Euskal enpresaren blog-a Zure enpresarentzat garrantzitsua den eguneroko informazioa

20 uztaila, 2017
Naiz Fit, norbere taila zehatza ezagutzeko aplikazioa

Bi euskal gazte ekintzailek garatu dute proiektu hori.

 

Naiz Fit aplikazioak sakelakoarekin ateratako bi argazki –aurretik eta saiheska- baino ez ditu behar zure taila zein den jakiteko eta taila hori arropa marka desberdinetara egokitzeko. Borja Cembrero eta Sara López ekintzaileek bultzatutako proiektu horrek 2017ko Yuzz Donostia – San Sebastián lehiaketa irabazi du, eta abuztuaren hasiera aldera merkaturatuko dute lehen bertsioa.

 

“Gero eta arropa gehiago erosten da Internetez, baina erosleek arazo bat izaten dute, ez baitakite zein taila duten arropa bakoitzerako. Erosleak erositakoa itzuli behar izaten du, eta erosketa-esperientzia txarra bihurtzen da” azaldu du Borja Cembrerok, Naiz Fit enpresako zuzendari nagusiak. “Erabiltzaileek eta markek nabaritutako premia horretatik sortu ginen gu”. Aplikazioak ikusmen konputazionaleko algoritmoak erabiltzen ditu gorputzaren neurriak ateratzeko argazki baten bidez.

 

Sistema horrekin taila zehatza lortzen da. Aplikazioak datu-base bat du pieza guztien neurriak erregistratzeko eta datu-base horrekin alderatuta jakin daiteke pieza bat datorren tailarekin. “Oraingoz 6.000 erreferentzia dauzkagu, baina 50.000tik gora pieza izan nahi ditugu, gurekin kolaboratzen duten markek saltzen dituzten guztiak, alegia” adierazi du Borja Cembrerok. Zerbitzuak online erosteko web orriko botoi bat erabiliko du; hori aktibatuz gero, artikulu bakoitzeko taila egokienak markatuko ditu. Asmoa da guztiz doakoa izan dadila erosleentzat eta markek ehuneko bat ordain dezatela Naiz Fit zerbitzua erabiliz eginiko salmenta bakoitzeko.

 

Proiektua garapen-fase aurreratuan dago, eta abuztuaren hasieran merkaturatuko dute lehen prototipoa Zergatik arropa markarekin, nahiz eta marka gehiago sartuko dituzten hurrengo asteetan. “Prototipo honekin metrikak jasoko ditugu eta ikusiko dugu nolako inpaktua daukan, hau da, zein neurritaraino murrizten diren itzulketak eta handitzen diren salmentak” adierazi du Sara Lópezek, Naiz Fit enpresako marketin eta komunikazioko arduradunak. Fase hori doakoa izango da arropa markentzat, eta martxan egongo da urriaren amaierara arte. “Datorren urtetik aurrera, helburua da nazioartean zabaltzea, oso proiektu eskalagarria baita; saiatuko gara aplikazioari funtzionaltasun gehiago sartzen (adibidez, gustuen araberako gomendioak) eta balioa erantsi dezakeen guztia hobetzen” azaldu du Sara Lópezek.

wake up! resumen CAS
Ekintzailetza 6 ekaina, 2020
Beste albiste batzuk ekintzaileentzat. Asteko laburpena. Ekainaren 1tik, 5rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

akirutek
Ekintzailetza 4 ekaina, 2020
AKIRUTEK, Peritatze Informatikoak, Auzitegiko Laborategia eta Zibersegurtasuna

AKIRUTEK Igor Silva Sanzek eta María Ruiz Ubietak sortu zuten, bere bilakaera akademiko eta...Leer más

SABBATIC
Ekintzailetza 3 ekaina, 2020
Adimen Artifizial ultra-azkarra, ultra-praktikoa eta ultra-ekonomikoa duen ultra-maratoi baterako prest dauden enpresak

Sabbatic-i esker, edozein sektoretako eta tamainatako enpresek, Adimen Artifizialaren...Leer más

Ekintzailetza 2 ekaina, 2020
Microsoft AI for Earth-ek Euskadin bi proiektu sustatuko ditu, jasangarritasun-erronkei aurre egiteko

  Eusko Jaurlaritzak goraipatu egiten du Euskadik aurrez aurre dituen...Leer más

nantek aplanet Wivo
Ekintzailetza 1 ekaina, 2020
Nantek euskal startupak Emprendedor XXI Saria irabazi du

Nantek, baliabide baliotsu batean nahi ez diren plastikozko hondakinak eraldatzen dituen Erandioko...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?