Euskal enpresaren blog-a Zure enpresarentzat garrantzitsua den eguneroko informazioa

20 iraila, 2017
SwiftFlats, Erasmus ikasleak hartzeko zerbitzu integrala

Euskal startup hori izan zen Yuzz Barakaldo lehiaketako eta Mentor Day azeleragailuaren txapelketako irabazlea.

Euskal startup hori izan zen Yuzz Barakaldo lehiaketako eta Mentor Day azeleragailuaren txapelketako irabazlea.

 

SwiftFlats plataformak trukeko ikasleen ostatu erreserbak kudeatzen ditu eta onlineko espazio bat eskaintzen du, ikasleek posible izan dezaten pisu partekatu bateko logelak erreserbatzea hirira iritsi baino lehen. Aldi-baterako alokairua eskaintzen duten beste atari batzuen aldean, SwiftFlats plataformak baditu bi elementu bereizgarri, batetik, ikasleengan espezializatuta dago eta, bestetik, lantaldeak zerbitzu integrala eskaintzen die, bai maizter gazteei eta bai etxe-jabeei.

 

“Ostatu erreserbak kudeatzen ditugu” azaldu du Sergio Romerok, startuparen sortzaile eta zuzendariak, “baina zerbitzu gehigarriak ere eskaintzen ditugu, hasieratik integratuta sentitu daitezen”. Zerbitzu horren barruan sartzen da aireportuan jasotzea hirira iristen diren unean bertan eta tokiko Erasmus elkarteekin harremanetan jartzea, trukeko beste ikasle batzuk ezagutu ditzaten.

 

Bestalde, SwiftFlats plataformak zerbitzu gehigarri bat eskaintzen die etxe-jabeei, besteak beste, iragarkia plataforman argitaratzea, garbiketa zerbitzuaren kudeaketa, erantzukizun zibileko aseguruak eta giltzak jasotzea. “Zerbitzu integrala da, jabeak ez daitezen ezertaz arduratu” adierazi du Sergio Romerok. Bi alderdien lasaitasunerako, sistemak lehen hilabeteko alokairuaren ordainketa blokeatzen du erreserba egiten den unetik, eta ikaslea iristean ordaintzen zaio etxe-jabeari, dena ondo dagoela egiaztatu ondoren. Hauxe da negozio-eredua: etxe-jabeei nahiz trukeko ikasleei kobratzea jasotzen dituzten zerbitzu gehigarriengatik.

 

Ideia honen sorburua plataformaren sortzaile Alex Ramos, Asier Ramos eta Egoitz Arancetak bizi izandako esperientzia pertsonalak dira, baina, batez ere, lehenago izan zuten enpresa-abentura bat, Ikastravelling ikasleentzako bidaia-agentzia alegia. SwiftFlats enpresa aurtengo otsailean sortu zen eta onlineko plataforma irailean jarri zen abian. Denbora gutxi daraman arren, dagoeneko presentzia du Estatu osoko bederatzi hiritan, eta Bilbon 50 erreserba baino gehiagorekin hasi du ikasturtea.

 

“Orain inbertitzaile bila gabiltza Espainia osoan hazteko, sendotzeko eta 2019an edo 2020an Latinoamerikara jauzi egiteko” azaldu du startuparen zuzendariak “dena den, kanpoko inbertsiorik lortzen ez badugu, gure asmoa da Euskadin sendotzea, hemen izan dugulako arrakasta gehien, eta pixkanaka haztea Estatu osora”.

 

Proiektuak ekintzaileentzako Yuzz programaren azken edizioan parte hartu zuen BIC- Bizkaia Ezkerraldearen bitartez, eta irabazi egin zuen; maiatzean, berriz, Mentor Day Tenerife saria jaso zuen. SwiftFlats plataforma UPV/EHUko MBAe3 masterrean sortu zen, eta BEAZ eta SPRI Taldearen laguntza jaso zuen bere garapen fasean.

wake up! resumen CAS
Ekintzailetza 31 uztaila, 2020
Beste albiste batzuk ekintzaileentzat. Asteko laburpena. Uztailaren 27tik 31rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

kevo technologies
Oiartzungo KEVO Technologies enpresa teknologia proiektu onena izendatua izan da Bind 4.0-ren 4. edizioan

Kevo Technologies, Prozesuen Automatizazio robotikorako elkarrizketazko interfaze adimendunak...Leer más

ekinduz ehu upv
Ekintzailetza 29 uztaila, 2020
Marta Aparicio, Medikuntzako ikaslea, Ekinduz 2020 saria

121 ikaslek parte hartu dute UPV/EHUko 'ekintzailetzaren tribialaren' ezohiko edizio...Leer más

athletic club
Ekintzailetza 28 uztaila, 2020
Smart Solutions for Smart Destinations Challenge

Turismoko Mundu Erakundeak, Athletic Clubek eta Bizkaiko Foru Aldundiak startup-en lehiaketa...Leer más

wake up eus
Ekintzailetza 24 uztaila, 2020
Beste albiste batzuk ekintzaileentzat. Asteko laburpena. Uztailaren 20tik 24rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?