Euskal enpresaren blog-a Zure enpresarentzat garrantzitsua den eguneroko informazioa

27 uztaila, 2017
Informazio Teknologietan eginiko gastua %2,4 hazi da mundu osoan

Enpresa arloko softwarea da gehien hazi den merkatua.

 

2017an, 3 bilioi euroko gastua egingo da informazio teknologietan, hau da, 2016an baino %2,4 gehiago. Diru hori batez ere komunikazio zerbitzuetara bideratuko da (guztizkoaren %40) eta ondoren IT zerbitzuetara (%26) eta dispositiboetara (informazio teknologietan eginiko gastu globalaren %19).

 

Datu horiek jaso dira Gartner aholkularitzak joera teknologikoei buruz egin duen txostenean, non aurreikuspen bat ere egiten baitu 2017an eta 2018an teknologietan egingo den gastu globalari buruz. Datorren urteari dagokionez, teknologietan eginiko inbertsioak azkarrago haziko dira (%3,5) 3,11 bilioi euroraino.

 

Gartner aholkularitzaren arabera, epealdi horretan, enpresa arloko softwarearen sektorea haziko da gehien, %7,5 baino gehiago. Hazkunde horren arrazoi nagusia da horrelako aplikazioekin irabaziak eskura daitezkeela negozio kanal berrien bitartez eta automatizazio eta funtzionaltasun berrien premia handiagoa dagoela. SaaS aplikazioekin orobat emendatuko da azpiegiturak eta operazioak hobetzeko aukera ematen duten lainoko kudeaketa-tresnen eskaera.

 

Bestalde, 2017an dispositiboetan eginiko gastu globala batez bestekoaren gainetik haziko da, eta dispositibo bezala ulertu behar ditugu ordenagailu pertsonalak, tabletak nahiz smartphone-ak. Guztira, 566.000 milioi euro sortuko dituzte, 2016an baino %3,8 gehiago. Hazkunde portzentaje handiena sakelako telefonoena izango da, eta tableten merkatuak, berriz, beherantz jarraituko du.

 

Gartner-eko presidenteordeak, David Lovelock-ek, hauxe esan du aholkularitzak argitaratu duen oharrean: “negozio digitalen inpaktua dela medio, kategoria berriak sortzen ari dira, adibidez, elkarrekin batzen dituena softwarea, zerbitzuak eta jabetza intelektuala”. Belaunaldi berriko zerbitzu horiek teknologia disruptibo espezifikoak dakartzate industriarako, hala nola, Gauzen Internet erabiltzea manufakturan, blockchain aplikatzea finantza zerbitzuetan eta makinaria adimenduna txertatzea retail sektorean.

Enpresa digitala 27 maiatza, 2020
Euskadi EBko liderra da eraldaketa digitalean

  Telefónica Fundazioak Espainiako Gizarte Digitalari buruz eginiko txostenak erakusten du...Leer más

Enpresa digitala 13 maiatza, 2020
Enpresa Digitala ekitaldien agenda. Ekitaldien formatu berria

Onlineko formatua zuzeneko streaming interaktiboarekin.  Nola ez dakigun noiz antolatu ahal...Leer más

Enpresa digitala 19 martxoa, 2020
Eusko Jaurlaritzak telelana autonomoetan eta ETEetan berehala ezartzeko eta aholkularitza emateko zerbitzua jarri du abian

COVID-19 sortzen ari den egoera eta agintari eskudunek hartutako neurriak ikusita, Eusko...Leer más

Enpresa digitala 9 urtarrila, 2020
Emakumeen presentzia handiagoa SPRIren Barnetegi Teknologikoa programan

  Programa horren bidez SPRI Taldeak ezagutzera ematen ditu zein joera zabaltzen ari diren...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?