Euskal enpresaren blog-a Zure enpresarentzat garrantzitsua den eguneroko informazioa

20 ekaina, 2017
Subiranotasun teknologikoa, DIY instrumentuak eta diseinu irekia SummerLab tailerrean

 

Uztailean tailer bat antolatuko da teknologien erabilpen sozialari buruz.

Hirikilabs eta Uliako Haztegi Parkeak SummerLab topaketa ostatatuko dute uztailaren 12tik 15era. SummerLab kanpaldian aztertuko dira zein aukera sor daitezkeen kode irekiko teknologien, maker kulturaren eta aktibismo hiritarraren arteko nahasketatik. Aurtengo edizioaren ardatz nagusiak dira ekimen hiritarra eta teknologia sozialak; eta jarduerak kokatzeko prestatu diren espazioetan dagoeneko ikusten da badagoela gogoa esparru teknologikoa eta mobilizazio soziala uztartzeko. Tabakalerako kultura digitalaren laborategia eta Uliako udal haztegi zaharrak dira espazio horiek, auzo elkarteak berreskuratu egin baititu kultur jardueretarako parke publiko auto-kudeatu gisa erabiltzeko.

Jardunaldiak jende mota askori zuzenduta daude: teknologoak, ikerlariak eta maker-ak, baina baita ere arte eta gizarte diziplina desberdinekin lotutako profilak edota kolektibo hiritarretatik datozenak. Kanpaldiak lau egun iraungo ditu, eta denbora horretan lantalde desberdinak osatuko dira, parte-hartzaileek eurek prestatuko duten jarduera programa banatu batekin.

Sei gune tematiko finkatu dira: maker filosofia, hacktibismoa, ekimen hiritarrak eta teknologia irekien aukerak. Adibidez, Subiranotasun Teknologikoaren taldeak gogoeta egingo du kontzeptu horren inguruan, metodologia eta dinamika desberdinak erabiliz, ikuspegi kritikotik abiatuta eta modu ludiko batean. Diseinu Irekiko taldeak Uliako Haztegien Parkea hartuko du kasu gisa, altzariak kolektiboki eraikitzeko. Luthería Experimental taldeak, bestalde, proposatuko du soinu dispositiboak sortzea, elkarrekin nahastuz ezagutza klasikoak eta Do It With Others joera.

Bestalde, hiri adimenduna ulertzeko modu alternatiboei buruzko tailerrak egingo dira, teknologia hiritarrak baliatuz. Horrez gain, talde batek datuak aztertu eta bistaratuko ditu, Airbnb fenomenoak Donostian izan duen efektua abiapuntutzat hartuta. Hirikilabs – Tabakalerako kultura digitaleko eta teknologiako laborategiak eta DSS2016 ekimenak antolatu dute SummerLab, izen-ematea dohainekoa da eta horretarako proiektuko atarian sartu behar da.

Javier Calleja, CEO Solaris
Berrikuntza 3 uztaila, 2020
“Azken hilabetetako egoerak emisiorik gabeko mugikortasunerako trantsizio are azkarrago batera bultzatu beharko gintuzke”

Mugikortasun iraunkorra da haien ikur aipagarrienetakoa. Jesus Calleja Solaris Bus &...Leer más

Irailean bezeroarentzako arreta zenbakia doan izatera pasatuko da: 900 92 93 93

Datorren irailaren 1etik aurrera SPRIko bezeroaren arretarako telefonoa doakoa izango da eta 900 92...Leer más

EIC Europako Berrikuntza Azeleratzaileak Europa osoko enpresarik berritzaileenak aukeratzen ditu

  EIC Europako Berrikuntza Azeleratzaileak Europan berrikuntza eta I+G bultzatzen duen tresna...Leer más

Berrikuntza 2 uztaila, 2020
SmartCompo, azpi-produktu organikoak balioan jartzen dituen teknologia berritzailea

  Enpresa gipuzkoarrak 2020ko Europako Ingurumen Sarietako bat irabazi...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?