Euskal enpresaren blog-a Zure enpresarentzat garrantzitsua den eguneroko informazioa

26 iraila, 2017
Virtualvision plataformak showroom interaktibo eta hiper-errealistak sortu ditu

Proiektu hori Apliqa, Tecnalia eta Implika erakundeen arteko aliantzatik sortu da.

Proiektu hori Apliqa, Tecnalia eta Implika erakundeen arteko aliantzatik sortu da.

 

Virtualvision plataformak aukera ematen die fabrikatzaileei, eraikitzaileei, sustatzaileei edo higiezinen bulegoei beren produktuak erakusteko eszenatoki birtualetan. Tresna sinple horri esker, posible da klik bakarrean aldatzea koloreak, materialak edota barruko eta kanpoko espazioetako akaberak. Proiektua uda honetan merkaturatu da, hiru erakunde hauen arteko lankidetzari esker: Tecnalia teknologi zentroa, eraikuntzako materialetan espezializatutako Apliqa aholkularitza eta Implika prestakuntza eta talentu zentroa.

 

Fabrikazioko planoak eta materialen bereizmen handiko argazkiak erabiliz, Virtualvision teknologiak errealismo handiko irudi birtualak sortzen ditu. Hala, posible da goitik behera eguneratu daitezkeen eta erosketa esperientzia hobetzen duten katalogoak sortzea, inbertsio handirik egin gabe eta ezagutza tekniko gehiegirik izan gabe.

 

Errealitate birtualeko beste produktu batzuekin alderatuta, Virtualvision plataformak eskaintzen duen konponbidea erabilerrazagoa da erabiltzaile eta fabrikatzaileentzat. “Merkatuan badaude horrelakoak egiteko aukera eskaintzen duten aplikazioak, baina jendeak ez ditu app-ak deskargatu nahi; horregatik, web plataforman eskaintzen dugu gure teknologia” adierazi du Oscar Sánchezek, Apliqa-ko zuzendari nagusiak. Erabiltzaileek Virtualvision plataformarekin elkarreragin dezakete zuzenean onlineko plataforman, softwarerik deskargatu gabe.

 

Prezioa da produktu honen beste balio bereizgarria bat, hileko kuotatan ordaintzen baita katalogoaren bolumenaren arabera. “Orain arte, horrelako teknologiak ez dira orokortu oso garestiak zirelako; posible da app bat garatzea 6.000 eurotan, baina web inguruneen prezioa 30.000 euroraino irits daiteke”. Virtualvision konponbideak plataforma komun bat sortu du eta teknologia sinpletu du, fabrikatzaile desberdinek erabil dezaten.

 

Hala, irudi hiper-errealistak dituen eta funtzionamendu intuitiboa duen showroom bat lortu dute, informatikako ezagutzarik gabe erabil daitekeena eta, gainera, gai da milioika produktu-konbinaketa sortzeko denbora errealean. “Katalogo birtual horrekin paperezko milaka orri ordezkatuko dira” azaldu du Oscar Sánchezek. Gainera, zerbitzuak aukera ematen du erabiltzaileen portaerari eta gustuei buruzko datuak biltzeko eta informazio hori oso baliagarria da enpresaren zerbitzuak hobetzeko.

induistria digitala
Enpresa digitala 18 ekaina, 2020
Industria Digitala programak 279 digitalizazio-proiektu lagundu ditu 2,36 milioi eurorekin

    Telelana ezartzeko proiektuak eta 4.0 industriako teknologia bideratzaileekin...Leer más

Enpresa digitala 27 maiatza, 2020
Euskadi EBko liderra da eraldaketa digitalean

  Telefónica Fundazioak Espainiako Gizarte Digitalari buruz eginiko txostenak erakusten du...Leer más

Enpresa digitala 13 maiatza, 2020
Enpresa Digitala ekitaldien agenda. Ekitaldien formatu berria

Onlineko formatua zuzeneko streaming interaktiboarekin.  Nola ez dakigun noiz antolatu ahal...Leer más

Enpresa digitala 19 martxoa, 2020
Eusko Jaurlaritzak telelana autonomoetan eta ETEetan berehala ezartzeko eta aholkularitza emateko zerbitzua jarri du abian

COVID-19 sortzen ari den egoera eta agintari eskudunek hartutako neurriak ikusita, Eusko...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?