Euskal enpresaren blog-a Zure enpresarentzat garrantzitsua den eguneroko informazioa

22 maiatza, 2017
Gauzatu 2017 programa hazi egin da, eta 28 milioi euro ditu enpresa txikientzat eta ertainentzat

Ekainaren erdialdetik aurrera izango da

Ekainaren lehen hamabostaldian jarriko da indarrean, eta Eusko Jaurlaritzak ohartarazi du garrantzi handikoa dela inbertsio-proiektuak behar besteko aurrerapenez prestatzea. urtean hasi zenetik, Gauzatu programak 2.010 milioi eurotik gorako inbertsio pribatua eragin du, baita kalitateko 13.400 enpleguren sorrera ere. Vitoria-Gasteizko Burdinberri enpresara egindako bisitan, Tapiak nabarmendu du enpresa txikiak eta ertainak gure industriaren bihotza direla, enpresa “ikusezin” diren aldetik.

 

Eusko Jaurlaritzak Gauzatu 2017 industriari laguntzeko programaren beste deialdi bat jarriko du abian, 28 milioi euroko zenbatekoarekin, hau da aurreko urteetako deialdietan baino bi milioi gehiagorekin. Ekainaren erdialdetik aurrera izango da indarrean, baina Ekonomiaren Garapen eta Azpiegitura Sailak ohartarazi du garrantzi handikoa dela enpresa interesdunak proposamenak prestatzen hastea eta haien inbertsio-proiektuak behar besteko aurrerapenez aurreikustea.

 

Programa egonkorrenetako bat da, eta Euskal Autonomia Erkidegoko enpresa txikiek eta ertainek gehien estimatzen duten programetako bat. Kreditu itzulgarriak emanda, inbertsio pribatu berriak sustatzen ditu eta, hartara, berrikuntza teknologikoa eta ez-teknologikoa ekartzen du, baita enpleguaren sorrera ere.

 

2000 urtean programa aitzindari izan zena —gaur egun Europako herrialdeetan eta eskualdeetan hedatu da— 2017an indarrean dirau, baina, jakina, enpresa txikien eta ertainen beharren araberako ikuspegi eguneratuarekin, euskal industriak azken 17 urte hauetan bilakaera handia izan baitu.

 

16 urte hauetan, Eusko Jaurlaritzak 469 milioi euro zuzendu ditu kreditu itzulgarrietarako, eta horrek 2.010 milioi eurotik gorako inbertsio pribatua eta 13.390 enplegu berrien sorrera eragin du.

 

Gauzatu programaren helburu nagusiak dira:

 

* Garatzeko eta merkaturatzeko zailtasunak eta dituzten industria-balio handiko enpresen aldeko diskriminazio positiboa egitea.

 

*Kalitate eta balioi erantsi handiko inbertsio pribatuak sustatzea, kreditu itzulgarrien bidez.

 

*Enplegu berria sortzea eta gaur egun dagoena mantentzea.

 

*Berrikuntza teknologikoa eta ez-teknologikoa sustatzea, azken urte hauetako bilakaera teknologia kontuan izanik.

 

* Enpresei laguntzeko finantzaketa-tresnen eta -ereduen eskaintza indartzea —Administrazioak, aldi berean, baliabide berreskuragarriak eta birziklagarriak izateko aukera izango du.

 

Gauzatu 2017 programaren berritasunak eta ezaugarriak

 

Gauzatu 2017 programak balorazio-irizpide berri bat hartuko du kontuan, eta, beraz, inbertsio-zenbatekoaz eta enpleguen sorreraz gain, aintzat hartuko ditu 4.0 industriarekin lotzen diren inbertsioak.

 

Era berean, bereziki kontuan izango dira berrikuntza ez teknologikoko irizpideak, hala nola erantzukizun sozial korporatiboko politikak, berdintasun-planak, euskara-planak, berdinkatze-planak, kudeaketa aurreratua eta langileen partaidetza-planak.

