Euskal enpresaren blog-a Zure enpresarentzat garrantzitsua den eguneroko informazioa

26 urria, 2017
Nola aplikatu erabiltzailearen esperientzia produktu digitalak sortzeko

SPRI Taldeak UX Global tailerra antolatu du Gasteizen eta Donostian.

SPRI Taldeak UX Global tailerra antolatu du Gasteizen eta Donostian.

 

Erabiltzailearen esperientzia deitzen zaio produktu edo zerbitzu batek erabiltzailearengan sortzen duen pertzepzioari eta erantzun emozionalari, eta hertsiki loturik dago beste hainbat kontzepturi, hala nola interakzioari, usagarritasunari edota informazioaren arkitekturari. SPRI Taldeak UX Global ikastaroa antolatu du aztertzeko nola erabil daitekeen ikuspegi hori produktu eta zerbitzu digitalak diseinatzean. Ikastaroa Gasteizen eta Donostian egingo da azaroan.

 

Bi jardunaldiko tailer hori lehen murgilketa bat izango da, erabiltzailearengan zentratutako diseinuko metodologiak ezagutzen hasteko. Hala, hainbat giltzarri emango dira usagarriagoak diren eta pertsonen premietara hobeto egokitzen diren produktu eta zerbitzu digitalak diseinatzeko. Oinarri teoriko batetik abiatuz eta adibide praktikoak landuz, parte-hartzaileek argi ikusiko dute zer den User Centred Design eta nola hobetu dezaketen beren web orrietako, aplikazioetako edo zerbitzu digitaletako erabiltzailearen esperientzia.

 

Mondragon Unibertsitateko UX eta Usagarritasunaren Espezializazio ikastaroko koordinatzaile Virginia Aguirrek emango du ikastaroa, zeina beraizik zuzentzen baitzaie web proiektuen kudeaketan, onlineko komunikazioan, eta aplikazioen diseinuan eta garapenean diharduten arduradun edo profesionalei. Programaren bidez, lehenbizi landuko dira erabiltzailearen esperientziarekin lotutako kontzeptu orokorrak, eta ondoren diseinu arloko teknikak, hala nola, prototipoak egitea, usagarritasun printzipioak eta ebaluazio heuristikoa.

 

Prestakuntza jardunaldi horiek BIC Araban izango dira, azaroaren 9an eta 10ean, Araba Enpresa Digitalak koordinaturik, eta Gipuzkoako Zientzia eta Teknologia Parkean (Donostia), azaroaren 14an eta 15ean, Miramon Enpresa Digitalak koordinaturik.

induistria digitala
Enpresa digitala 18 ekaina, 2020
Industria Digitala programak 279 digitalizazio-proiektu lagundu ditu 2,36 milioi eurorekin

    Telelana ezartzeko proiektuak eta 4.0 industriako teknologia bideratzaileekin...Leer más

Enpresa digitala 27 maiatza, 2020
Euskadi EBko liderra da eraldaketa digitalean

  Telefónica Fundazioak Espainiako Gizarte Digitalari buruz eginiko txostenak erakusten du...Leer más

Enpresa digitala 13 maiatza, 2020
Enpresa Digitala ekitaldien agenda. Ekitaldien formatu berria

Onlineko formatua zuzeneko streaming interaktiboarekin.  Nola ez dakigun noiz antolatu ahal...Leer más

Enpresa digitala 19 martxoa, 2020
Eusko Jaurlaritzak telelana autonomoetan eta ETEetan berehala ezartzeko eta aholkularitza emateko zerbitzua jarri du abian

COVID-19 sortzen ari den egoera eta agintari eskudunek hartutako neurriak ikusita, Eusko...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?