Euskal enpresaren blog-a Zure enpresarentzat garrantzitsua den eguneroko informazioa

22 azaroa, 2017
WeLive Jardunaldia, aplikazio hiritarrak ko-sortzeko tresnak

Azaroaren 28an plataforma horri buruzko tailer bat egingo da Bizkaiko Teknologi Parkean.
Portal WeLive

 

Azaroaren 28an plataforma horri buruzko tailer bat egingo da Bizkaiko Teknologi Parkean

 

WeLive proiektu europarraren asmoa da hiritarrak, enpresak eta administrazio publikoak herri-zerbitzu berrien garapenean inplikatzea aplikazio mugikorrak sortuz. Horretarako, plataformak gune bat eskaintzen du hiriari lotutako ideiak, premiak edo proposamenak argitaratzeko, eta baditu baita ere tresna teknologikoak eta datu-multzo irekiak, konponbide horiek garatzeko.

 

Azaroaren 28an jardunaldi bat egingo da Bizkaiko Zientzia eta Teknologia Parkean, eta bertan emango da ezagutzera aplikazio diseinatzaileei eta garatzaileei beraizik zuzendutako proiektu hau. Topaketa praktikoa izango da, hau da, parte-hartzaileek WeLive plataforma erabiltzen ikasiko dute. Programan lehenbizi sarrera bat egingo da ko-sorkuntzari eta gobernu irekiari buruz, eta ondoren, sakonago landuko dira plataformak eskaintzen dituen tresna teknologikoak. Azkenik, parte-hartzaileek praktikan jarri ahal izango dute WeLive plataformak proposatzen duen ko-sorkuntza prozesua, ideia bat aplikazio bihurtuz. Jardunaldia doakoa da, eta SPRI Taldeak antolatu du Bizkaia Enpresa Digitala ekimenaren bitartez.

 

Horizontea 2020 ekimenak finantzatzen du WeLive ekimena, IKTen bidez gobernu irekirantz aurrera egiteko ildoaren barruan. Proiektuak zerbitzu publikoen eredu berri bat bultzatzen du, zerbitzu horiek hainbat eragile sozialen (hiritarrak, enpresak eta administrazio publikoak) arteko lankidetzaren bidez garatzen baitira. Plataforma bat da, non hiritarrek hiriari lotutako beharrak proposatu eta bozka ditzaketen.

 

Administrazio publikoen zeregina da hiritarren beharrizanei buruzko datu-multzo irekiak igotzea. Dataset horietatik eta WeLive plataformak berak irekian eskaintzen dituen baliabide teknologikoetatik abiatuta, konpainiek gune hori erabil dezakete aplikazio formako zerbitzu berritzaileak garatzeko. Hona hemen plataforman Bilborako proposatu diren ideia batzuk: ekitaldietarako ibilbide-laguntzaile bat, partikularren artean prestakuntza eskaintzeko eta bilatzeko marketplace bat edota aurreikuspen-zerbitzu bat “Bilbon Bizi”ren bizikleta disponibilitatea ezagutzeko.

 

Europa mailako 12 bazkidek osatzen dute proiektua, eta dagoeneko pilotuak jarri dituzte martxan lau hiritan: Bilbo, Trento, Novi Sad eta Helsinki eskualdean. Bizkaiko hiriburuaren kasuan, Deustuko Unibertsitateak, Tecnaliak, Bilboko Udalak eta Eurohelp Consulting enpresak parte hartzen dute proiektuan.

induistria digitala
Enpresa digitala 18 ekaina, 2020
Industria Digitala programak 279 digitalizazio-proiektu lagundu ditu 2,36 milioi eurorekin

    Telelana ezartzeko proiektuak eta 4.0 industriako teknologia bideratzaileekin...Leer más

Enpresa digitala 27 maiatza, 2020
Euskadi EBko liderra da eraldaketa digitalean

  Telefónica Fundazioak Espainiako Gizarte Digitalari buruz eginiko txostenak erakusten du...Leer más

Enpresa digitala 13 maiatza, 2020
Enpresa Digitala ekitaldien agenda. Ekitaldien formatu berria

Onlineko formatua zuzeneko streaming interaktiboarekin.  Nola ez dakigun noiz antolatu ahal...Leer más

Enpresa digitala 19 martxoa, 2020
Eusko Jaurlaritzak telelana autonomoetan eta ETEetan berehala ezartzeko eta aholkularitza emateko zerbitzua jarri du abian

COVID-19 sortzen ari den egoera eta agintari eskudunek hartutako neurriak ikusita, Eusko...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?