Euskal enpresaren blog-a Zure enpresarentzat garrantzitsua den eguneroko informazioa

22 ekaina, 2017
WikiEmakume ekimenak ikusgarritasuna eman nahi dio emakumeek Wikipedian duten presentziari

 

Ekimenak hitzordu irekiak antolatuko ditu Bilbon eta Gasteizen.

Wikipediako artikulu batek dio entziklopedia libreko editoreen %9-16 bitartean bakarrik direla emakumeak. Argi dago, beraz, genero-eten izugarria dagoela eta Wikipediak ez duela inolaz ere gizarte osoa ordezkatzen, eta hori igartzen da baita ere edukietan, emakumeen ordezkaritza askoz txikiagoa delako. Gainera, emakumeen artikulu biografikoetan agertzen diren hitzen %27 generoari edo familia harremanei buruzkoak dira (halakoren emaztea edo halakoren ama, adibidez), portzentaje hori %4koa delarik gizonei buruzko artikuluetan.

Eten hori murrizteko, hainbat ekimen antolatzen dira mundu osoan emakumeen parte-hartzea sustatzeko, eta emakumeei eta gai femeninoei buruzko artikuluak sortzeko. WikiEmakume da horietako bat, Euskadiko hirietan aldian behingo hitzorduak antolatzen dituen ekimena. Hurrengo saioak Bilbon (ekainak 30) eta Gasteizen (irailak 20) izango dira.

Bilera irekiak izaten dira, hau da, parte har dezake Wikipediako genero-etena murriztea helburu duen edonork, berdin diolarik edizioari buruzko ezagutzarik duen ala ez. Xedea da emakumeen biografiei buruzko sarrera berriak eta emakumearen historiarekin lotutako artikuluak sortzea edo lehendik existitzen direnak osatzea. Topaketen helburua da elkarrekin ikastea eta sarean kolaboratzea, beraz, bereziki gonbidatuta daude entziklopediako edizio-lanak egiten hasi nahi duten emakumeak.

WikiEmakume kolektiboak dioenez, topaketaren asmoa da espazio bat sortzea, emakumeak eroso egon daitezen galderak egiteko, huts egiteko eta berdinen artean ikasteko, espazio bat irekitzea emakumezko editoreen arteko elkarrizketarako eta loturak sendotzeko, eta elkarrekin batzea entziklopedia libreko genero-etena murriztu nahi duten wikipedialari guztiak –emakume nahiz gizonak. Topaketak ekainaren 30ean (Bilboko Berrikuntza Faktorian) eta irailaren 20an (Gasteizko Saregune zentroan) egingo dira, WikiEmakumek, WikiAprendices-ek eta Saregunek antolaturik eta SPRI Taldeak babesturik (Enpresa Digitala ekimenaren bitartez).

Enpresa digitala 27 maiatza, 2020
Euskadi EBko liderra da eraldaketa digitalean

  Telefónica Fundazioak Espainiako Gizarte Digitalari buruz eginiko txostenak erakusten du...Leer más

Enpresa digitala 13 maiatza, 2020
Enpresa Digitala ekitaldien agenda. Ekitaldien formatu berria

Onlineko formatua zuzeneko streaming interaktiboarekin.  Nola ez dakigun noiz antolatu ahal...Leer más

Enpresa digitala 19 martxoa, 2020
Eusko Jaurlaritzak telelana autonomoetan eta ETEetan berehala ezartzeko eta aholkularitza emateko zerbitzua jarri du abian

COVID-19 sortzen ari den egoera eta agintari eskudunek hartutako neurriak ikusita, Eusko...Leer más

Enpresa digitala 9 urtarrila, 2020
Emakumeen presentzia handiagoa SPRIren Barnetegi Teknologikoa programan

  Programa horren bidez SPRI Taldeak ezagutzera ematen ditu zein joera zabaltzen ari diren...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?