Euskal enpresaren blog-a Zure enpresarentzat garrantzitsua den eguneroko informazioa

13 martxoa, 2017
SPRI Taldeak jardunaldi informatiboak hasi ditu eskualdeetan, enpresei azaltzeko eskura dituzten laguntzak eta zerbitzuak

Maiatzean amaituko diren 15 saio horiek osatuko dituzte joan den astean Euskadiko teknologi parkeetan egin diren hiru jardunaldiak

Maiatzean amaituko diren 15 saio horiek osatuko dituzte joan den astean Euskadiko teknologi parkeetan egin diren hiru jardunaldiak.

I+G programentzat bakarrik 142,6 milioi euroko diru-laguntzak emango dira

 

SPRI Taldeak astelehen honetan (martxoaren 13an) egingo du Euskadiko eskualdeetan antolatu dituen 15 jardunaldietatik lehenengoa, bertatik bertara azaltzeko Ekonomi Garapen eta Azpiegitura Sailaren menpeko enpresen garapenerako euskal agentziak 2017rako eskaintzen dituen laguntza eta zerbitzuak.

 

Maiatzaren 18an bukatuko diren saio horiek osatu egingo dituzte joan den astean Euskadiko hiru teknologi parkeetan egin zirenak, zeintzuetan 500dik gora enpresari elkartu baitziren lehen eskutik ezagutzeko eskaintzen diren laguntza publikoak.

 

Aurkeztutako laguntzen helburua da sostengu ematea euskal enpresei lehiakorragoak izateko, nazioartekotzeko, eta Europako abangoardian kokatzeko 4.0 Industriaren aplikazioan. I+G programentzat bakarrik 142,6 milioi euroko diru-laguntzak emango dira.

 

SPRI Taldeko zuzendari nagusi Alexander Arriolak azpimarratu duenez, laguntza programa horiek “hobetzen ari dira urtez urte, enpresen eskaerei egokituz”. SPRI Taldea leihatila bakarra izatea nahi dugu, Sailak beste laguntza batzuek ere ematen baititu”.

 

Programa horien artean aipatzekoa da Renove Makineria plana, apirilaren erdialdean abiatuko dena, 9 milioi inguruko aurrekontuarekin (2016an baino bat gehiago). Plan horrek %15eko laguntza emango du, gehienez 70.000 euro makina bakoitzeko. Ekintzailetzari laguntzeko tresnek 5,8 milioi euroko zuzkidura dute, eta ETEetan EIKTen alde egin den apustuak, berriz, 9 milioiko aurrekontua. Gainera, 96 milioi bideratuko dira garapen industrialera.

 

Euskadiko eskualdeetan egingo diren jardunaldi horietatik lehenengoa astelehen honetan izango da Arrasaten, Garaia Gunean, goizeko 9:30etik aurrera, Saiolan eta Debagoienaren eskutik. Martxoaren 17an izango da hurrengoa, Zarautzen (Urola Mankomunitatean), Urola Kostako Udal Elkarteak antolaturik; martxoaren 31n Zuatzu Industrialdean; martxoaren 23an Leioako Mendibile Jauregian; martxoaren 30ean Durangaldeko Behargintza zentroan; martxoaren 31n Errenterian, apirilaren 4an Bilbon, Gaia klusterraren eskutik; apirilaren 5ean, Bizkaiko Txorierri eskualdean; apirilaren 6an Azkoitian; apirilaren 7an Goierri Fundazioaren Berrikuntza Gunean; apirilaren 25ean Ficoba eraikinean; apirilaren 27an Aclimak Bilbon duen egoitzan, eta azkenik, maiatzaren 18an AIC-k Zornotzan duen egoitzan.

 

 

sede innobasque
Berrikuntza 30 uztaila, 2020
Innobasque, 2020 prospektiba-txostena

Berrikuntza lankidetzan, jasangarritasuna eta digitalizazioa, Covid-19ko errealitate berrirako...Leer más

“Orbea kooperatibak irismen handiko argiak izan behar ditu, eta baditu”

Orbea hitzarekin Euskadin pisu industrial handienetakoa duen marka bat izendatzen ari gara; eta...Leer más

First Lego League España
Berrikuntza 28 uztaila, 2020
Bi euskal talderen berrikuntza eta ekintzailetza saritua izan da First Lego League España lehiaketan

Euskadi punta-puntako eskualdea da berrikuntzaren sektorean, eta  etorkizunari...Leer más

Berrikuntza 24 uztaila, 2020
371 euskal erakundek Europako berrikuntza funtsaren ia 700 milioi euroko dirulaguntzak eskuratu dituzte

  Euskadi da nanoteknologia eta bioteknologia arloetan Horizontea 2020 programaren...Leer más

Oveja Latxa Ternua

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?