Euskal enpresaren blog-a Zure enpresarentzat garrantzitsua den eguneroko informazioa

8 martxoa, 2017
Informazio Gizartearen aurrerapena Euskadin

IKTak gero eta errotuago daude etxeetan, enpresetan eta administrazioan.

 

Informazio Gizartea zabaltzen ari da Euskadin, eta bizitza pertsonal, sozial eta produktiboaren esparru guztietara iristen ari da, IKTak gero eta gehiago erabiltzen direlako. Telefónica Fundazioaren azken 12 hilabeteetako Sociedad de la Información en España 2016 txostenak dio EAEn ia adierazle guztietan egin duela gora teknologia digitalen ezarpenak, eta bereziki aipatzekoa dela industria sektoreak eraldatzeko egin duen ahalegina.

 

Arlo pertsonalari eta familiarrari dagokienez, Interneterako sarbidea duten etxeen portzentajea %82,6koa da, eta gehien-gehienek banda zabala dute. Bestalde, internauta kopurua %84,8raino hazi da 16 eta 64 urte bitarteko biztanleen artean, 2015ean baino portzentajezko 3 puntu gorago kokatu delarik. Genero-etenak murrizten jarraitzen du, emakumezko internautak %83,5 direlarik eta gizonezkoak %86. Azkenik, eCommerce jarduera ere handitu egin da. Euskal erabiltzaileen %43,3k adierazi dute erosketaren bat egin dutela azken 3 hilabeteetan, eta portzentaje horrek aise gainditzen du Estatuko batez bestekoa.

 

Enpresei erreparatuz gero, IKTen erabilera egonkortu egin da hobetzeko marjina txikia zuten esparruetan, eta hazi egin da oraindik ezarpen maila handirik ez zutenetan. Hala, 10 langile edo gehiagoko enpresen %96,6k badute Interneta, eta kasuen ia %82an webgune propioa ere bai. Enpresa txikienen artean, 4tik 3k dute Sarerako konexioa, eta portzentajea 6 puntu hazi da iazko zifrarekin alderatuta. Gainera, 10 langile edo gehiagoko konpainien %70ek sinadura digitala baliatzen dute, eta kontuan hartu behar da zerbitzu hori zerbitzu aurreratutzat jotzen dela.

 

Bestalde, hiritarren eta administrazio publikoen arteko Internet bidezko elkarreraginak bere horretan dirau, %61ean kokatzen delarik. Horrelako kanalak lehenagotik baliatzen zituztenek gehiagotan erabili dituzte azken urte honetan; dena den, zifrek erakusten dute administrazio elektronikoak eginiko ahaleginak ez duela jaso hiritarrengandik espero zen erantzuna, hala dio behintzat Telefónicaren txostenak.

 

Era berean, azterlanak azpimarratu egin du Euskadik industria sektorean IKTen alde egin duen apustua, Eusko Jaurlaritzak 2016ko martxoan abiarazitako Euskadi 2020 Agenda Digitala plan estrategikoan mamitzen dena. Zentzu horretan, txostenak dagoeneko martxan dauden hainbat ekintza azpimarratu ditu: talentua erakartzeko Bind 4.0 nazioarteko programa, eta baita ere banda zabal ultra-azkarreko zerbitzuak jarduera industrialeko guneetara eramateko eta zuntz optikoa Administrazio Publikoaren 1.700 eraikinetan ezartzeko plana.

induistria digitala
Enpresa digitala 18 ekaina, 2020
Industria Digitala programak 279 digitalizazio-proiektu lagundu ditu 2,36 milioi eurorekin

    Telelana ezartzeko proiektuak eta 4.0 industriako teknologia bideratzaileekin...Leer más

Enpresa digitala 27 maiatza, 2020
Euskadi EBko liderra da eraldaketa digitalean

  Telefónica Fundazioak Espainiako Gizarte Digitalari buruz eginiko txostenak erakusten du...Leer más

Enpresa digitala 13 maiatza, 2020
Enpresa Digitala ekitaldien agenda. Ekitaldien formatu berria

Onlineko formatua zuzeneko streaming interaktiboarekin.  Nola ez dakigun noiz antolatu ahal...Leer más

Enpresa digitala 19 martxoa, 2020
Eusko Jaurlaritzak telelana autonomoetan eta ETEetan berehala ezartzeko eta aholkularitza emateko zerbitzua jarri du abian

COVID-19 sortzen ari den egoera eta agintari eskudunek hartutako neurriak ikusita, Eusko...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?