Euskal enpresaren blog-a Zure enpresarentzat garrantzitsua den eguneroko informazioa

8 azaroa, 2017
eDemocracity, blockchain sistema prozesu parte-hartzaileei aplikatuta

Plataformak teknologia hori darabil segurtasuna eta anonimotasuna bermatzeko.

Plataformak teknologia hori darabil segurtasuna eta anonimotasuna bermatzeko.

 

eDemocracity startupa plataforma bat da, prozesu parte-hartzaile digitalak egiteko aukera ematen duena eta administrazio publikoentzat zein enpresentzat pentsatua dagoena. Blockchain teknologian oinarritzen denez, posible da kontsultak modu askoz seguruagoan egitea, parte-hartzaileen anonimotasuna bermatzen duen prozesu deszentralizatu baten bidez. Lehen pilotua inplementatzen ari den proiektu hori Tecnalia zentroak sortutako Blockchain laborategi industrialaren barruan garatu zen. Gainera, Metaposta da eDemocracity enpresaren kolaboratzaileetako bat. Izan ere, Metapostak garatu du kontsultak egiteko eta erantzuteko web aplikazioa eta berak kudeatzen du parte-hartzaile bakoitzaren identifikazioa.

 

Teknologia hori kripto-txanponen esparruan egin zen ezagun lehenbizikoz, BitCoin-ak zabaltzen hasi zirenean, baina beste hainbat esparrutan erabil daiteke, besteak beste, boto elektronikoan. “Blockchain teknologiak kontularitza-liburu banatu baten modura funtzionatzen du” azaldu du eDemocracity enpresako zuzendari nagusi Miguel Ramosek, “boto digitalari dagokionez, batik bat segurtasuna ematen du, parte-hartzaile bakoitzaren nortasuna egiaztatzen delako, eta konponbide zentralizatua izan beharrean, datu-basearen erreplika osoa duten guneetan banatuta dago”. Metaposta-k gaitasuna ematen dio sistemari erroldan inskribatuta dauden pertsonen nortasuna egiaztatzeko eta, aldi berean, datuak babestuta daudela bermatzeko.

 

Startupak plataforma hori eskainiko du kontsultak eta prozesu parte-hartzaileak egiteko. Aplikazio zuzenena da sektore publikoan duena, zeren hiritarren parte-hartzea gero eta zabalduago baitago administrazio publiko askotan, gobernu irekiaren ildotik. Dena den, badaude baita ere antolakunde barruan parte-hartze sistemak integratu nahi dituzten enpresak. “Lehen pilotua inplementatzekotan gaude enpresa batean, eta dagoeneko hasi gara administrazioekin harremanetan, ikusi nahi dutelako nola erabil dezaketen eDemocracity hiritarrentzako prozesu parte-hartzaileetan” azaldu du Miguel Ramosek.

 

Startupak Tecnalia du bazkide teknologiko eta Metaposta kolaboratzaile, eta bera izan da Bizkaiko Zientzia eta Teknologia Parkean aurten abiarazitako blockchain laborategi industrialean garatu den lehen kasu arrakastatsua.

 

Tres entidades vascas participan en un proyecto para mejorar componentes críticos en turbinas eólicas
Haritive, el proyecto para la fabricación avanzada de piezas grandes y de alto valor con materiales de elevado coste
Berrikuntza Teknologikoa 24 ekaina, 2020
Haritivek aurrerapenak lortu ditu kostu eta tamaina handiko piezak sortzeko fabrikazio aurreratuko teknologian

Hiru urteko lanaren ondoren, Haritive proiektua amaitu da, eta aurrerapen handia lortu du...Leer más

Ikerlan prueba en Florencia un nuevo sistema para gestionar el ‘big data’ hacia la movilidad urbana inteligente
Plasnor reorienta su producción al fabricar planchas transparentes de metacrilato para mamparas
Berrikuntza Teknologikoa 1 ekaina, 2020
Plasnorrek bere ekoizpena berrantolatu du, manparetara bideratuta dauden metakrilatozko xafla gardenak egiteko

Legazpin egoitza duen Plasnor enpresa gipuzkoarrak merkatu berri bat aurkitu du. Orain arte,...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?