Euskal enpresaren blog-a Zure enpresarentzat garrantzitsua den eguneroko informazioa

19 iraila, 2017
Lea Artibaik ostatatuko du IKTen 1. Astea

Ekimen horrek doako ikastaroak eskaintzen dizkie ETE, mikro-enpresa eta hiritarrei.

 

Euro bakar bat gastatu gabe Interneten presentzia izateko tresnak, bezero berriak erakartzeko jarraibide sinpleak edo produktibitatea handitzeko tresnak, horra Lea Artibaiko IKTen 1. Astean eskainiko diren ikastaroen eduki batzuk. Doako zortzi tailer izango dira eta irailaren 25etik 29ra egingo dira Markina-Xemein, Ondarroa eta Lekeition, Leartibai Garapen Agentziak antolaturik SPRI Taldearen Enpresa Digitala ekimenaren laguntzaz.

 

Jardunaldien helburu nagusia da eskualdeko enpresa-sarearen lehiakortasuna hobetzea eta IKTen erabilpena sustatzea. Horregatik, tailerrak bereziki zuzentzen zaizkie merkatari, mikro-enpresa eta ETEei, baina badaude hiritar guztientzat pentsatutako ikastaroak ere. Prestakuntza-eskaintza hori diseinatzeko metodologia praktikoa erabili da, erraz ezartzeko moduko tresnekin, eta ez da behar aurretiazko ezagutza teknologikorik.

 

Mikro-enpresentzako egitarauan tailer hauek programatu dira: Nola lortu dohainik Interneten presente egotea, Tokiko “SEO”a: lortu zure bezeroek zure enpresa aurkitzea, Produktibitate Pertsonaleko Tailerra, Inbound Marketing eta Zure lehiakideen zaintza eta zure merkatuak ezagutzea. Prestakuntza-jarduera horien helburua da parte-hartzaileei irakastea tresnak, programak eta baliabideak erabiltzen, gero beren enpresetako egunerokotasunean aplikatu ditzaten.

 

Astean zehar egingo da baita ere Learn by doing – negozioaren irudia eta marka ikastaroa, merkatariei eta mikro-enpresei zuzendua. Tailerra zortzi ordukoa izango da, lau egunetan banatuta, eta parte-hartzaileek tailer horretan ikasiko dute nola hobetu beren saltokiek Interneten duten presentzia. Horrez gain, merkataritza elektronikoarekin lotutako erosketa-ohitura berriak jorratuko dira, “eginaz ikasi” metodologia aplikatuz, merkatariek beren negozioa egokitu dezaten mundu digitalera.

 

Azkenik, hiritar guztiei zuzendutako bi tailer antolatu dira Lea Artibaiko IKTen 1. Astean: Teknologiari dagokionez eguneratu zure burua eta Oinarrizko segurtasuna etxean. Mondragon Unibertsitateko irakasleek eta IKTen sektoreko profesionalek emango dituzte tailerrak, eta izena emateko Leartibai Garapen Agentziara jo behar da.

Basque Industry 4.0 6 uztaila, 2020
Metronic: “Puntako lan-metodologia berriak ezartzen ez baditugu, industria ahula izango dugu”

Eibarko konpainia hori kontrol eta neurketarako metrologia-ekipoen instalazioan espezializatuta...Leer más

Ausolan imprime alimentos en 3D para mejorar los productos texturizados para personas mayores
Ausolanek elikagaiak 3Dn inprimatzen ditu, adinekoentzako produktu testurizatuak hobetzeko

Faktore askok eragiten dute pertsonen elikaduran, zapore-aniztasunetik oroitzapenetara edo...Leer más

Basque Industry 4.0 2 uztaila, 2020
BIND 4.0 ekitaldiaren IV. edizioak berriro gainditu ditu espektatibak, krisia gorabehera

  SPRI Taldeko Ekintzailetzako zuzendari Aitor Urzelaik ostiral honetan aurkeztuko ditu...Leer más

Basque Industry 4.0 30 ekaina, 2020
Zibersegurtasuneko enpresa eta startup kopuruak gora egin du Euskadin

Zibersegurtasunaren Euskal Zentroak (Basque Cybersecurity Centre-BCSC) egin eta argitaratutako...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?