Euskal enpresaren blog-a Zure enpresarentzat garrantzitsua den eguneroko informazioa

29 ekaina, 2017
Fabrikazio aditiboa industrian kostuak murrizteko

Mizar Additive Manufacturing konpainia arabarrak sektore aeroespazialerako, medikuntzarako eta industriarako osagaiak ekoizten ditu 3D inprimaketako teknologia aurreratuen laguntzaz

 

2014ean sortu zenez geroztik, fabrikazio aditiboan jardun eta Alcor Taldeari atxikita dagoen Mizar Additive Manufacturing enpresa arabarrak etengabeko ahalegina egin du I+G-aren arloan, konpainiaren jarduera 4.0 Industria delakora bideratuz eta sektore aeroespazialari, medikuntzari eta industriari zuzendutako soluzio aurreratuak eskainiz.

 

Material plastikoaren gainjartzea bezalako fabrikazio aditiboko teknologien laguntzaz, Miñaon egoitza duen konpainiak enpresei zuzendutako era guztietako osagai plastiko eta metalikoen nahierako diseinuan eta ekoizpenean espezializatutako zerbitzua eskaintzen du hasiera-hasieratik.

 

“Hiru dira fabrikazio aditiboaren abantaila nagusiak: malgutasuna, erreproduzi daitezkeen formei dagokienez; bezeroei soluzioak eskaintzeko azkartasuna, eredu digitaletik amaierako piezara zuzen-zuzenean abiatuz, eta azkenik, kostu orokorretako aurrezkia, materiala behar den lekuetan baino ez erabiliz”, adierazi du Jon Ander Goyenechea Mizarreko zuzendari kudeatzaileak.

 

Sektore aeroespazialean, fabrikazio aditiboak arintasun handiko osagaiak gauzatzeko aukera ematen dio Mizarri; adibidez, muntaketarako tresnak, saiakuntzetarako prototipoak edota amaierako piezak. Berrikitan, euskal enpresak esparru honetan lortutako azken berrikuntzak erakutsi zituen Bilbon, Addit3D azokaren barruan, hala nola, teknologia aditiboaren laguntzaz Karten Space start-up arabarrarerako fabrikatu dituen nanosatelite batzuen modelo estrukturalak. Mizarren teknologiak ekipoak denbora-tarte laburragoan eta ohiko sateliteak baino kostu txikiagoan diseinatu eta ekoiztea ahalbidetzen du.

 

Fabrikazio aditiboaren abantailak medikuntza sektorean ere aplika daitezke. Esparru honetan, Mizarrek paziente bakoitzari egokitutako soluzio pertsonalizatuak eskaintzen ditu: protesiak, neurrira egindako inplanteak zein modelo anatomiko pertsonalizatuak. Industria arloan, Mizarrek automobilgintzarako zein injekziorako balio erantsi handiko osagaiak eskaintzen ditu nagusiki, besteak beste.

 

Etorkizunean ere, Mizarrek espezializatzen jarraituko du fabrikazio aditiboaren erronketara egokitzeko. “Hauexek dira gerora begiradauzkagun erronka nagusiak: apurka-apurka gero eta tamaina handiagoko osagaiak fabrikatzea, fabrikazio-prozesuak azkarragoak eta kostuetan lehiakorragoak izatea, eta fabrikazio aditiboaren aplikazioa material gehiagotara hedatzea”, ziurtatu du Goyenecheak.

Basque Industry 4.0 30 uztaila, 2020
SPRI taldeak lideratutako adituen nazioarteko taldeak aztergai du nola eragin dion osasun-krisiak emakumeen egoerari industrian

11 herrialdetako 17 adituk, SPRI Taldeak lideraturik bere Ekimen Estrategikoetako arduradun...Leer más

First Lego League España
Basque Industry 4.0 28 uztaila, 2020
Bi euskal talderen berrikuntza eta ekintzailetza saritua izan da First Lego League España lehiaketan

Euskadi punta-puntako eskualdea da berrikuntzaren sektorean, eta  etorkizunari...Leer más

Autoescuela Tawity
Errealitate birtualeko eskolekin eta ibilgailu elektrikoekin, autoeskolen etorkizuna Euskadira heldu da

Tawity izeneko start-upak errealitate birtualeko teknologia eta ikuspegi ekologikoa batu ditu...Leer más

Basque Industry 4.0 27 uztaila, 2020
171 euskal enpresak 1,3 milioi euroko laguntzak jasoko dituzte zibersegurtasun industriala bultzatzeko

  SPRI Taldeak kudeatutako programa honen hirugarren edizioak 3,3 milioi euroko inbertsioa...Leer más

Mondragon Unibertsitatea y Open Cloud Factory impulsan un nuevo laboratorio de Industria 4.0, abierto a empresas

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?