Euskal enpresaren blog-a Zure enpresarentzat garrantzitsua den eguneroko informazioa

5 urria, 2017
Mindtaker, beldurrezko esperientzia errealitate birtualean

Bideojoko hori Relevo Videogames eta Virtualware enpresek PS4 kontsolarako eginiko proiektu bat da.

 

Mindtaker lehen pertsonan kontatutako istorio bat da, non jokalaria polizia-detektibe bihurtzen baita, bere haurtzaroko auzoan gertatutako krimen bitxi bat argitzeko. Protagonistak etxe zahar eta abandonatu batean sartu behar du, eta han ezkutuan dauden misterioei aurre egin, katu bat gidari duela. “Katuaren eta senaren laguntzaz, etxeak ezkutatzen dituen sekretuak deskubritu beharko ditu, eta barruko espiritua suntsitu”, azaldu du Jon Cortázarrek, Relevo Videogames estudioko zuzendari nagusiak; “ posible da jokoa erabiltzea kontrol dispositibo tradizionaletan, baina balio gehigarri bat ere badu: errealitate birtualeko betaurrekoekin jokatu daiteke, jokoan erabat murgiltzeko”.

 

Bilboko Relevo Videogames bideojoko estudioak eta teknologia interaktiboetan espezializatutako Virtualware enpresak elkarrekin garatu dute proiektua, Bizkaiko Foru Aldundiaren laguntzaz (BEAZen bitartez). Une honetan bideojokoaren azken faseak garatzen ari dira, eta aurkezpena joan den irailaren 19an egin zen PlayStation Talents programaren barruan, non parte hartzen baitu Bilboko estudioak. “Relevo estudioa PlayStation Talents programako kide da, Aliantzak adarraren bitartez; programa horrek akordio estrategikoak ditu ongi finkatutako estudioekin, eta laguntza ematen du komunikaziorako, marketinerako eta azoketan presentzia izateko” adierazi du Cortázarrek.

 

Lankidetza horri esker, Mindtaker jokoa presente dago egun hauetan Barcelona Games World 2017 azokan. Estatuko bideojoko-azoka garrantzitsuenetako bat da eta urriaren 5etik 8ra egingo da. PlayStation enpresaren stand-era hurbiltzen direnek aukera izango dute Mindtaker VR Experience probatzeko eta bideojokoko etxe beldurgarriaren barruan murgiltzeko formatu laburrean. Oraindik zehaztu gabe dago noiz merkaturatuko den Mindtaker bideojokoa, baina lantaldeak uste du datorren apirilerako prest egongo dela PlayStation plataformetarako, eta uda ondoren PCrako bertsioa ere kaleratuko dute.

 

Mindtaker

 

induistria digitala
Enpresa digitala 18 ekaina, 2020
Industria Digitala programak 279 digitalizazio-proiektu lagundu ditu 2,36 milioi eurorekin

    Telelana ezartzeko proiektuak eta 4.0 industriako teknologia bideratzaileekin...Leer más

Enpresa digitala 27 maiatza, 2020
Euskadi EBko liderra da eraldaketa digitalean

  Telefónica Fundazioak Espainiako Gizarte Digitalari buruz eginiko txostenak erakusten du...Leer más

Enpresa digitala 13 maiatza, 2020
Enpresa Digitala ekitaldien agenda. Ekitaldien formatu berria

Onlineko formatua zuzeneko streaming interaktiboarekin.  Nola ez dakigun noiz antolatu ahal...Leer más

Enpresa digitala 19 martxoa, 2020
Eusko Jaurlaritzak telelana autonomoetan eta ETEetan berehala ezartzeko eta aholkularitza emateko zerbitzua jarri du abian

COVID-19 sortzen ari den egoera eta agintari eskudunek hartutako neurriak ikusita, Eusko...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?