 

Laguntza jaso dezaketen proiektuek gutxienez 120.000 euroko inbertsioa izan behar dute, eta, aldi berean, enplegua mantentzea eta/edo sortzea ekarriko dute, gehienez 36 hilabeteko epe batean. Eusko Jaurlaritzak enpresa berri horiei ematen dien laguntzak gehienez inbertsioaren % 35 izan beharko du, eta proiektuko 1,5 milioi euroko inbertsioa izango da gehienez.

 

Enpresa txikiak eta ertainak: enpresa “ikusezinak”, enpresa-ehunaren bihotza


 

Vitoria-Gasteizko Burdinberri enpresari egindako bisitan, Ekonomiaren Garapeneko eta Azpiegituretako sailburu Arantxa Tapiak jakinarazi du deialdia ekainaren lehen hamabostaldian irekiko dela eta, beraz, enpresak haien proiektuetan lanean has daitezkeela jada.

 

Bisitaldian Tapia sailburuarekin batera izan dira Javier Zarraonaindia Industriako sailburuordea eta Alejandro López Cárcamo Industria Garatzeko zuzendaria. Tapiak gogorarazi duenez, industriari laguntzeko programen osotasuna enpresa txikiei eta ertainei soilik zuzentzen zaie, eta enpresa horiek dira Euskadiko enpresa-ehunaren bihotza.

 

Gaur bisitatzen ari garen Burdinberri enpresaren moduko enpresak dira industria osagarriaren errealitatea, “lehen kalitateko” hornitzaileen sarea ehotzen dutenak eta enpresa traktore handiagoak elikatzen dituztenak. Enpresa handi eta traktore horiek izenez eta dimentsioz ezagunagoak diren arren, Burdinberri enpresaren moduko enpresa osagarriei esker dira gaur egun direna.


 

Eusko Jaurlaritzak babes-keinu berezia egin nahi izan die, gizartean “ikusezin” diren arren, aitorpena merezi duten milaka enpresei.
 

Burdinberri
 

Burdinberri enpresak 64 langile ditu eta Vitoria-Gasteizen kokatzen da. Kalitate handiko mekanizazioa eskaintzen die teknologia intentsiboko sektoreei, batez ere aeronautikako sektoreari.

 

Enpresaren jarduera tresneria aeroespazialean oinarritzen da (ingeniaritza, mekanizazioa eta abian jartzea) eta zuzenean lan egiten du Aernnova edo Areva moduko bezeroentzat. Airbusaren tier-1 hornitzaileen artean dago.

 

Burdinberrik, etengabe eguneratzeko ahaleginaren barruan, eta inbertsio-plan zorrotzen bidez, 6 milioi euro bideratu ditu beste nabe bat gaitzeko. Nabe horretan ahalmen eta onura teknologiko handiko 3 fresatzeko makina instalatu ditu.

Berrikuntza 23 uztaila, 2021
‘Euskal Camper premium’-a sortu da, hamar enpresen arteko lankidetzaren ondorioz

Automobilgintzaren euskal sektoreak Smart Comfort Platform 4.0 proiektuarekin lankidetzan aritzeko...Leer más

Berrikuntza 20 uztaila, 2021
Eusko Jaurlaritzak 2021-2024 Industriaren Garapen eta Nazioartekotze plana onartu du

Plana estrategikotzat jotzen da, eta ekonomia suspertzen lagunduko du, pandemiak eragindako erronka...Leer más

Uriarte Safybox
Uriarte Safyboxek kaxak eta armairu ez-metalikoak fabrikatzen ditu eremu oldarkorretan ekipoak babesteko

Uriarte SafyBox Bizkaiko enpresa, Uriarte Enclosures taldekoa (200 langile baino gehiago ditu),...Leer más

Leyre Madariaga Bingen Zupiria
Berrikuntza 9 uztaila, 2021
BDCC: Basque District of Culture and Creativity sortu da

Kultura eta Sormen Industriak Euskal Autonomia Erkidegoko enpresen eta langileen % 9,9 dira eta,...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?