Euskal enpresaren blog-a Zure enpresarentzat garrantzitsua den eguneroko informazioa

6 uztaila, 2015
WeLive eta IES Cities, Hiri Adimendunerako bi proiektu, Euskaditik koordinatuta daudenak

Deustuko Unibertsitateak eta Tecnalia Research & Innovation erakundeak lankidetza akordio berri bat sinatu dute ikerketa bateratua eta enpresa eta erakundeen arteko lankidetza sustatzeko
WeLive proiektu europarraren irudia.

Deustuko Unibertsitateak eta Tecnalia Research & Innovation erakundeak lankidetza akordio berri bat sinatu dute ikerketa bateratua eta enpresa eta erakundeen arteko lankidetza sustatzeko, bereziki IKTekin lotutako proiektuetan. Akordio horrekin unibertsitateak eta ikerketa zentroak berritu egin dute 2012an adostua zuten hitzarmena, zeinaren helburu nagusia baita ikerketa bateratua bultzatzea sektore teknologiko gorakorretan.

Akordioa sinatzeko ekitaldian Europako bi proiektu aurkeztu ziren, dagoeneko martxan daudenak eta hizpide dugun lankidetzaren emaitza direnak: WeLive ekimena eta IES Cities plataforma teknologiko irekia, biak hala biak Europar Batasunak ko-finantzatuak eta Tecnalia zentroak koordinatuak. Ikuspegi desberdinak izan arren, bi proiektuek helburutzat dute datu irekietan oinarritutako aplikazio mugikorrak garatzea, bide horretatik, berrikuntza sustatzeko eta aurrera egiteko hiri sostengarriagoak lortzeko bidean.

WeLive ekimena Horizontea 2020 programaren barruko proiektu bat da, zeinaren helburua baita zerbitzu publiko pertsonalizatuak garatzea hiritarrekin ko-sortutako aplikazio mugikorren bitartez. Proiektu honetan Espainia, Italia, Finlandia eta Serbiako erakundeek, enpresek eta ikerketa taldeek parte hartzen dute, datu irekietan oinarritutako azpiegitura teknologiko bat sortzeko. Azpiegitura horren bidez hiritarrek eta administrazio publikoek aukera izango dute beren premiak adierazteko eta ideiak proposatzeko zerbitzu publikoen esparruan. Hortik abiatuta, enpresek eta ikerketa zentroek aplikazio berriak garatu ahal izango dituzte datu base publikoak erabiliz.  Estatu mailan ekimenak hainbat bazkide ditu, hala nola Tecnalia, Deustuko Unibertsitatea, Bilboko Udala eta EuroHelp Consulting aholkularitza bizkaitarra.

Bigarren proiektuak, IES Cities izenekoak, hiriek sortzen dituzten datuak aprobetxatzen ditu hiriguneko erronka handiei erantzuna emango dieten zerbitzu berriak garatzeko: mugikortasuna, ingurumena, energia, osasuna eta, besteak beste, turismoa. Ekimen horren bidez hiriko aplikazio mugikorrez osatutako ekosistema bat sortuko da, eta aplikazio horiek aprobetxatu egingo dituzte datu publikoak eta hiritarrek  smartphone bidez sortutako informazioa. Horretarako, proiektu pilotuak jarri dira martxan lau hiritan: Bristol, Rovereto, Zaragoza eta Majadahondan, hain zuzen. Horietako bakoitzean lau aplikazio garatuko dituzte eta plataforma ireki batean jarriko dituzte, enpresek eta administrazio publikoak erabil ditzaten. IES Cities partzuergoan Britainia Handiko, Alemaniako, Espainiako, Italiako eta Esloveniako 12 bazkide daude.

induistria digitala
Enpresa digitala 18 ekaina, 2020
Industria Digitala programak 279 digitalizazio-proiektu lagundu ditu 2,36 milioi eurorekin

    Telelana ezartzeko proiektuak eta 4.0 industriako teknologia bideratzaileekin...Leer más

Enpresa digitala 27 maiatza, 2020
Euskadi EBko liderra da eraldaketa digitalean

  Telefónica Fundazioak Espainiako Gizarte Digitalari buruz eginiko txostenak erakusten du...Leer más

Enpresa digitala 13 maiatza, 2020
Enpresa Digitala ekitaldien agenda. Ekitaldien formatu berria

Onlineko formatua zuzeneko streaming interaktiboarekin.  Nola ez dakigun noiz antolatu ahal...Leer más

Enpresa digitala 19 martxoa, 2020
Eusko Jaurlaritzak telelana autonomoetan eta ETEetan berehala ezartzeko eta aholkularitza emateko zerbitzua jarri du abian

COVID-19 sortzen ari den egoera eta agintari eskudunek hartutako neurriak ikusita, Eusko...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?