Euskal enpresaren blog-a Zure enpresarentzat garrantzitsua den eguneroko informazioa

22 martxoa, 2017
Gamegune Opens plataformak e-sports komunitatea sustatu nahi du Euskadin

Plataforma berri hori Gipuzkoa Encounter ekitaldiaren barruan aurkeztu zen.

Plataforma berri hori Gipuzkoa Encounter ekitaldiaren barruan aurkeztu zen.

 

Gamegune Opens ekimenak helburutzat du bideojoko-txapelketez eta urte osoko ligez betetako espazio bat eskaintzea Euskadiko gamer komunitateari. Plataformak, Gipuzkoa Encounter ekitaldiaren 11. edizioaren barruan aurkeztu zenak, erantzuna ematen die Euskadin e-sports lehiaketek duten eragin gero eta handiagoari. Eragin horren adibide argiena urtero egiten den Major Gamegune txapelketa da.

 

Espazioak onlineko txapelketa presentzialak ostatatuko ditu urte osoan eta zabalik egongo da parte hartu nahi duen edonorentzat; orobat antolatuko dira bideojoko zehatz bati eskainitako urtaroko ligak eta asteburuko txapelketa txikiak. Joko bakoitzeko jokalari onenak sailkatuz joango dira, Major Gamegune lehiaketa handira iritsi arte.

 

Gamegune Opens plataformak antolaturiko lehen txapelketa Tolosako Usabal kiroldegian egin zen, Gipuzkoa Encounter ekitaldiaren barruan, Heartstone: Heroes of Warcraft jokoarekin. Plataforma berri honen helburua da e-sport arloko erreferente izatea Euskadin, eta jarraipena ematea urteroko Major Gamegune lehiaketari. Azken edizioa Donostiako Kursaal Jauregian egin zen joan den azaroan, non mundu osoko jokalari onenetako batzuk bildu baitziren. Ekitaldia zuzenean emititu zen streaming bidez eta sei hizkuntzatan, eta emisio horrek 400.000 bisita baino gehiago izan zituen.

 

Gipuzkoa Encounter ekitaldiak bere 11. edizioa egin zuen martxoaren 17tik 19ra Tolosan. Party informatikoak, bideojokoen, informatikaren eta teknologien arloetako afizionatu eta profesionalak urtero elkartzen dituen hitzorduak, errekor berria hautsi du aurten, 3.000 lagun bildu baititu. Ekitaldia Euskaltel Konekta Fundazioak antolatzen du Tolosako Udalaren, Gipuzkoako Foru Aldundiaren eta Eusko Jaurlaritzaren (SPRI Taldearen bitartez) laguntzarekin.

induistria digitala
Enpresa digitala 18 ekaina, 2020
Industria Digitala programak 279 digitalizazio-proiektu lagundu ditu 2,36 milioi eurorekin

    Telelana ezartzeko proiektuak eta 4.0 industriako teknologia bideratzaileekin...Leer más

Enpresa digitala 27 maiatza, 2020
Euskadi EBko liderra da eraldaketa digitalean

  Telefónica Fundazioak Espainiako Gizarte Digitalari buruz eginiko txostenak erakusten du...Leer más

Enpresa digitala 13 maiatza, 2020
Enpresa Digitala ekitaldien agenda. Ekitaldien formatu berria

Onlineko formatua zuzeneko streaming interaktiboarekin.  Nola ez dakigun noiz antolatu ahal...Leer más

Enpresa digitala 19 martxoa, 2020
Eusko Jaurlaritzak telelana autonomoetan eta ETEetan berehala ezartzeko eta aholkularitza emateko zerbitzua jarri du abian

COVID-19 sortzen ari den egoera eta agintari eskudunek hartutako neurriak ikusita, Eusko...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?