Euskal enpresaren blog-a Zure enpresarentzat garrantzitsua den eguneroko informazioa

6 apirila, 2017
Lean Kanban, balioa sortzeko ikuspegia

Metodologiak lan-prozesuak bistaratzen eta partekatzen ditu.

Apirilaren 11n tailer bat egingo da Bizkaiko Teknologi Parkean.

 

Lean Kanban metodologia lan-sistema bat da, malgutasuna ematen diona enpresetako lan-fluxuaren kudeaketari. Metodo horri esker, antolakundeak hobeto egokitzen zaizkie ingurune konplexu eta aldakorrei, kontuan hartzen baitute produktu edo zerbitzu baten garapen-prozesu osoa eta, bide horretatik, posible baita blokeoak deuseztatzea eta balioa ematen duten elementuetan kontzentratzea.

 

SPRI Taldeak, Bizkaia Enpresa Digitalaren bitartez, Nola lortu lana ateratzea tailerra antolatu du datorren apirilaren 11n. Jardunaldiaren helburua da lan-metodologia hori ulertaraztea, oinarrizko praktikak aplikatuz antolakundeen kudeaketa hobetzeko. Tresna horren bidez enpresek ikasiko dute arreta mantentzen lan garrantzitsuenetan, oztopoak azkar detektatzen eta komunikazioa hobetzen, bai barneko taldeen artean eta bai bezeroarekiko harremanetan.

 

Lean Kanban metodoa hainbat printzipiotan oinarritzen da. Lehena da prozesu osoaren ikusizko ulermen partekatua, eta baliagarri da lanari koherentzia eta bezeroari balioa emateko. Metodologiaren arabera, garrantzitsua da pertsonak batzea lana moteltzen duten blokeoak konpontzeko eta orobat oreka lortzea eskaeraren eta enpresako baliabideen erabilpen optimoaren artean.

 

Tailerra beraizik zuzentzen zaie lan-metodo hori beren lan esparruetan aplikatu nahi duten kudeatzaile eta profesional guztiei. Hiru ordu eta erdiko jardunaldi horretan, bertaratuek ikasiko dute lan-fluxuaren ikusizko kudeaketa egiten, bai eta Lean Kanban tresnak aplikatzen simulazio praktikoen eta esperientzia errealen bitartez.

 

BerriProcess erakundeko Teodora Bozheva-k emango du ikastaroa. Teodora Bozheva aditua da enpresen eraginkortasuna hobetzeko prozesuetan eta Lean Kanban University erakundeko prestatzaile akreditatua da.

Las universidades vascas dan un impulso al talento de Euskadi en inteligencia artificial
Euskadinnova 21 maiatza, 2020
Euskal unibertsitateek Euskadiko adimen artifizialaren inguruko talentuari bultzada emango diote

Euskadik aurrerapauso garrantzitsu bat emango du aurten adimen artifizialaren (AA) arloan....Leer más

Coroma para el desarrollo de una nueva generación de robots industriales inteligentes
Euskadinnova 20 maiatza, 2020
Adimen artifizialez garatutako roboten belaunaldi berriak fabrikazio-prozesuak aldatu ditu ontzigintzan, aeronautikan eta energian

Ideko, fabrikazioaren arloan espezializatutako zentro teknologikoa eta BRTAko kidea, azkenengo hiru...Leer más

Koiki, gizartea hobetzen duten eta hirietako kutsadura murrizten duten bidalketak

  Bazterkeria arriskuan dauden pertsonak enplegatzen dituen mezularitza-sare hau presente...Leer más

Sener
Euskadinnova 14 maiatza, 2020
Jupiterri misio zientifikoa laguntzeko euskal tresna

Misio aeroespazialetan, satelitearen interferentzia magnetikoek, askotan, esperimentu zientifikoak...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?