Euskal enpresaren blog-a Zure enpresarentzat garrantzitsua den eguneroko informazioa
5 urria, 2017

Nola piztu motibazioa jolasaren bidez

SPRI Taldeak ikastaro bat antolatu du Miramon Enpresa Digitala ekimenaren barruan.

 

Informatikako goi-ingeniari Ana Moyak eta Konputazio Zientzietako doktore Leire Bastidak azaldu dutenez, gamifikazioa da jolasaren dinamikak eta legeak produktu edo zerbitzu bati aplikatzea, “esperientzia gogoangarria” lortu ahal izateko. Bien artean eskainiko dute Motibazioa negozioaren hobekuntzaren ardatz ikastaroa, urriaren 16an Donostian.

 

Jardunaldi horren helburua da sakonago aztertzea nolako tresnak erabil daitezkeen antolakunde bateko pertsonak motibatzeko, bai enpresa barruan eta bai bezero, hornitzaile eta beste agente batzuekiko harremanetan. Ikaskuntza-prozesua praktikoa izango da, adibideak erabili eta gamifikazio metodologiak aplikatuko direlarik ikastaroan bertan. “Ikastaroaren edukiekin lotutako hainbat misio aurkeztuko dizkiegu parte-hartzaileei” azaldu du Leire Bastidak, Tecnaliako Proiektu zuzendariak, “erronkak zientzia fikziozko eszenatoki batean garatuko dira, gamifikazio teknikak aplikatuko ditugu girotze egokia lortzeko, eta storytelling teknika baliatuko dugu parte-hartzaileak hobeto murgildu daitezen istorioan”.

 

Ikastaroaren helburua da parte-hartzaileek modu praktikoan esperimenta dezatela gamifikazioa eta, bide batez, horrelako metodologien giltzarri teorikoak ikastea. Programak aztergai izango ditu jolasaren mekanikak, dinamikak eta elementuak, bai eta erabil daitezkeen estrategia eta tresnak, eta ingurune desberdinetan izandako kasu arrakastatsuak. “Esperientzia motibatzaileak sortzeko erabiltzen dugun metodologia partekatuko dugu” adierazi du Ana Moyak –berau ere Proiektu zuzendaria Tecnalian-, “edozein testuingurutan aplikatu daitezke: jardunaldi bat antolatzean esperientzia desberdin bat sortzeko, enpresa barruan arazo bat dagoenean, bileretan ezin duzunean pertsonekin konektatu edo bezeroen motibazioa handitzeko ere bai”.

 

Gamifikazioa zer den, zein teknika baliatzen dituen eta nolako metodologietan oinarritzen den jakin nahi duen edonork parte har dezakete topaketan. Ikastaroa Gipuzkoako Zientzia eta Teknologia Parkean egingo da, SPRI Taldeak antolaturik Miramon Enpresa Digitala ekimenaren bitartez.

Enpresa digitala 19 martxoa, 2020
Eusko Jaurlaritzak telelana autonomoetan eta ETEetan berehala ezartzeko eta aholkularitza emateko zerbitzua jarri du abian

COVID-19 sortzen ari den egoera eta agintari eskudunek hartutako neurriak ikusita, Eusko...Leer más

Enpresa digitala 9 urtarrila, 2020
Emakumeen presentzia handiagoa SPRIren Barnetegi Teknologikoa programan

  Programa horren bidez SPRI Taldeak ezagutzera ematen ditu zein joera zabaltzen ari diren...Leer más

Enpresa digitala 23 abendua, 2019
Emerid-ek identifikazio-sistema bat abiarazi du garrantzitsuena gal ez dadin

Startup bizkaitarrak  NFCan oinarritutako gailu itsasgarria garatu du kasko eta...Leer más

Enpresa digitala 10 abendua, 2019
Elikadura industriaren erronkak eraldaketa digitalari begira

AZTIk landutako txosten baten arabera, sektorea aurreneko faseetan dago oraindik Elikaduraren...Leer más

Enpresa digitala 4 abendua, 2019
EBk Euskadi saritu du banda zabal ultralasterra landa-eremuetara hedatzeko abiarazi dituen planengatik

Teknologia, Berrikuntza eta Lehiakortasuneko sailburuorde Estibaliz Hernáezek jaso du Bruselan...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?