Euskal enpresaren blog-a Zure enpresarentzat garrantzitsua den eguneroko informazioa

20 uztaila, 2015
Europeana ekimenak 300 milioi eduki digitalizatu ditu Europako kultur ondarea irekitzeko

Plataformak ahalik eta gehien sustatu nahi ditu lizentzia irekiak, eduki horiek edozein pertsona, erakunde edo enpresak kontsultatu, nahastu eta berrerabil ditzan
Europeana, 2015-2020 Estrategia.

Europeana proiektua duela 5 urte sortu zen helburu batekin: Europako hiritarren ondare diren kultur edukiak irisgarri bihurtzea, sorkuntzarako, hezkuntzarako edo enpresa mundurako berrerabili ahal izateko. Denbora horretan, ekimenak 300 milioi objektu baino gehiago bildu ditu Europako 2.500 kultur erakundetatik (besteak beste, Bilboko liburutegien sare publikotik), direla liburuak, argazkiak, margolanak, audioak edo bideoak.

Europeana proiektuaren barruan digitalizatuko eduki guztiak ez dira Jabari Publikokoak, baina plataformak ahalik eta gehien sustatu nahi ditu lizentzia irekiak, eduki horiek edozein pertsona, erakunde edo enpresak kontsultatu, nahastu eta berrerabil ditzan. Izan ere, proiektuaren oinarrietako bat da ekonomia sortzailea bultzatzea ondare komuna baliabide gisa erabiliz. Europeana plataforman eduki horietan oinarritutako aplikazioen hainbat eredu daude, esaterako Zeitfenster, irudi historiko geo-kokatuak erakusten dituen errealitate handituko aplikazioa, edo Pathways, museo baten barruan ibilbide hezitzaileak sortzeko aukera ematen duena.

Dena den, digitalizatutako 300 milioi objektu horiek kultur ondare komunaren %10 baino ez dira. Horregatik, Europeana proiektuko lantaldeak 2015-2020 estrategia berria abiarazi du, kultur edukien irekiera bultzatzeko. Erakundez, ekintzaile teknologikoz, datu irekien arloko aktibistaz eta ikerlariz osatutako sare honek hainbat lehentasun ditu, besteak beste, plataforman partekatutako edukien kalitatea hobetzea eta bazkide eta arduradun politikoekin batera lan egitea, Europako kultur ondarea Jabari Publikoko lizentziekin digitalizatu dadin.

Halaber, Europeana proiektuaren barruan hainbat ekimen daude martxan, zeintzuen helburua baita Europako historia erakustea, eta horretarako, hiritarren -ez bakarrik erakunde handien- lekukotzak biltzea. Horregatik sortu dira, batetik, Europeana 1914-1918, Lehen Mundu Gerrarekin lotutako historia pertsonalen biltegi handiena, eta, bestetik, Europeana 1989, testu, argazki eta etxeko bideoen bitartez Berlineko harresiaren erorketaren inpaktua erakusten duena.

induistria digitala
Enpresa digitala 18 ekaina, 2020
Industria Digitala programak 279 digitalizazio-proiektu lagundu ditu 2,36 milioi eurorekin

    Telelana ezartzeko proiektuak eta 4.0 industriako teknologia bideratzaileekin...Leer más

Enpresa digitala 27 maiatza, 2020
Euskadi EBko liderra da eraldaketa digitalean

  Telefónica Fundazioak Espainiako Gizarte Digitalari buruz eginiko txostenak erakusten du...Leer más

Enpresa digitala 13 maiatza, 2020
Enpresa Digitala ekitaldien agenda. Ekitaldien formatu berria

Onlineko formatua zuzeneko streaming interaktiboarekin.  Nola ez dakigun noiz antolatu ahal...Leer más

Enpresa digitala 19 martxoa, 2020
Eusko Jaurlaritzak telelana autonomoetan eta ETEetan berehala ezartzeko eta aholkularitza emateko zerbitzua jarri du abian

COVID-19 sortzen ari den egoera eta agintari eskudunek hartutako neurriak ikusita, Eusko...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?