Euskal enpresaren blog-a Zure enpresarentzat garrantzitsua den eguneroko informazioa

7 iraila, 2015
Video for All: bideoa erabiliz hizkuntzak ikasteko metodologia berritzaileak

Video for All ekimenak irakasleentzako multimedia baliabideak eskaintzen ditu

Ikus-entzunezko edukiak sortzeko tresnak baliabide egokiak izan daitezke hizkuntzak modu aktibo eta ludikoan irakasteko. Hainbat formula daude atzerriko hizkuntzak testu-liburuetako ariketa tradizionalen bidez baino askoz modu dibertigarriagoan ikasteko, adibidez: telebistako iragarki bat imitatuz hiztegia ikastea, lanerako ahozko aurkezpenak egitea multimedia edukiekin edo Skype bidez elkarrizketa saioak egitea beste herrialde batzuetako ikasleekin.

Video for All proiektua Europako Batzordeak bultzatutako ikerketa bat da, zeinaren bidez jaso nahi baitira bideo digitalean oinarriturik dauden eta hizkuntzak ikastera zuzenduta dauden metodologiak, ideiak eta praktikak. Ekimenean parte hartzen dute, besteak beste Espainiako, Erresuma Batuko, Alemaniako, Txekiar Errepublikako, Italiako eta Bulgariako unibertsitateek, hizkuntza zentroek eta pedagogiako adituek, eta bere helburua da irakasleei ikasgelan erabil ditzaketen material eta baliabideak eskaintzea.

Ekimen honetan bideo digitala erabiltzen da baliabide pedagogiko gisa, aukera bikainak eskaintzen dituelako hizkuntza berri bat ahoz nahiz idatziz lantzeko eta gaitasun komunikatibo eta sortzaileak garatzeko. Plataforman hainbat ariketa praktiko daude, esaterako pelikula zati batean azpi-tituluak sartzea, film labur bat egitea elkarrizketadun eszenak sortuz edo bideoklip musikalak egitea.

Praktika bakoitzak fitxa pedagogiko bat dakar, eta adin eta zailtasun mailaren araberako sailkapen bat ere bai. Gainera, proiektuak hainbat baliabide bibliografiko dakartza ikus-entzunezko sorkuntzaren bidez ikasteko, eta Interneten dauden tresnen biltegi bat ere eskaintzen du irakaskuntza jarduerak egiteko, adibidez: sakelakoarekin bideoak grabatzeko eta editatzeko aplikazioak edota lainoko softwarea, musika eta irudiak nahasteko edo pelikuletan azpi-tituluak sartzeko. Asmoa da irakasle eta ikasleei hizkuntzen ikaskuntzarako material guztiak eskaintzea, edukiak berrerabili eta ikasgelan aplika ditzaten.

Irailaren 27tik 30era, Video for All proiektuko arduradun diren nazioarteko adituak Bilbon elkartuko dira eta hainbat lan-jardunaldi egingo dituzte Deustuko Unibertsitateko Deusto-Tech Life Laborategian. Ekimenak Europar Batasuneko Lifelong Learning programaren finantzaketa jasotzen du, eta aurtengo abenduan amaituko da, ikerketaren azken emaitzak argitaratzen direnean.

Enpresa digitala 27 maiatza, 2020
Euskadi EBko liderra da eraldaketa digitalean

  Telefónica Fundazioak Espainiako Gizarte Digitalari buruz eginiko txostenak erakusten du...Leer más

Enpresa digitala 13 maiatza, 2020
Enpresa Digitala ekitaldien agenda. Ekitaldien formatu berria

Onlineko formatua zuzeneko streaming interaktiboarekin.  Nola ez dakigun noiz antolatu ahal...Leer más

Enpresa digitala 19 martxoa, 2020
Eusko Jaurlaritzak telelana autonomoetan eta ETEetan berehala ezartzeko eta aholkularitza emateko zerbitzua jarri du abian

COVID-19 sortzen ari den egoera eta agintari eskudunek hartutako neurriak ikusita, Eusko...Leer más

Enpresa digitala 9 urtarrila, 2020
Emakumeen presentzia handiagoa SPRIren Barnetegi Teknologikoa programan

  Programa horren bidez SPRI Taldeak ezagutzera ematen ditu zein joera zabaltzen ari diren...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?