen ari da. Algoritmo aurreratuei eta eredu prediktiboei esker, AAk audientziak zehaztasun handiagoz segmentatzeko, zeregin errepikakorrak automatizatzeko eta kanpainak denbora errealean optimizatzeko aukera ematen du. Google Ads, Meta Ads eta LinkedIn Ads plataformek (besteak beste) dagoeneko txertatuta dituzte AAk bultzatutako soluzioak. Horiek guztiak lagungarriak dira publizitateko inbertsioen eraginkortasuna maximizatzeko, mezuak erabiltzaile bakoitzaren arabera egokitu eta bezeroaren esperientzia hobetzen baitute.
AAk publizitate digitalean duen abantaila nagusia datu-bolumen handiak analizatzeko eta eskuz identifikatu ezingo liratekeen portaera-ereduak detektatzeko duen gaitasuna da. Horri esker, iragarleek une zehatzean pertsona egokiengana iristeaz gain, iragarkiak beren interesen, testuinguruaren eta bihurketa-probabilitatearen arabera pertsonalizatu ditzakete. AAren laguntzarekin, enpresek publizitate-estrategia adimendunagoak diseinatu, kostuak murriztu eta inbertsioaren gaineko itzulkina handitu ditzakete.
Helburuak
Ikastaro honen bidez, publizitate digitaleko plataforma nagusietan zure kanpainen errendimendua hobetzeko AA nola aplikatu ikasiko duzu. Automatizazio, optimizazio eta kreatibitateen sorkuntzarako tresnak erabiltzen ikasiko duzu, zure audientziaren arreta eraginkortasunez erakartzeko eta interakzioak emaitza neurgarri bihurtzeko. Programa diseinatuta dago AAk sustatutako publizitate digitalaren gakoak menderatzeko eta zure marketin-estrategian nola txertatu jakiteko.
Edukia
• AAren lehen urratsak publizitate digitalean
• AA publizitate-plataformetan eragiten ari den aldaketa (Google, Meta, LinkedIn, TikTok …)
• Segmentazio prediktiboa eta audientzia adimendunak
• AA bidez sortutako kreatibitateak (testuak, irudiak eta bideoak)
• Kanpainen automatizazioa eta Smart Biddinga
• Atribuzio-ereduak eta azterketa AA bidez
• Iragarkien dinamikaren pertsonalizazioa
• Neurketa- eta optimizazio-tresnak AArekin
• Adimen artifizialaren bidez bultzatutako publizitate digitaleko etorkizuneko joerak
Norentzat
Gaitasun digitalak hobetu nahi dituzten mikroenpresak, profesionalak, autonomoak.
NOLA SARTU ONLINE WEBINARRERA?
Gure ikastaro guztiak ZOOM plataformaren bidez emititzen dira. Ikastaroaren bezperan, mezu elektroniko bat jasoko duzu esteka eta sarbide argibideekin.
Gogoratu ikastaro honetara Mikroenpresa Digitala webgunearen bidez aurretik izena eman duten pertsonek baino ezin dutela sartu eta bertan lekua berretsita izan behar dela.
