Euskal enpresaren blog-a Zure enpresarentzat garrantzitsua den eguneroko informazioa
17 apirila, 2017

Transporter, ekonomia kolaboratiboa paketeriara heldu da

Enpresak aprobetxatu egiten du partikularrek bere ibilgailuetan erabiltzen ez duten espazioa.

Startup bizkaitarra BIC-Ezkerraldea zentroan kokatuta dago.

 

Endika Nebredak, Transporter enpresaren fundatzaileetako batek, honelaxe definitu du bere konpainia: “Uber edo BlaBlaCar bezalakoa da, baina merkatu-gaien garraio sektorean kokatzen da”. Transporter erabiltzen ez diren baliabideen aprobetxamenduan oinarritzen da, partikularrek autoz egiten dituzten bidaiak baliatzen baititu peer-to-peer paketeriako zerbitzu berri bat eskaintzeko. “Elkarrekin harremanetan jartzen ditugu, batetik, hiri batetik bestera zerbait bidali behar duten pertsonak eta, bestetik, ibilgailuetan soberan duten lekua paketeak garraiatzeko aprobetxatu dezaketen gidariak” azaldu du Endikak.

 

Oinarriko prozesua oso sinplea da, bi elementu dauzka: onlineko plataforma bat eta bidalketak gorde eta jasotzeko puntu gisa funtzionatzen duen tokiko saltokien sarea (transporter stores delakoak). Erabiltzaile batek pakete bat bidali nahi duenean, sareko saltokietako batean uzten du paketea, eta Espainiako hiri batetik bestera joan behar duen norbaitek web orria kontsultatzen du bere ibilbidean bidalketaren bat ote dagoen jakiteko. Hala bada, erreserbatu eta saltokian jasotzen ditu bidaia hasi baino lehen. Iristean, jomugako transporter store-n utziko ditu paketeak.

 

Eredu abantailatsua da alderdi guztientzat: gidariei bidaiaren zati bat ordaintzeko modua ematen die; dendek, berriz, publizitatea eta bezero berriak lor ditzakete, eta bidalketa bakoitzeko komisio txiki bat ere bai. Bestalde, bidalketak egiteko modu merkeena da erabiltzaileentzat, 3 eta 12 euro bitarteko prezioak izaten baitituzte paketearen pisuaren arabera (gehienez 20 kg).

 

Sistemak funtzionatu dezan, segurtasuna da oinarrizko elementuetako bat. Horregatik, bidalketa bakoitza ikuskatzen da, egiaztatzeko ez dagoela debekatutako produkturik, eta erabiltzaile guztiek eman behar dituzte beren datu pertsonalak. Gainera, gidariek ere beren bankuko datuak eta fidantza bat uzten dute, paketea kaltetuta iristen bada edo galtzen bada ere. Endika Nebredak eta Jon Hurtadok sortutako Transporter enpresa aurtengo urtarrilean jarri zen martxan, eta gaur egun Estatuko 11 hiritan dago, Madril, Bartzelona eta Bilbo barne.

 

Transporter enpresak Bizkaiko Foru Aldundiaren laguntza jaso du (BEAZen bitartez), eta BIC-Ezkerraldea Enpresen Garapenerako Zentroan dago kokatuta. Datozen hilabeteetan, startup-aren asmoa da hiri gehiagotara zabaltzea eta jasotzeko puntu kopurua handitzea; epe ertainera, berriz, beste herrialde batzuetara ere zabaldu nahi du.

Enpresa digitala 19 martxoa, 2020
Eusko Jaurlaritzak telelana autonomoetan eta ETEetan berehala ezartzeko eta aholkularitza emateko zerbitzua jarri du abian

COVID-19 sortzen ari den egoera eta agintari eskudunek hartutako neurriak ikusita, Eusko...Leer más

Enpresa digitala 9 urtarrila, 2020
Emakumeen presentzia handiagoa SPRIren Barnetegi Teknologikoa programan

  Programa horren bidez SPRI Taldeak ezagutzera ematen ditu zein joera zabaltzen ari diren...Leer más

Enpresa digitala 23 abendua, 2019
Emerid-ek identifikazio-sistema bat abiarazi du garrantzitsuena gal ez dadin

Startup bizkaitarrak  NFCan oinarritutako gailu itsasgarria garatu du kasko eta...Leer más

Enpresa digitala 10 abendua, 2019
Elikadura industriaren erronkak eraldaketa digitalari begira

AZTIk landutako txosten baten arabera, sektorea aurreneko faseetan dago oraindik Elikaduraren...Leer más

Enpresa digitala 4 abendua, 2019
EBk Euskadi saritu du banda zabal ultralasterra landa-eremuetara hedatzeko abiarazi dituen planengatik

Teknologia, Berrikuntza eta Lehiakortasuneko sailburuorde Estibaliz Hernáezek jaso du Bruselan...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?